BOHULO MONGO OLONGIA 4:20 - KITABI HABARI MOPIOHE

²⁰ Ulipu lo Yehuda wau Isirai̒lu daatalio debo odelo hungayo tobiihu pentadu. Timongolio o ua̒alo wau u yilumolo motuuheta wau tumu-tumula sanangi.

BOHULO MONGO OLONGIA 4:20 ပူးပေါင်းရင်းမြစ်များ

ILOOWALI 13:16

Wau̒ mamongohi mai olemu wali u dadaata daa̒ tilinggula diaaluo penu boli ngotaa mao̒ mambo moleekeni olimongolio. Odelo woloolo mola tau diila moo̒leekeni peaahuo̒ tohuta, odito olo waliimu mai diila tao̒ leekenia.

ILOOWALI 15:5

Eeya lodelo olei Abram ode bulemengio tulusi lotahuda mao̒ olio, “Bilohi mola hulungo wau nte leekenia mola popoo-liyamaalo; yio̒ mamowali owali mai daatalio debo odelo popoo-liyamaalo boito.”

ILOOWALI 22:17

Wau̒ mamo balakati mai olemu wolo diila o eenggadelio wau mohutu mai waliimu mola debo odelo daatalio lo poliyama to hulungo wau debo odelo daatalio lo hungayo to biihu deheto. Walao̒ wau wombumu mamoo̒laahe mumuu-suwaalo limongolio.

ILOOWALI 32:12

Ambunguolo Eelailo mola deu̒ Eeya malodanti mai mamo ngaatulu mao̒ totoonulalo u hitua-tuawua wolo mopiohe duo̒lo watotia wau mongohi mai olo watotia dadaata wali. Diaaluo penu boli ngotaa mao̒ tamoo̒ leekeni mao̒ sababu daatalio debo odelo hungayo to pentadu.”

BOHULO MONGO OLONGIA 3:8

Watotia woluo tohuungo bangusa tamaa tilulaoto Eeya lowali umati lo Eeya lohihilao. Timongolio bangusa tuwau leidaa̒ udiila oyia̒apa jumulaalio.

BOHULO MONGO OLONGIA 4:29

Allahu Taa̒ala longohi mai hikimati olei Salomo, pongotota ulaba-labaalo, wau huhama u modelomo daa̒.

BOHULO MONGO OLONGIA 5:9

Tau-tauwala lowatia mamodelo ayu boito motuhuta mola monto Libanon ode deheto. Mota teto babaa-tangowalo ayu boito maa awadu mao̒ limongolio mowali hei̒ta wau mapeelihu limongolio motiduluhe pentadu ode tambati u tantuo mao̒ li Tuani. Mola teto hehee itawaalo boito demaa onggalolo wau wuduwola ode tau-tauwalo li Tuani u wumbutio mola. Monto ambahu oli Tuani, pohile lowatia alihu ti Tuani mopohetu mao̒ ua̒alo ode tau-tauwalo ngotuango bele biluloa̒ saaha li olongia laatia.”

OLUO MONGO OLONGIA 18:31

Diila mao̒ podungohu olei Hiskia. Wau̒, olongia lo Asyur mopoe̒elai alihu timongoli lumualao̒ monto kota wau mohudu mai batanga. De timongoli mowali molamelao̒ hungo lo angguru monto ilengimu lohihilao, wau moo̒ lamitao̒ hungo lo ara monto bungo lo ayumu lohihilao, wau mongilu taluhu monto alimu lohihilao,

BOHULO TAWARI 12:39

Tolo hui mola hiheolio mongo pangulu boito helo tibiluloa̒ mota teto wolei Dauda sambela lohutu mao̒ potihunggu wau helo lamita ua̒alo wau minumani upilohetu ode limongolio lotau Isirai̒lu wewolio.

BOHULO TAWARI 22:9

Eleponu odito, Eeya malodanti mai olau̒ danti botie: ‘Yio̒ mamoo̒ toduo mai walao̒ talolai̒ ngota tamaa momalenta lou̒ aamani, sababu Wau̒ mamo tulungi mai olio tilinggula diaaluo musu tamoluhu olio. Tio mau̒nteelo Salomo sababu ngotilonggadu tio hemo malenta, Wau̒ mamongohi mai oduo̒oto wau u aamani to ngoilanggubu Isirai̒lu.

AYUBA 1:18

Tou̒ tio donggo hemobisala, malonao̒ mai wato wewo talodelo habari, “Mongo walai̒ Tuani donggo hemohutu potihunggu tobele lowalai̒ Tuani tamohuhula daa̒.

POHUMAYA 14:28

Odudaa̒ li olongia dudutuulio to jumulaa ulipulio; wonu diaaluo ulipu tio diila mowali okawasa.

TAMOO-HUTUBAWA 2:24

Diaaluo ulebe mopiohu to manusia lou̒ molamelo, mongilu wau molamitao̒ tilapulo kalajaalio. Wau̒ mongalati deu̒ uito olo wowohi mai lo Allahu Taa̒ala.

YESAYA 22:13

Bo bolii̒o mao̒, timongoli motisana-sanangi, wau mohutu potihunggu. Timongoli mongolota sapi wau himba, molamela tapu wau mongilu taluhu lo angguru sambela mongiibodu, “Duloolo ito molamela wau mongilu, sababu loombu ito mate!”

MIKHA 4:4

Timii̒du tau matumumulo aamani wau salaamati tohuungo ilengi lo angguru wau ileengi lo aralio; diaaluo tamo poo̒ohe-oohe olio, uitolo danti lo Eeya Taa Laba-labaalo kawasa.

JAKARIA 3:10

Wonubolo dulahee boito meidungga, timiidu tau mamoloduo tiheedio u monao̒ mai wau moo̒laasa dame wau beebasi monto totoonulalo usuukali wau baala tohuungo ii̒i-lengiyalo angguru wau bubuu-ngowaalo aramu.”

JAKARIA 9:15

Umati-Lio tantu wohia-Lio poloduo̒lo, tilinggula totoonulalo musu olaahe limongolio. Debo odelo tingalao̒ lotaa u hihuwoa̒ lo minumani, oditolo olo tingalao̒ limongolio todelomo polotuuhua. Odelo duhu lobake u bilangguwato ode yitaato lomesba, odieelo mola duhu lomusu limongolio.

WUNGGULI LOMONGO RASULU 2:46

Timii̒du dulahu timongolio tulusi hemo tia̒mbu to Bele lo Eeya; wau hemo lamelo pee̒-pee̒enta, wolo hiwengahe wau hidupapawa lohilao to bebee-leyaalo limongolio.

BOHULO SEMUEL 30:16

Lapatao̒ tio malo depita olimongolio ode tambati lo woomboa boito. Tou̒ boito woomboa boito hipula-pulatia to ngoilanggubu tambati boito, sambela hipolamela, hipongiluma wau hipo tihunggua daa̒ sababu daatalio lobalangi yilambato u madilelo mai limongolio lonto lipu lo Pilistin wau Yehuda.