BOHULO MONGO OLONGIA 3:9 - KITABI HABARI MOPIOHE

⁹ Sababu uito, yaa Eeya, potala wohia mai watotia tinepo upalaluo lo watotia u momalenta umati lo Eeya botie wolo aadili wau u mowali mopo hiheede toonu umopiohe wau toonu u moleeto. Wonu diila odito, diila pongalo aakali watotia mowali momalenta umati lo Eeya u udaa̒ botie?”

BOHULO MONGO OLONGIA 3:9 ပူးပေါင်းရင်းမြစ်များ

OLUO LO SAMUEL 14:17

Watotia yakini deu̒ danti li Tuani lowatotia boito mapo ngakuwalo u mopoa̒ahu olo watotia sababu ti Tuani lowatotia yito debo odelo malii̒ikati lo Allahu Taa̒ala, tamowali mopohiihede wolo u mopiohe wau wolo u moleeto. Pohileaala dua̒ Eeya Allahu Taa̒ala li Tuani lowatotia pee̒-pee̒enta woli Tuani lowatotia!”

BOHULO MONGO OLONGIA 10:24

Ngoa̒amila taa to ngoilanggubu dunia hipo-tolopania u modunggaya wolei Salomo u modungohe pongaa-jaliilio umolinepo uilohi mai lo Allahu Taa̒ala olio.

BOHULO MONGO OLONGIA 3:10

Eeya sanangi wolo polohone lei Salomo boito

BOHULO MONGO OLONGIA 3:28

Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

BOHULO TAWARI 22:12

Wau pohileaala dua̒ Eeya Allahu Taa̒alamu mongohi mai olemu tinepo wau huhama u momalenta Isirai̒lu mutuuu̒de wolo bubuu-too̒waalo Eeya.

BOHULO TAWARI 29:19

Wohia mai odelei Salomo, walao̒ talolai̒ lo watotia, ohilao utio̒otutua u modudua̒a ngoa̒amila palenta lo Eeya wau u momongu mao̒ bele poi̒baadatiala boito u mapilopo dapato lowatotia.”

OLUO TAWARI 1:10

Sababu uito ambunguolo wahiyalo mai watotia tinepo wau pongotota u palaluo lowatotia u motitauwa olimongolio. Wonu diila odito, diila pongalo aakali watotia mowali momalenta umati lo Eeya uleidaa̒ botie?”

JABURU 119:144

Wuu̒du lo Eeya laito aadili; wohiyalo mai watia huhaama alihu watotia tumumulo.

JABURU 119:34

Pohutualo watotia mongalati butoo̒ lo Eeya alihu dungohe lowatotia, wau pohutuo lowatotia wolo lealeaatu lohilao.

JABURU 119:73

Eeyaalo talo powali wau lohutu mai olaatia, wohiyalo mai watia huhaama u mobalaajali totoonulalo palenta lo Eeya.

POHUMAYA 14:8

Taa u molinepo motota woloolo mola musi mopohutu, taa u mohulodu owimbuloa lo oohulodio.

POHUMAYA 16:16

Moo̒tapu hikimati lebe mopiohe daa̒ lou̒ moo̒tapu hulawa; moo̒tapu pongotota lebe ohalaga lou̒ moo̒tapu talaa̒.

POHUMAYA 20:12

Bulonga u modungohu wau mato u momilohu, duduuluolo Eeyaalo talo powali mai.

TAMOO-HUTUBAWA 7:11

Taa tumutumulo patutilio ohikimati; peni lohikimati tutuuwauwa wolo waliisani;

TAMOO-HUTUBAWA 7:19

Hikimati moo̒hutu taa ohuu̒wolio lebe molotolo boli buheli daa̒ wolo tamopulu lota tamoo-kawaasa tokota tuwau.

YEREMIA 1:6

Watia lolametao̒, “Yaa Eeya Taa Laba-labaalo molanggato, watotia diila motota mobisala sababu watotia donggo humula daa̒.”

YEREMIA 45:5

Yilongolo yio̒ motohilaa pilopo tolomodu? Diila mao̒ odito, Barukh! Ngoilanggubu umati lo manusia hukuu-maniyo-U̒ mai wolo baala, bo pasali olemu, ngoi̒dilio yio̒ mamoa̒ahu. Penu boli deu̒toonu u nao̒omu, yio̒ madebo tumumulo. Wau̒, Eeya malo tahuda mai.”

DANIALI 2:21

Eeyaalo tamolantu mai sembo wau maasa, Eeya tamopo bulinggayanga wau momudua̒ tamoo-ngawaasa. Eetaalo olo tamongohi mai tinepo, wau mongohi mai wolo polongalati.

MATIUSI 3:11

Watia mopolihu olimongoli wolo taluhu u mopo biloheo̒ deu̒ timongoli malo lilihu lonto duduu-sawaalo limongoli; bo tamamei dunga mai lapatao̒ Watia, mamo polihu olimongoli wolo Rohullah wau tulu. Tio lebe udaa̒ mao̒ wolaatia. Penu bo modelo sapatu-Lio watia diila paatuti.

MATIUSI 3:14

Bo tei Yahya lohimontala diila lololimo hihiile-Lio boito, wau loloi̒ya mao̒, “wawaatiyalo tapatutilio lihua li Paaa̒. Botia tumbao̒ ti Paaa̒ tamalonao̒ mai ode laatia.”

YAHYA 5:30

“Wau̒ diila mowali mohutu wolo-wolo modudua̒ otohilaa-U̒ lohihilao. Wau̒ bo momutoo̒ motuuu̒de lou̒ wolo u pilomalentai lo Allahu Taa̒ala. Wau putuusani-U̒ aadili, sababu Wau̒ diila modudua̒ u otohilaa-U̒ lohihilao, bo wambao̒ u otohilaa lo Allahu Taa̒ala talolao mai ola-U̒.

2 KORINTUS 3:5

Amiaatia diila o alasani boli bo tuwau mao̒ u mopobilohe deu̒ amiaatia mambo mohutu kalaja botie, bo Allahu Taa̒ala talo pomambo olamiaatia.

EPESUS 5:17

Diila mao̒ potihulodu, bo tuletea mao̒ wolo u otohilaa lo Eeya.

PILIPI 1:10

Lou̒ odito otaawa limongoli molulaota wolo ulebe mopiohe daa̒, wau tutumuli mongoli mamobelesi monto aibu meaalo potulude penu boli wolo wambai̒o todulahee muli podungga mai li Almasi.

IBRANI 5:14

Ua̒alo u motoheeto yito ode taa leidaa̒ u sababu pongalamani, maloo̒ pohihiideo̒ toonu u mopiohe wau toonu u moleeto.

YAKOBUS 1:5

Wonu woluo ngotaalio to wolotamu diila botie molinepo, mamusi tio mohile monto Allahu Taa̒ala, yi Allahu Taa̒ala mamongohi mai tinepo olio; sababu ode timii̒du tau, Allahu Taa̒ala mongohi mai wolo muula lohilao wau wolo pongolaasa hilaa hilao.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.