BOHULO MONGO OLONGIA 2:4 - KITABI HABARI MOPIOHE

⁴ Wonu yio̒ modungohe to Eeya, yi Eeya mamoe̒elai danti-Lio deu̒ waliiu̒ mola mamo malenta Isirai̒lu, asali timongolio wolo lealeaatu lohilao wau yiwa lealeaatu laito tatapu wau molotolo hilao modungohe totoonulalo palenta lo Eeya.

BOHULO MONGO OLONGIA 2:4 ပူးပေါင်းရင်းမြစ်များ

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

ILOOWALI 18:19

Tio maa tilulaotu-U̒ alihu momalenta mongo walai̒o wau waliilio u modungoheo̒ ola-U̒ wau mohutu wolo u mopiohe wau aadili. Wonu sua̒li boito pohutuo limongolio, totoonulalo danti-U̒ odelei Abraham mapoo̒ poluwo-U̒ mai.”

OLUO LO SAMUEL 7:25

Wau botia, yaa Eeya Allahu Taa̒ala, ambunguolo potala Eeya mopoo̒ toheetai u ohiheo-hiheolo mao̒ danti u yilapalao̒ lo Eeya tomimbihu batanga lo watotia wau wali mola lo watotia. Ambunguolo potala Eeya moponao̒ mao̒ wolo u madilanti mai lo Eeya boito.

BOHULO MONGO OLONGIA 1:48

wau lodua̒, ‘Ilopujialo mola Eeya, yaa Eeya, Allahu Taa̒ala tahe tuboo umati lo Isirai̒lu. Todulahee botie ngotaalio lowali mai lowatotia mapiluduo̒ lowatotia lowali olongia lobuulota wolo watotia. Wau Eeya malo poluasi mai olo watotia tilumumulo u losakusi mao̒ olio!’ ”

BOHULO MONGO OLONGIA 11:36

Bo ngosuku mapoluli-U̒ mao̒ olio, alihu laito woluo ngotaalio monto wali mola lowato-U̒ Dauda tamo malenta duo̒lo-U̒ to Yerusalemu, kota umaa tilulaotu-U̒ odelo tambati poi̒baadarialo to ola-U̒.

BOHULO MONGO OLONGIA 3:14

Wau wonu yio̒, debo odelo tiyamaamu Dauda, modungohe ola-U̒ wau modudua̒a butoo̒o-U̒, Wau̒ mamongohi mai olemu umulu u hayahaya.”

BOHULO MONGO OLONGIA 3:3

Tei Salomo motolia̒nga to Eeya wau helo dudua̒ toonula potuhata liyamolio, bo tio donggo hemo ngoloto wau hemo podewo binatangi to utoonulalo tambati.

BOHULO MONGO OLONGIA 6:12

“Wonu yio̒ modungoheo̒ ngoa̒amila butoo̒ wau palentaa-U̒, yi Wau̒ mamopohutu mai olemu wolo umapilo danti-U̒ ode liyamamu Dauda.

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO MONGO OLONGIA 8:25

Eeya olo malodanti mai oliyamo lo watotia deu̒ wonu waliilio mola tio̒otutua modungohe to Eeya debo odelo tio, yi mawoluo mai laito ngotaalio monto waliilio tamowali olongia to Isirai̒lu. Botia, yaa Eeya Allahu Taa̒ala lo Isirai̒lu, ambunguolo eelailo mai olo ngoa̒amila u mapilo danti lo Eeya odeliyamo lo watotia Dauda, wato lo Eeya boito.

BOHULO MONGO OLONGIA 9:5

yi Wau̒ mamoe̒elai danti-U̒ ode liyamamu Dauda deu̒ walao̒ wombulio wawaalia mola malaito momalenta Isirai̒lu.

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

OLUO MONGO OLONGIA 23:25

Diipo pee̒enta mao̒ woluo olongia debo odelo ti Olongia Yosia tahe lotiwato to Eeya wolo lealeaatu lo hilaalio, wau helo poi̒laalo uito todelomo dudelo tutumulo wau huhutuulio, lotuuu̒de wolo ngoilanggubu butoo̒ uwoluo todelomo Buku lei Musa. Lapatao̒ ti Olongia Yosia olo, diduu̒ mao̒ olongia tadebo odelo tio.

