BOHULO MONGO OLONGIA 4:1 - KITABI HABARI MOPIOHE

¹ Tei Salomo malowali olongia to ngoilanggubu lipu lo Isirai̒lu.

BOHULO MONGO OLONGIA 4:1 ပူးပေါင်းရင်းမြစ်များ

OLUO LO SAMUEL 20:23

Uti-utieelo tahi dihuma pantungo lipu lailaio̒ tahe piludui̒o lei Dauda: Eyaanggu lo ngoilanggubu suludadu lo Isirai̒lu: tei Yoab. Tau̒wa lo poa̒ambua tamoo-kawalia batanga lei Dauda lohihilao: tei Benaya walae̒e Yoyada.

OLUO LO SAMUEL 5:5

To Hebron tio helo malenta Yehuda ngotilonggadu pitu lotaunu wau ngoputu, wau to Yerusalemu tio helo malenta ngoilanggubu Isirai̒lu wau Yehuda ngotilonggadu tolo pulaa tolo taunu.

OLUO LO SAMUEL 8:15

Odi-odieelo mola tei Dauda helo malenta ngoilanggubu Isirai̒lu wau helodaha alihu ulipulio laito moo̒toduo u aadili wau u mopiohu.

BOHULO MONGO OLONGIA 11:13

Bo diila ngoilanggubu lo bele biluloa̒ saaha li olongia boito mahamaa-U̒ monto olio. Domi wato-U̒ tei Dauda, wau Domi Yerusalemu u mapilowali-U̒ kotaa-U̒ boito, Wau̒ mamopo labitao̒ ngosuku ode walao̒ talolai̒mu.”

BOHULO MONGO OLONGIA 12:6

Lapatao̒ tei Rehabeam helohile naseehati tomongo panggola tapee̒enta lowali tamoo-nasehatia olei Salomo tiyamo lei Rehabeam. “Woloolo mola wau̒ molametao̒ totau-tauwala boito?” yilintu mao̒ lei Rehabeam, “Wolo naseehati limongoli?”

BOHULO MONGO OLONGIA 3:28

Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

BOHULO MONGO OLONGIA 4:2

Uti-utieelo tahi laia̒awa lo ulipu tahe piludui̒o lei Salomo: Mongo iimamu: Jadok, Ajarya walae̒e Jadok, Abyatar Dulutuli lolipu: Elihorep wolei Ahia, deu̒yito-yito mongo walae̒e Sisia Tamoo-ngurusia doi lolipu: Yosapat walae̒e Ahilud Eyaanggu diti lo popaatea: Benaya, walae̒e Yoyada Tamoo-ngimatoa tomongo uhuuhu: Ajarya walae̒e Natan Tamoo-nasehatia li olongia: Iimamu Jabud, walae̒e Natan Tau̒wa lou̒ ngaalaa̒ lobele biluloa̒ saaha li olongia: Ahisar Tau̒wa lo tamoo-kalajaawa pakusa: Adoniram, walae̒e Abda.

BOHULO TAWARI 12:38

Ngoa̒amila pangulu boito lonao̒ mota ode Hebron todelomo owowoluwoa dapadapato motuuhua wau oteekati u momudua̒a olei Dauda mowali olongia to ngoilanggubu Isirai̒lu. Wau ngoa̒amila taulo Isirai̒lu uwewo olo ngohilao u mohutu mao̒ sua̒li boito.

OLUO TAWARI 1:13

Lapatao̒ tei Salomo lololaa mao̒ tambati poi̒baadatiala to Gibeon tou̒toonu o Kema lo Eeya, lapatao̒ luli lohualinga ode Yerusalemu. Lonteeto tio helo ponao̒ pamalentaalio to Isirai̒lu.

OLUO TAWARI 9:30

Wopato pulu lotaunu mola hiheolio tei Salomo helo malenta to Yerusalemu to ngoilanggubu lo Isirai̒lu.

NEHEMIA 13:26

Yiloi̒yau̒ mao̒, “Diila madusa botie olo u hepilohutu li Olongia Salomo? Diaaluo olongia todunia botie talebe udaa̒ wolio. Allahu Taa̒ala helomonu mai olio wau lopowali olio olongia to ngoilanggubu Isirai̒lu. Eleponu odito tio mapiliyo lo mongobua bangusaa deli helohutu dusa.

TAMOO-HUTUBAWA 1:12

Wau̒, Taa Momokiilia, hemo malenta to Yerusalemu odelo olongia to Isirai̒lu.