BOHULO MONGO OLONGIA 3:14 - KITABI HABARI MOPIOHE

¹⁴ Wau wonu yio̒, debo odelo tiyamaamu Dauda, modungohe ola-U̒ wau modudua̒a butoo̒o-U̒, Wau̒ mamongohi mai olemu umulu u hayahaya.”

BOHULO MONGO OLONGIA 3:14 ပူးပေါင်းရင်းမြစ်များ

BOHULO MONGO OLONGIA 11:34

Eleponu odito Wau̒ diila tamohama ngoilanggubu bele biluloa̒ saaha li olongia boito monto olio. Tio mapoluli-U̒ mao̒ okawasa ngotupa lo tutumulio. Sua̒li boito pohutuwo-U̒ domi wato-U̒ tei Dauda, tamaa tilulaotu-U̒ wau talo dungohe totoonulalo butoo̒o-U̒ wau palentaa-U̒.

BOHULO MONGO OLONGIA 15:5

Eeya helohutu mai sua̒li boito sababu tei Dauda maloo̒ sanangi hilaa-Lio. Tei Dauda diila pee̒enta mao̒ lomalonga palenta lo Eeya, ngopohia todelomo sua̒li lei Uria taulo Het boito.

BOHULO MONGO OLONGIA 3:3

Tei Salomo motolia̒nga to Eeya wau helo dudua̒ toonula potuhata liyamolio, bo tio donggo hemo ngoloto wau hemo podewo binatangi to utoonulalo tambati.

BOHULO MONGO OLONGIA 3:6

Tei Salomo malo lameto, “Yaa Eeya, Eeya malo pobilohei batanga deu̒ Eeya momonu daa̒ tiyamo lo watotia, Dauda, wato lo Eeya boito. Tio mopiohe, juujulu wau tatapu molotolo hilao to Eeya. Wau odelo pongakuwalo u wumbutio mola Eeya debo momonu olio. Eeya longohi mai olio walao̒ talolai̒ ngota u masaatia hemomalenta lobuulota wolio.

BOHULO TAWARI 28:7

Wonu tio wolo tio̒otutua modudua̒a tulu-tulusi ngoa̒amila butoo̒ wau totoonulalo palentaa-U̒ debo odelo u hepilo hutulio masaatia botie, Wau̒ mamopoo̒ toheetao̒ yilaidialio u ohiheo-hiheolo mao̒.’ ”

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

OLUO TAWARI 29:2

Tei Hiskia helohutu uloo̒ sanangi hilaa lo Eeya debo odelo tei Olongia Dauda loluuhurulio.

OLUO TAWARI 34:2

Tio helohutu u loo̒sanangi hilaa lo Eeya; tio loo̒ baaya oli Olongia Dauda loluuhurulio, wau helo dungohe ngoa̒amila butoo̒ Allahu Taa̒ala wolo lealeaatu lohilao.

JABURU 132:12

Wonu mongo walau̒mu tatapu wau molotolo hilao to daanti-U̒, wau modungohe totoonulalo parentaa-U̒, yi u ohiheo-hiheolo mao̒ wali mai limongolio motuuloa̒ wolemu odelo olongia.”

JABURU 21:4

Eeya lonao̒ mai ode olio wolo balakati udiila o eenggade, wau lophuli makuta hulawa to lunggongio.

JABURU 21:5

Tio lomolohone tutumulo, wau yilohi lo Eeya to olio, tumbao̒ umulu hayahaya u ohiheo-hiheolo mao̒.

JABURU 91:16

Tio mapoluli-U̒ to hilao wolo tutumulo hayahaya, wau poa̒ahuwo-U̒.”

POHUMAYA 3:16

Hikimati moo̒wohi olemu umulu u hayahaya, okokaya, wau ohurumati.

POHUMAYA 3:2

alihu humayao̒ umulumu wau moa̒ahu tutumulumu.

JAKARIA 3:7

“Wonu yio̒ modungoheo̒ bubuu-too̒o-U̒ wau mohutu tutuu-gasiyaalo uilohi-U̒ mai olemu, yi u mololaalaaita yio̒ mowali mali tau̒wa todelomo Belee-U̒ wau monguulusi palepelio. Wau̒ mamo dungohe duduua̒amu, debo odelo modungohe dua̒ lomongo malai̒kati tawoluo totilii-U̒.

WUNGGULI LOMONGO RASULU 13:22

Lapatao̒ Allahu Taa̒ala lopohinggi olio lonto huhuloa̒lio, Allahu Taa̒ala malo mudua̒ poli olei Dauda lowali olongia limongolio. Wau utieelo upilo tahuda lo Allahu Taa̒ala pasali olei Dauda, ‘Wau̒ maloo̒ dungga olei Dauda Walae̒e Isai boito ngotaalio lo tamoo̒ sanangi hilaa-U̒. Tiolo taa mamohutu u otohilaa-U̒.’

TINGULI 25:15

Pomakea mao̒ titimenga wau tuuu̒du u tuhaata alihu humayao̒ tutumuli mongoli tolipu uwohi mai lo Eeya Allahu Taa̒ala limongoli ode limongoli.

TINGULI 5:16

Hulumatiyalo wau taala mao̒ tiyamo wau tiilamu; ui-uitolo palentaa-U̒, Eeya Allahu Taa̒ala limongoli, alihu timongoli moa̒ahu wau otutumulo hayahaya tolipu u mawohi-U̒ mai olimongoli.

TINGULI 5:33

Pohutua mao̒ ngoa̒amila upilo malentai lo Eeya Allahu Taa̒ala limongoli ode limongoli alihu timongoli moa̒ahu wau mowali motitatapu tolipu u mapoti biluloa̒ limongoli.”

1 TIMOTIUS 4:8

Latihani lobatanga bo ngoi̒di hunalio, bo latihani lorohu ohuna todelomo totoonulalo sua̒li, sababu wanto-wantohe danti ode tutumulo tomaasa botie wau maasa u mamei dungga mai.