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

OLUO TAWARI 17:3

Eeya lobalakati mai olei Yosapat sababu tio heloo̒ dudua̒ oliyamolio; tio diila helolubo Baal,

OLUO TAWARI 6:16

Eeya olo malodanti mai ode liyamo lo watotia deu̒ wonu waliilio mola tio̒otutua modungohe to butoo̒ lo Eeya debo odelo tio, yi u ohiheo-hiheolo mao̒ ngotaalio lo waliilio mola mamo malenta odelo olongia lo Isirai̒lu. Botia, yaa Eeya Allahu Taa̒ala lo Isirai̒lu, eelailo mai olo ngoa̒amila u mapilodanti lo Eeya ode liyamo lo watotia Dauda, wato lo Eeya boito.

OLUO TAWARI 7:18

yi Wau̒ mamoe̒elai danti-U̒ ode liyamamu Dauda deu̒ laito mawoluo mai ngotaalio monto waliilio mola tamowali olongia lo Isirai̒lu.

JABURU 119:9

Taa humula moo̒daha tutumulio udiila o aibu wonu tio tumumulo modudua̒ palenta lo Eeya.

JABURU 37:22

Taa u bilarakati lo Eeya mamoo̒tapu wariisani huta boito, bo taa u yilaa̒anati lo Eeya maa mapolahiolio.

JABURU 37:9

Sababu taa u hemohutu u moleeto mapoo̒ pulitolo, bo taa hemo tiwunela to Eeya mamoo̒tapu wariisani huta boito.

JABURU 39:1

Duo̒lo diriheni lopolemboa̒ tamoolahua. Jaburu lei Dauda. Odelei Yudutun.

YEREMIA 33:17

Wau̒, Eeya, modanti mai deu̒ laito mawoluo mola ngotaalio wali mai lei Dauda tamowali olongia lo Isirai̒lu;

IMAAMATI 26:3

Wonu timongoli tumumulo moduduo̒ wuwuu-uduu-U̒ wau modungohe papaa-lentaa-U̒,

JAKARIA 14:2

Eeya mamongambu ngoa̒amila bangusa u moluhu Yerusalemu. Kota boito mahamaalio, bebee-leelio lambatolio, wau mongobualio polokosaalio. Ngotayadu lo ulipulio mabintao̒lio ode playahu, bo lebelio mamo tibiluloa̒ tokota boito.

MATIUSI 22:37

Ti Isa lolametao̒, “Tolia̒nga mola Eeya Allahu Taa̒alamu wolo lealeaatu lohilaamu, wolo lealeaatu lojiwamu, wau wolo ngoilanggubu lo aakalimu.

LUKASI 1:6

Tutumulo lo motolodile boito moo̒sangi hilaa lo Allahu Taa̒ala. Duduulota modungohe palenta wau butoo̒ lo Eeya wolo lealeaatu lohilao.

TINGULI 10:12

“Botia, Mongo wutato, poo̒tuotalo wolo upilohile wolo moo̒ohuu̒ lo Eeya Allahu Taa̒ala limongoli monto olimongoli: Hulumatia mao̒ Eeya Allahu Taa̒ala limongoli wau pohutuwalo ngoa̒amila palentaa-Lio. Tolia̒ngilo Tio wau potabiyalo to Olio wolo lealeaatu lo jiwa wau batangamu.

TINGULI 11:13

Oditolio dungohilo ngoa̒amila palenta upilo tunggulai lowatia ode limongoli todulahee botie; tolia̒ngilo Eeya Allahu Taa̒ala limongoli wau poi̒baadatilo to Olio wolo lealeaatu lojiwa wau batanga limongoli.

TINGULI 6:5

Tolia̒ngi mao̒ to Eeya Allahu Taa̒ala limongoli wolo lealeaatu lo hilaamu: Pobilohe mao̒ uito todelomo dudelo lo tutumuli mongoli wau todelomo huhutu limongoli.

TINGULI 7:12

“Wonu timongoli mopoo̒tuoto totoonulalo palenta boito, wau mohutu mao̒ wolo tatapu wau molotolo hilao, yi Eeya Allahu Taa̒ala limongoli olo matatapu wau molotolo hilao to daantia u pilohutu-Lio mai woli mongoli. Tio mamopo bilohei ponu-Lio utatapu olimongoli, debo odelo u pilodanti-Lio mai ode loluuhuru limongoli.

YUDAS 1:24

Allahu Taa̒ala, tamambo modaha mai alihu timongoli diila modehu, wau tamambo modelo olimongoli ode talu-Lio u molamahu wolo weengahe wau lou̒ diila oa̒aibu.