BOHULO MONGO OLONGIA 3:1 - KITABI HABARI MOPIOHE

¹ Tei Salomo lopowali mao̒ Masiri waitio wolo lonika oli puusili li olongia lo Masiri. Ti Puusili boito dilelo lei Salomo ode kota lei Dauda u lotibiluloa̒ teto dilumutu bele biluloa̒ saaha li olongia li olongia wau Bele lo Eeya wau biintengi topalito Yerusalemu yilapato bilongulio.

BOHULO MONGO OLONGIA 3:1 ပူးပေါင်းရင်းမြစ်များ

OLUO LO SAMUEL 5:7

Tei Dauda loloi̒ya mao̒ to tahidudua̒ olio, “Wolo woluo tewe taa u molonuo̒ to taulo Yebus tutuuwauwa debo odelo wau̒ molonuo̒ olimongolio? Wolo malo odito lonui̒o tilinggula tio ohilaa daa̒ momate olimongolio mate-mateelo mao̒? Wonu odito, tuwotolo molibaya tanggi lotaluhu wau tuhuwalo tahi peenggoa wau pitoo̒ u olonuu̒uu̒ boito.” (Uitolo sababuulio tau loloi̒ya, “Taa pitoo̒ wau taa penggo diila mowali tumuwota ode Bele lo Eeya.”) Tei Dauda loo̒ lambatao̒ biintengi lo Sion wau hiluloa̒lio. Tio longunte mao̒ Sion boito “Kota lei Dauda”. Kota boito bilongulio topalito biintengi boito, tumulalo mao̒ monto ambahu tiimuru lohuludu u pilopo lenggelio mola wolo huta.

BOHULO MONGO OLONGIA 11:1

Ti Olongia Salomo heilohilao to mongobua deli dadaata. Ngopohia tipuusili li olongia lo Masiri, tei Salomo helonika olo wolo mongobua lo Het, Moab, Amon, Edom wau Sidon.

BOHULO MONGO OLONGIA 2:10

Tou̒ tei Dauda yilate mao̒ tio yilobungio to Kota lei Dauda.

BOHULO MONGO OLONGIA 6:1

Tei Salomo lolumulo lomangu Bele lo Eeya tohulalo Jiw, deu̒yito-yito tohulalo oluolio, todelomo taunu opatio lo pamalentalio, wopato hetuto walu lopulu lotaunu mola lapatao̒ bangusa lo Isirai̒lu lololaa mao̒ Masiri.

BOHULO MONGO OLONGIA 7:1

Tei Salomo lomongu olo bele biluloa̒ li olongia ode batangalio. Pilomongula bele biluloa̒ saaha li olongia boito hiheolio mopulaa tolo taunu mola.

BOHULO MONGO OLONGIA 7:8

Tambati biluloa̒ lei Salomo pilohutu debo odelo huhuu-dunguwalo wewolio wau odungga to palepelo wewo towulea lo Balai Bubutoo̒. Duo̒lo dilelio, deu̒yito-yito ti puusili li olongia lo Masiri, pilomongula lei Salomo olo hudungu u tutuuwauwa.

BOHULO MONGO OLONGIA 9:1

Lapatao̒ tei Salomo yilapata lopotihula mola Bele lo Eeya wau bele biluloa̒ li olongia wau ngoa̒amila u yilanjanaalio,

BOHULO MONGO OLONGIA 9:10

Tei Salomo helomongu Bele lo Eeya wau bele biluloa̒ li olongia loo̒oma dulo pulu lotaunu mola.

BOHULO MONGO OLONGIA 9:24

Huta to ambahu huliaalio Bele lo Eeya hetilambula lei Salomo lapatao̒ dilelio, deu̒yito-yito tipuusili li olongia lo Masiri, malo limbato lonto kota lei Dauda ode bele biluloa̒ li olongia ubilongu lei Salomo olio.

OLUO TAWARI 18:1

Tou̒ tei Yosapat olongia lo Yehuda makilaya mola wau masa-masaahuru mola, tio loponika mao̒ ngotaalio lo pongawaa̒ ngaalaa̒lio wolo ngotaalio lo pongawaa̒ ngaalaa̒ lei Ahab olongia lo Isirai̒lu.

OLUO TAWARI 8:11

Tei Salomo lopo limbata mota dilelio, deu̒yito-yito tipuusili li olongia lo Masiri, lonto Kota lei Dauda ode bele u bilongu olio. Sababu to pokiilangi mola lei Salomo, “Dileu̒ diila mowali motibiluloa̒ tobele biluloa̒ saaha li olongia Dauda, olongia lo Isirai̒lu, sababu ngoa̒amila tambati tou̒toonu Bulua Daantia boito pee̒enta pilopodutu mao̒ yito tambati umantali.”

ESRA 5:11

Timongolio helo lametao̒, ‘Amiaatia botie wato lo Allahu Taa̒ala takawa-kawaasa to ngoilanggubu aalamu. Amiaatia donggo hemomongu mola poli Bele lo Eeya u bilongu wau yilumumuta heo̒opulu-pulua lotaunu uilalu mao̒ li olongia ngota lo Isirai̒lu tamolamahu.

ESRA 9:14

Oditolio, diila pongalo aakali mongowatotia muli momalonga totoonulalo palenta lo Eeya wau monika uu̒ulauwa wolo tau-tauwalo tahileeta hileeta boito? Wonu mongowatotia mopohutu uito, tantulo mao̒ Eeya mamomuluka daa̒ tilinggula mongaantulu mai to mongowatotia sama-samaata wau diila mopoluli penu boli ngotaa mao̒ tatumumulo.

TINGULI 23:8

Tumulalo mai monto hilaide otolulio wau wumbutio mola wali mai limongolio diila mowali pongawaa̒ umati lo Eeya.”