BOHULO MONGO OLONGIA 3:28 - KITABI HABARI MOPIOHE

²⁸ Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

BOHULO MONGO OLONGIA 3:28 ပူးပေါင်းရင်းမြစ်များ

KOLOSE 2:3

Ti Almasilo talomuo̒ totoonulalo tinepo wau pongotota lo Allahu Taa̒ala u muloololio mai tutuuo̒.

DANIALI 2:47

Ti olongia loloi̒ya mao̒, “Otutu, Daniali, Allahu Taa̒alamu boito udaa̒ tutu to wolota lo totoonulalo Allahu Taa̒ala. Tio yito takawa-kawaasa tou̒ totoonulalo olongia, wau momuo̒ mai totoonulalo hitua-tuawua u milakusudu hetuuo̒lo. Otaawau̒ sua̒li boito sababu mailo mambowamu lotombangai boliilo hitua-tuawua u milakusudu hetuuo̒lo botie.”

1 KORINTUS 1:24

Bo ode tau-tauwala tamaa tiliango Allahu Taa̒ala – mopio taulo Yahudi meaalo taa diila Yahudi – habari boito debo odelo dudelo-Lio lo Allahu Taa̒ala mopo bilohei kawasa wau tine-Pio.

DANIALI 2:21

Eeyaalo tamolantu mai sembo wau maasa, Eeya tamopo bulinggayanga wau momudua̒ tamoo-ngawaasa. Eetaalo olo tamongohi mai tinepo, wau mongohi mai wolo polongalati.

TAMOO-HUTUBAWA 7:19

Hikimati moo̒hutu taa ohuu̒wolio lebe molotolo boli buheli daa̒ wolo tamopulu lota tamoo-kawaasa tokota tuwau.

POHUMAYA 24:21

Walau̒uu̒, poohelo mola to Eeya, wau pohurumatilo toli olongia. Diila mao̒ poduduo̒ wolo taa u moluwali olimongolio.

ESRA 7:25

Wutata Esra, pohunawa mao̒ hikimati u mailohi mai lo Allahu Taa̒ala ode Wutato, wau pudua̒alo mao̒ mongo tau̒wa wau hakimu tamomalenta ngoa̒amila tau to polopinsi Eperat Otolopa tahitumula lodudua̒ Butoo̒ lo Allahu Taa̒ala lo Wutato. Patutilio Wutata mopoa̒ajali mao̒ Butoo̒ boito ode ngoa̒amila taa u diipo yilotota.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

DANIALI 5:11

Sababu todelomo yilaidia li Tuani lowatotia woluo talolai̒ ngota tapolu-polu lorohu dedeewaalo u mantali. Tomaasa pamalenta liyamo li Tuani lowatotia, tau boito mailo bukuti opongotota, ohuhama wau ohikimati, udebo odelo hikimati lo dedeewaalo. Tiyamo li Tuani lowatotia ti Olongia Nebukadnejar malo mudua̒ao̒ olio lowali tau̒wa lotahi ahaalia momilohe paladu lomanusia, ahali lo tataa-heyaalo uilaapali mowali mopotoduo olootolo gaibu, tau-tauwalo tahi o ilimua wau ahali lo poliyama.

JABURU 72:2

Pohileaala dua̒ tio momutoo̒ umati lo Eeya modudua̒a butoo̒, mopohutu taa hideehea wolo aadili.

BOHULO TAWARI 29:24

Ngoa̒amila tadihu-dihu pamalenta wau suludadu tunggula demola mongo walae̒e Dauda mongo lolai̒ uwewo olo helomasisi okokawasa lei Salomo odelo olongia.

BOHULO SEMUEL 12:18

Lapatao̒ malodua̒ tei Semuel, wau to dulahulo boito Eeya lopo tuhutai bulonggodu wau didi. Ngoilanggubu bangusa boito mailoohe to Eeya wau to olei Semuel.

YOSUA 4:14

Todulahee boito Eeya helo ponao̒ susuu-aliyaalo u lohutu bangusa lo Isirai̒lu lohulumati olei Yosua odelo taa udaa̒. Ngotupa lo tutumulio timongolio helo hulumati olei Yosua debo odelo timongolio helo hulumati olei Musa.

PILOTIMUA̒TA 14:31

Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.

JABURU 72:4

Pohileaala dua̒ ti olongia mopoduulua haku ulipu tadiila bangusa, wau motulungi tau-tauwalo mosikini wau mopoo̒ pulitao̒ tahi podeehea olimongolio.

KOLOSE 2:2

Ngoa̒amilalo botie hepilohutu lowatia alihu hilaa limongolio mowali molotolo wau timongolio mototoolia̒nga tilinggula timongolio moa̒ita tutu mowali tuwau. Lou̒ odito timongolio tio̒otutua mongalati boli yakini wau motota hitua-tuawua u milakusudu tiluuo̒ Allahu Taa̒ala, deu̒ito-yito ti Almasi lohihilao.

BOHULO MONGO OLONGIA 3:27

Yi malo loi̒ya tei Salomo, “Diila patea walao̒ botie mate-mateelo mao̒! Wuduwalo ode taabua bohulio boito – tio-tiolo tiilolio.”

BOHULO MONGO OLONGIA 4:1

Tei Salomo malowali olongia to ngoilanggubu lipu lo Isirai̒lu.

POHUMAYA 16:10

Olongia mololimo kawasa monto Allahu Taa̒ala, oditolio, tio diila ototala todelomo putuusanilio.

YESAYA 28:6

Eeya mamongohi mai laasa u aadili tomongo hakimu, wau obuheli totau-tauwala tao̒tuugasi modaha kota monto tuhuwolo.

DANIALI 1:17

Allahu Taa̒ala longohi ode tabohulotau wopatota boito hikimati wau ahali todelomo ilimi wau kesusasteraa̒ni. Wewolio mao̒ leeto odelei Daniali yilohiya-Lio olo pongotota u motombanga bibilohu wau tohiilopo.

BOHULO MONGO OLONGIA 10:9

Ilopujialo mola Eeya, Allahu Taa̒ala li Tuani! Wolo lomuduo̒ oli Tuani lowali olongia lo Isirai̒lu, Eeya lopoi̒laalo malo odito sanangilio Eeya toli Tuani. Diila opulitio Eeya helomonu mai bangusa lo Isirai̒lu; uito sababuulio Eeya lomuduo̒ oli Tuani lowali olongia limongolio, alihu ti Tuani mowali mopo tihulao̒ butoo̒ wau u aadili.”

POHUMAYA 8:15

Mongo olongia bilantuwau̒ moponao̒ lo pamalenta, tahi kawaasawa tilulungiyau̒ mopolaio̒ u aadili.

POHUMAYA 25:2

Allahu Taa̒ala pilopo udaa̒ sababu wolo u dilepuhe-Lio; olongia hilurumati sababu wolo ulowali tilombangio.