BOHULO MONGO OLONGIA 2:5 - KITABI HABARI MOPIOHE

⁵ Donggo woluo poli sua̒li tuwau! Yio̒ tantu moo̒ eela mola wolo u mapilohutu lei Yoab olau̒ tou̒ lomate yila-yilateelo mao̒ polowila duulota lo Isirai̒lu, deu̒yito-yito tei Abner walae̒e Ner wolei Amasa walae̒e Yeter. Tio helomate yila-yilateelo mao̒ olimongolio tomaasa dame u lotuli pilomatea yila-yilateelo mao̒ u hepilohutu limongolio tomaasa lo popaatea. Tio helomate yila-yilateelo mao̒ taa u diila ototala bo botia wau̒lo tamusi momanta huhutuulio wau wau̒lo tamo dutolaa.

BOHULO MONGO OLONGIA 2:5 ပူးပေါင်းရင်းမြစ်များ

OLUO LO SAMUEL 17:25

Tei Absalom malo mudua̒ao̒ olei Amasa lowali tau̒wa lo pasuukani lotowoli olei Yoab. Tei Amasa walae̒e Yitra tau lei Ismae̒li; tiilolio tai̒lunte Abigail walae̒e Nahas, duu̒yito-yito wutato bua lei Jeruya tiilo lei Yoab.)

OLUO LO SAMUEL 18:12

Bo tau boito lolametao̒, “Eleponu wohiyala ngolihu lopita doi talaa̒ ode watotia, watotia diila tamohuto mopo ngongoto walao̒ talolai̒ li olongia. Mongowatotia ngoa̒amila maloo̒ dungohu wolo u upiloa̒hu mai li olongia odeli Tuani wau odelei Abisai wolei Itai, alihu diila mowali momali mao̒ olei Absalom walao̒ tabohulotau boito domi ti olongia.

OLUO LO SAMUEL 18:14

“Sambelolo! Bo moo̒pulita wakutu mosusuua̒lia wolemu,” ualei Yoab. Lapatao̒ tei Yoab lohama mao̒ totobuo̒ tolo mato wau lopo lantongao̒ to duheelo lei Absalom u tou̒ boito donggo tumutumulo ntaya-ntayanga to ayu.

OLUO LO SAMUEL 18:5

Lapatao̒ ti olongia helo poa̒hu olei Yoab, Abisai wolei Itai, ualio mao̒, “Diila mao̒ palia limongoli tei Absalom walao̒ tabohulotau boito domi wau̒.” Ngoilanggubu pasuukani loo̒dungohe poa̒hu lei Dauda boito.

OLUO LO SAMUEL 2:13

Wau olo (tiilolio tanggulio Jeruya), wolo tahidudua̒ olei Dauda helo tidulunga mola ode kota boito. Oluo polemboa̒ bubuulemenga boito tinggai lotaalua to kulamu lo Gibeon; tei Abner wau talo tiwambao̒ olio lotihuloo̒ to wimbihia, tei Yoab wau talo tiwambao̒ olio to ngotuali wimbihiomola.

OLUO LO SAMUEL 2:18

Tatou lota walae̒e Jeruya woluo mota teto, deu̒yito-yito tei Yoab, Abisai wolei Asael. Tei Asael tetei̒o molinggahe daa̒ debo odelo kijangi,

OLUO LO SAMUEL 20:10

Tei Amasa diila loo̒onto owamilo to uluu̒ oloihi lei Yoab. Debolo tei Yoab malo pobitua̒ao̒ wamilo boito ode ombongo lei Amasa tilinggula tuango ombongio lopupuu-lepelo mola ode huta. Tio yilate to saaa̒tilo boito, tilinggula tei Yoab diilalo palalu momitua̒ao̒ olio. Lapatao̒ tei Yoab wolei Abisai tawali-yaliilio, helo hilapita tulusi olei Seba.

OLUO LO SAMUEL 3:27

Lolamemeto tou̒ tei Abner leidungga mai ode Hebron, tio tiliangio mao̒ lei Yoab ode biihio, totili lohuhebu hulubangi, debo odelo mamo bisala hitua-tuawua u hehuliola. Bo debolo ngilamo lei Yoab ombongo lei Abner tunggula yilate. Odi-odieelo mola tei Abner yilate, pilatelio lei Yoab yila-yilateelo mao̒ u lotuli niyati to ilopatea lei Asael tawali-yaliilio.

OLUO LO SAMUEL 3:39

Eleponu wau̒ botie olongia tatilulaoto Allahu Taa̒ala, bo botia wau̒ molaasa molulupuhu. Mongo walae̒e Jeruya boito mailaba parangi. Wau̒ diila mambo mongaawasa mao̒ olimongolio. Pohileaala dua̒ Eeya mohukuumani mai tahileeta boito, motuuu̒de wolo huhutu limongolio!”

BOHULO MONGO OLONGIA 1:7

Lapatao̒ tio mota lodulohupa wolei Yoab woli Iimamu Abyatar. Tiilo lei Yoab tai̒lunte Jeruya. Tei Yoab woli Iimamu Abyatar akolo u lomantu tolopani lei Adonia.

BOHULO MONGO OLONGIA 2:32

Eeya mamo hukuumani mai olio sababu pilomatea yila-yilateelo mao̒ u mapilo hutulio lou̒ diila ilotaawa liyamau̒. Tei Abner polowila lo Isirai̒lu, wau tei Amasa polowila lo Yehuda, duduulotalo diila ototala. Timongolio lebe mopioheo̒ wolei Yoab lohihilao, bo tio helomate olimongolio yila-yilateelo mao̒.

YEREMIA 2:34

Pakeyangimu ilotambia̒ loduhu lotaa mosikini wau taa diila ototala, diila duhu lo tamootao̒wa tai̒lowau̒pa. Bo oditolio,

YEREMIA 6:15

Paatutilio timongolio moolito sababu malohutu ngoa̒amila u hina boito. Bo timongolio diila motota moolito. Sababu uito timongolio mamodehu debo odelo taa wewo; mopulitolo mola hikaayati limongolio wonu bolo Wau̒ mohukuumani mai olimongolio. Wau̒, Eeya, malo tahuda.”

MATIUSI 3:4

Tei Yahya pakepake boo̒ lolambuto unta. Bintolo lo wohutalio walito, wau ua̒alolio bulita wau hula lotiia̒ lo oa̒ayua.

TINGULI 27:24

‘Malaa̒-laa̒anatilo taa u momate mateelo mao̒ wolo tua̒ao̒-tua̒ao̒.’ ‘Amin!’