BOHULO MONGO OLONGIA 20:34 - KITABI HABARI MOPIOHE

³⁴ Lapatao̒ ualei Benhadad olio, “Watia mamopo walingai odeli Tuani kokoo-tawaalo u mahilama liyamo lowatia lonto oliyamo li Tuani. Ti Tuani olo mowali momongu mao̒ wibui̒o lo daahangi tokota Damusiki debo odelo u pilohutu liyamo lowatia to Samaria.” Ualei Ahab, “Dutadutaa̒ todanti li Tuani boito, watia mamo lopata oli Tuani.” Lapatao̒ uito tei Ahab malohutu daantia wolei Benhadad tulusi lolopata olio.

BOHULO MONGO OLONGIA 20:34 ပူးပေါင်းရင်းမြစ်များ

BOHULO MONGO OLONGIA 15:20

Tei Benhadad akolo wolo hihiile boito lapatao̒ helo poa̒hu mongo polowilalio wolo pasuukani limongolio u loluhu kokoo-tawaalo Isirai̒lu. Timongolio lopoo̒laaheo̒ Iyon, Dan, Abel-Bet-Maakha wau Kinerot membideo̒ bulalo Galilea wau ngoilanggubu madala Naputali.

BOHULO MONGO OLONGIA 20:33

Memang mongo polowila lei Benhadad boito donggo hipohimawa tuoto u mopiohe monto olei Ahab. Oditolio, tou̒ tei Ahab loloi̒ya mao̒ “wutato”, yi timongolio lato lolametao̒, “Otutu, tei Benhadad yito wutati Baginda.” Lapatao̒ ualei Ahab, “Depita mai tio odia mai!” Tou̒ tei Benhadad leidungga mai, tei Ahab loheingao̒ olio lotitae̒ tokaleta.

BOHULO MONGO OLONGIA 20:42

Yi malo loi̒ya ti nabi boito odeli olongia, “Uti-utieelo upilo tahuda mai lo Eeya: ‘Taa u pilarentaa-U̒ mai alihu pateelo mate-mateelo mao̒ mailuliamu mao̒ loo̒lahi. Sababu uito yio̒ musi mate odelo tuloi̒o. Suludadumu mamoa̒ntulu sababu malo poluli suludadu lomusu loo̒lahi.’ ”

BOHULO MONGO OLONGIA 22:31

To wakutu boito otolo pulaa duulota eyaanggu lo pasuukani lokaleta popaatea lo Siria pilarenta mao̒ li olongiayalio u moluhu boti olongia lo Isirai̒lu wambao̒.

OLUO TAWARI 16:4

Tei Benhadad akolo wolo hihiile boito tulusi helo poa̒hu mongo polowilalio wolo pasuukani limongolio loluhu kokoo-tawaalo Isirai̒lu. Timongolio lopoo̒laaheo̒ Iyon, Dan, Abel-Bet-Maakha wau ngoa̒amila kota polotomeu̒ to Naputali.

OLUO TAWARI 18:30

Tou̒ boito mongo eyaanggu lo pasuukani kaleta lopopaatea lo Siria mapilalenta li olongialio u moluhu tolomodu oli olongia lo Isirai̒lu.

YESAYA 26:10

Penu boli taa moleeto pohutuolo wolo mopiohu, tio olo diila mopoo̒olaato wolo otutu. Penu boli tolipu lobutoo̒ olo tio mohutu diila juujulu, wau diila mohuto motolongaku kawasa lo Eeya.

YESAYA 8:12

“Diila mao̒ pongaanggapu woomboa, wolo u he aanggapuo limongolio woomboa, wau diila mao̒ oohe to susuu-aliyaalo u oohe limongolio.

TINGULI 7:2

Wonu bolo Eeya Allahu Taa̒ala limongoli mohudu mai babaa-ngusawalo boito ode delomo kawasaamu wau timongoli mopoo̒laaheo̒ olimongolio, pateaalo timongolio ngoa̒amila mate-mateelo mao̒. Diila mao̒ tolia̒ngi timongolio meaalo mohutu daantia woli mongolio.

BOHULO SEMUEL 11:1

Lapatao̒ tei Nahas, olongia lo Amon, helongambu suludadulio tulusi lomala kota lo Yabesh tomadala lo Gilead. Ulipu lo Yabesh helo podudulao̒ potuhata odie odelei Nahas, “Pohutua mai daantia wolami, yi ami mataa̒luku to olemu.”

BOHULO SEMUEL 15:8

Ngoilanggubu ulipu wau suludadu lo Amalek hepilate lei Saul yila-yilateelo mao̒. Bo tei Agag olongia taulo Amalek yilau̒pio lei Saul wau suludadulio lapatao̒ yilulia mao̒ tumutumulo, odito olo himba wau sapi ulaba-labaalo mopiohe, walao̒ sapi wau walao̒ himba u hilingohe daa̒, wau totoonulalo hitua-tuawua u ohalaga; bo bibiahe udiila ohuna wau diila ohalaga wambai̒o u pilopo binasa.