BOHULO MONGO OLONGIA 2:7 - KITABI HABARI MOPIOHE

⁷ Bo tomongo walao̒ talolai̒ lei Barjilai lonto Gilead yio̒ patutilio mopohutu mao̒ u mopiohe. Musi pongakuamu mao̒ u palaluo limongolio timii̒du dulahu, sababu timongolio malohutu u mopiohe to olau̒ tou̒ wau̒ malolahi lonto olei Absalom, wutatumu tamohuhula.

BOHULO MONGO OLONGIA 2:7 ပူးပေါင်းရင်းမြစ်များ

ILOOWALI 40:14

Bo Eelai mai watia wonu owowoluwoamu malopiohe. Tulungia mao̒ potunggula mota sua̒li lowatia odeli olongia, alihu watia maa bebasialio monto tutupa botie.

OLUO LO SAMUEL 19:28

Ngoilanggubu kaumu ngaalaa̒ liyamo lowatotia paatuti hukuu-maniyolo mate li Baginda, bo watotia botie mailuasia li Baginda lodudua̒ lolamela tobele biluloa̒ saaha li olongia. Botia watotia diilalo buheli mohile wolo-wolo monto oli Baginda.”

OLUO LO SAMUEL 9:10

Yio̒ wau mongo walau̒mu boli tamoo-mantua olemu musi mokelakela mao̒ huta boito ode ngaalaa̒ li tuanimu Saul, wau wohia mao̒ tilapulo huta boito ode limongolio u mopo tuhetao̒ u palaluo limongolio. Bo tei Mepiboset mowali molamela tobele biluloa̒ saaha li olongia ohiheo-hiheolo mao̒.” (Tei Jiba owalao̒ mongo lolai̒ mopulaa limo lota wau wato dulopulu lota).

OLUO LO SAMUEL 9:7

Tei Dauda loloi̒ya mao̒, “Diila mao̒ oohe. Wau̒ mamo pomuura mai lohilao ode olemu domi tei Yonatan tipaapamu. Ngoa̒amila libaapumu Saul mamuli wohiu̒ mai olemu wau u ohiheo-hiheolo mao̒ yio̒ mowali molamela tobele biluloa̒ saaha li olongio.”

OLUO MONGO OLONGIA 25:29

Tei Yoyakhin diilalo lomake pakeyangi lotutupa wau biasaalio hemo lamelo tobele biluloa̒ saaha li olongia boli heilohia doi u palalu potumulio. 85

ESRA 2:61

Dengolo mola kaumu ngaalaa̒ li iimamu olo diila loo̒dungga daputali tomimbihu loluuhuru limongolio, deu̒yito-yito kaumu ngaalaa̒ lei Hebaya, Hakos, wau Barjilai. (Loluuhuru kaumu Barjilai lonika wolo ngotaalio bua wali mai lokaumu Barjilai to Gilead, wau lapatao̒ tio lomake mao̒ tanggulo ngaalaa̒ lo moluhengio.) Sababu timongolio diila loo̒ pobukuti mao̒ deu̒ tatoonu loluuhuru limongolio, yi timongolio diila tilolimoolio odelo iimamu.

POHUMAYA 27:10

Diila mao̒ lipata sahabatimu meaambo sahabati liyamamu. To delomo usuukali diila mao̒ pei̒ bantu to wutatumu; tiheede tamodudulo lebe ohuna wolo wutato tamolamingo.

YEREMIA 52:33

Tio yiluasialio loluo̒ pakeyangi lo tutupaalio wau u wumbutio mola ngotupa lo tutumulio tio mowali molamela tobele biluloa̒ saaha li olongia, wau timii̒du dulahu hewohialio doi u palalu ode tutumulio.

LUKASI 12:37

Donggo boli pae̒daalio tahi pomayawa u odungga donggo hemohima towakutu tituanilio meidungga mai. Pomalacayalo: tituani boito mamoti dapato wau mopoa̒hu mao̒ tahi pomayalio boito motihuloa̒a, tulusi tio mohinta olimongolio.