BOHULO MONGO OLONGIA 3:7 - KITABI HABARI MOPIOHE

⁷ Yaa Eeya, Allahu Taa̒ala lo watotia, Eeya lomudua̒a olo watotia lowali olongia lobuulota woliyamo lo watotia, eleponu watotia donggo muda daa̒ wau diila motota woloolo mola dudelolio momalenta.

BOHULO MONGO OLONGIA 3:7 ပူးပေါင်းရင်းမြစ်များ

OLUO LO SAMUEL 5:2

Tumulalo mai omoo̒omolu, tumbao̒ tou̒ tei Saul donggo hemo malenta olamiaatia, ti Baginda olo helodelo suludadu lo Isirai̒lu timii̒du timongolio momaju mopaatea, tidiyolo Eeya malodanti mai odeli Baginda deu̒ ti Bagindaalo tamamo titau̒wa to umati-Lio wau mowali olongia limongolio.”

BOHULO TAWARI 22:5

Tei Dauda lohutu mao̒ ngoa̒amilalo boito sababu to pikiilangilio mola odie: “Wau̒ musi mopodapato wolo u palaluolo duo̒lo pomangulalo Bele lo Eeya. Sababu tei Salomo walau̒uu̒ talolai̒ donggo muda wau diipo botie o pongalamani, hiambola Bele lo Eeya umaa bongulolio boito musi uleidaa̒ wau masa-masaahuru to ngoilanggubu dunia.” Yi tou̒ tei Dauda diipo yilate, tio helo podapato dadaata daa̒ balangi u pomangulalo.

BOHULO TAWARI 22:9

Eleponu odito, Eeya malodanti mai olau̒ danti botie: ‘Yio̒ mamoo̒ toduo mai walao̒ talolai̒ ngota tamaa momalenta lou̒ aamani, sababu Wau̒ mamo tulungi mai olio tilinggula diaaluo musu tamoluhu olio. Tio mau̒nteelo Salomo sababu ngotilonggadu tio hemo malenta, Wau̒ mamongohi mai oduo̒oto wau u aamani to ngoilanggubu Isirai̒lu.

BOHULO TAWARI 29:1

Lapatao̒ malo loi̒ya ti Olongia Dauda ode ngoa̒amila taa u hia̒mbua teto, “Monto ngoa̒amila mongo walau̒uu̒ talolai̒, tei Salomoolo tatilulaoto Allahu Taa̒ala. Bo tio donggo humula daa̒ wau diipo botie o pongalaamani, hiambola kalaja botie kalaja u hulinta daa̒. Donggo poli umaa bonguloolo boito diila bele biluloa̒ saaha li olongia duo̒lo manusia, bo bele ode Allahu Taa̒ala.

JABURU 121:8

Eeya moduo̒lai olemu tou̒ yio̒ meidungga wau monao̒, botia wau ohiheo-hiheolo mao̒.

POHUMAYA 18:12

Taa u sombongi mamodehu, taa udupa-dupaapa lohilao mahurumatiolo.

TAMOO-HUTUBAWA 10:16

Matopotala lipu u olongialio donggo humula daa̒ wau taduduulaa̒ lo ulipulio oo̒onuwa u mohutu potihunggu daa̒.

YEREMIA 1:6

Watia lolametao̒, “Yaa Eeya Taa Laba-labaalo molanggato, watotia diila motota mobisala sababu watotia donggo humula daa̒.”

YEREMIA 1:7

Bo Eeya lolametai, “Diila mao̒ poloi̒ya yio̒ donggo humula daa̒. Wonu Wau̒ molao olemu penu boli olo tatoonu, yio̒ musi monao̒, wau ngoa̒amila u pei̒ polele-U̒ olemu, mamusi potunggulomu ode limongolio.

DANIALI 2:21

Eeyaalo tamolantu mai sembo wau maasa, Eeya tamopo bulinggayanga wau momudua̒ tamoo-ngawaasa. Eetaalo olo tamongohi mai tinepo, wau mongohi mai wolo polongalati.

DANIALI 4:25

Ti Tuani mapo lahiyolio monto huungo ulipu lomanusia wau tumumula towolota lo bibii-natangiyalo to padengo. Ngotilonggadu pitu lotaunu mola ti Tuani lo watotia mamonga huo̒yoto debo odelo sapi wau motuluhe to tanalapa ubua̒-bua̒de, tilinggula mobata lowambulo. Lapatao̒ uito ti Tuani lo watotia mamomasisi mao̒ deu̒ Allahu Taa̒ala Taa Laba-labaalo Molanggato okawasa to bele biluloa̒ saaha li olongia lomanusia, wau bele biluloa̒ saaha li olongia boito wuduo-Lio ode titaalo tita tatilulao-Tio.

DANIALI 4:32

Yio̒ mapo lahiyolo monto huungo ulipu lomanusia, wau tumumula wolo bibii-natangiyalo to padengo. Ngotilonggadu pitu lotaunu mola yio̒ mamonga huo̒yoto debo odelo sapi. Lapatao̒ uito yio̒ mamo tolongaku mao̒ deu̒ Allahu Taa̒ala Taa Laba-Labaalo Molanggato okawasa to bele biluloa̒ saaha li olongia lomanusia wau bele biluloa̒ saaha li olongia boito wohi-Lio mao̒ ode titaa lo tita tatilulao-Tio.”

DANIALI 5:18

Allahu Taa̒ala Taa Laba-labaalo molanggato lohutu mai olei Nebukadnejar, tiyamo li Tuani lowatotia olongia udaa̒ wau longohi olio odudaa̒ wau omasaahulu.

DANIALI 5:21

Tio pilopolahi lonto ulipu lomanusia wau aakalilio lowali debo odelo aakali lo binatangi. Tio tilumumulo wolo kolodai lo oa̒ayua, yilongaa huo̒yota debo odelo sapi wau lotuluhe to tanalapa u huo̒huo̒o tilinggula bilata lo wambulo. Pulitio mao̒ tio lomasisi deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito yilohilio ode titaalo tita wambai̒o tatilulao-Tio.

YIA̒APO 27:17

ngotaalio tamowali Eeyanggu towakutu timongolio mopaatea. Diila mao̒ polulia umati-Mu botie debo odelo himba udiila odiiti.”

YAHYA 10:9

Wau̒lo huhebu. Tatoonu tatumuwoto moli ola-U̒ mamoa̒ahu; tio tumuwoto lumualo wau moo̒tapu ua̒alo.

TINGULI 31:2

ualio mao̒, “Botia umulu lowatia mangohetuto dulo pulu lotaunu wau watia diilalo mambo mowali tau̒wa limongoli. Ngopohia leeto Eeya malo tahuda mai deu̒ watia diila mowali mobalango Dutulaa Yordan.

BOHULO SEMUEL 18:16

Bo Ngoilanggubu Isirai̒lu wau Yehuda motolia̒nga olei Dauda sababu tio tau̒wa udadaata jasalio.