BOHULO MONGO OLONGIA 22:10 - KITABI HABARI MOPIOHE

¹⁰ Tou̒ boito tei Ahab wolei Yosapat, wolo pakeyangi odudaa̒, hihuloa̒a to kadera lo yilaidia totambati polumbetaa̒lo pale totalu huhebu hulubangi lo Samaria, tou̒ mongo nabi donggo hinao̒wa mai motaalua wau mopo tunggulao̒ lo laamali limongolio.

BOHULO MONGO OLONGIA 22:10 ပူးပေါင်းရင်းမြစ်များ

BOHULO MONGO OLONGIA 18:29

Odi-odieelo mola timongolio mololaalaaita tunggula lolaangio debo odelo tai̒lo tuanga lolati. Bo diaaluo talo lametai, diaaluo talo poo̒tuotao̒.

BOHULO MONGO OLONGIA 22:30

Tei Ahab loloi̒ya mao̒ odelei Yosapat, “Wau momolio̒ baya wau modudua̒ mopaatea, bo Ito mamusi momake pakeyangi lo odudaa̒mu.” Odi-odieelo mola ti olongia lo Isirai̒lu lomolio baya tou̒ lonao̒ lopaatea.

BOHULO MONGO OLONGIA 22:6

Yi tei Ahab helo ngambu mai otanu wopato hetuto lota nabi tulusi lohintu mao̒ olimongolio, “Tingga mowali wau̒ mola moluhu Ramot meaalo diila?” “Mowali!” tametao̒ limongolio. “Eeya mamohudu mai kota boito odeli Baginda.”

BOHULO MONGO OLONGIA 22:9

Yi tei Ahab malo tiangai pogawee ngota lobele biluloa̒ saaha li olongia tulusi lopoa̒hu olio hua̒a lonao̒ lolutulai olei Mikha.

ESTERI 5:1

To otolu dulahu lo puasaalio, ti Esteri lomake mao̒ pakeyangi liratulio, lapatao̒ lonao̒ ode paango delomo bele biluloa̒ li olongia wau timilihulao̒ totalu lohuhebu balairungi. Ti olongia donggo hulohuloa̒a toitaato bele biluloa̒ saaha li olongia talutalu ode huhebu boito.

MATIUSI 11:8

Timongoli lonao̒ mola loo̒onto wolo? Ngotaalio tapake pake lou̒ mopiohu? Tau-tauwalo tahipakea odito hibiluloa̒wa tobele biluloa̒ saaha li olongia!

MATIUSI 6:20

Bolii̒o mao̒, pohimoo̒lo halata tosologa, tou̒toonu diaaluo wale wau taato u mopolusa wau tamootao̒wa diila monao̒ mai u motao̒ mao̒.

WUNGGULI LOMONGO RASULU 12:21

Todulahee tuwau u matilantu mao̒, tei Herodes lomake boo̒ lo odudaa̒lio wau lotihuloa̒ tokadera lo bele biluloa̒ saaha li olongia wau lolumula lopidato totalu lo ulipu.

WUNGGULI LOMONGO RASULU 25:23

Loombulio mola ti Agripa wolei Bernike lonao̒ mai wolo upacala odudaa̒. Timongolio tilumuwotao̒ ode huwali leidaa̒ losidangi pee̒-pee̒enta wolo taduduulaa̒ diti lo popaatea wau tau-tauwalo tahimuloa lo ulipu tokota boito. Topalenta lei Pestus, tei Paulus pilopo tuwotio mai.