BOHULO MONGO OLONGIA 21:2 - KITABI HABARI MOPIOHE

² Todulahee tuwau tei Ahab loloi̒ya mao̒ odelei Nabot, “Wohiyalo mai olau̒ ilengi lo anggurumu boito, sababu ilengi boito totili lobele bilu loa̒ saaha li olongiyau̒. Wau̒ ohilaa mopomulo mao̒ lo sasaa-yoriyaalo teto. Yio̒ mamoo̒tapu ilengi ulebe mopioheo̒ odelo tuloi̒o, meaalo wonu yio̒ mohuto, wau̒ mamotali wolo halaga u paatuti.”

BOHULO MONGO OLONGIA 21:2 ပူးပေါင်းရင်းမြစ်များ

ILOOWALI 16:6

Tilametao̒ lei Abram, “Opiohelio, tio watomu wau yio̒ okawasa to olio; pohutuwalo totoonulalo otohilaamu to olio.” Tulusi ti Sarai lopohutu mao̒ oli Hagar wolo palangi daa̒, tilinggula tio lolahi.

ILOOWALI 3:6

Taabua boito loo̒onto mao̒ deu̒ hungo lo ayu boito mopiohe, wau hungolio oontonga mopiohe aaloolo. Wau tio lomikilangi mola donggo boli piohio wonu tio mowali aaripu. Sababu uito tio malolipu hungo lo ayu boito, tulusi ililaalio, wau yilohilio mao̒ olo to dilelio, wau dilelio poli mailonga.

BOHULO MONGO OLONGIA 21:3

Tei Nabot lolametao̒, “Ilengi lo angguru botie pusaka li nenemoya lowatia. Domi Allahu Taa̒ala, watia diila mowali mongohi mao̒ odeli Tuani!”

BOHULO MONGO OLONGIA 21:6

Tei Ahab lolametao̒, “Wau̒ diila sanangi wolei Nabot. Pilohileu̒ olio alihu tio mopotali mai ilengi lo anggurulio to olau̒, meaala wau̒ moluloa̒a wolo ilengi lo angguru uwewo, wonu uitolo u kahandakiolio, bo tio diila mohuto!”

OLUO MONGO OLONGIA 9:27

Tei Ahasia loo̒onto wolo u mailowali mai, yi tio helopo tetea̒ kaletaalio lotidulunga ode kota Bet-Hagan. Tei Yehu helo hilapita olio wau longuatia̒a ode tahidudua̒ olio, “Pateaalo tio mate-mateelo mao̒ olo!” Timongolio helomana olio wau loo̒pali olio todalalo u duludulunga ode Gur, membideo̒ lokota Yibleam. Bo tio loo̒lahi demola Megido, wau mota teto tio yilate.

PILOTIMUA̒TA 20:17

Diila mao̒ potohilaa halata lotaa wewo: belelio, dilelio taabua, mongo watolio, bibiahio, kolodailio, meaalo penu boli wolo u mililikiilio.”

LAHU MOLAMAHU 4:15

Butu lotaluhu to ilengiu̒ mopolimbue̒ taluhu lo tutumulo utolo-tolohe monto Libanon!

YEREMIA 22:17

Bo yio̒, Yoyakim, wewo. Yio̒ bo hemololohe uuntungi lohihilao. Yio̒ helomate taa diila ototala yila-yilateelo mao̒, wau helodeehe ulipumu wolo diila omanusia.

LUKASI 12:15

Lapatio mao̒ totaa ngoa̒amila tawoluo teto, ti Isa lotahuda, “Poo̒daha-dahaalo mao̒ wau pou̒lintapolo mola, diila bolo timongoli mowali tamaa̒. Sababu tutumulo manusia diila tolomodu mohalapu to okokayalio, eleponu halataalio laba-labaalo daata.”

TINGULI 11:10

Lipu u demaa potibiluloa̒ limongoli boito diila debo odelo huta lo Masiri, tambati u muloololio mai piloti biluloa̒ limongoli. Mola teto timongoli musi mokalaja tio̒otutua u mopo toloheo̒ taluhu ode hahaa-laboluwalo tou̒ mopo mua̒yade bili.

TINGULI 5:21

Diila mao̒ potohilaa uolo taa wewo: belelio, hutalio, dilelio taabua, mongo watolio, bibiahio, kolodailio meaalo penu boli wolo wambai̒o u tilolo hakuulio.’

1 TIMOTIUS 6:9

Bo taa motohilaa mowali kaya, oheinga wau ohentobe lou̒ hilaa u hidala-dalaala u mohulodu wau u moluusa. Tilolahepe otohilaa boito mohutu tau mowali moa̒antulu wau topotala.

BOHULO SEMUEL 29:6

Lapatao̒ tei Akhis lotiangai olei Dauda wau loloi̒ya mao̒ olio, “Wau̒ palacaya domi Eeya tatumu-tumulo, deu̒ yio̒ tatapu wau molotolo hilao to olau̒. Wau̒ sanangi wonu yio̒ mowali wolau̒ todelomo popaatea botie. Sababu anggadu yio̒ lonao̒ mai ode olau̒ tunggula saaa̒ti botie, diila ilodunggau̒ totalamu. Bo mongo olongia uwewo boito diila motohilaa olemu.

BOHULO SEMUEL 8:14

Tio mamohama halabolumu, ilengi lo anggurumu, wau ilengi lo jaitunimu ulaba-labalo mopiohu wau wohilio ode mongo pogaweelio.

BOHULO SEMUEL 8:6

Bo tei Semuel diila sanangi wolo potuhata limongolio boito. Lapatao̒ tio malodua̒ mola ode Eeya,