BOHULO MONGO OLONGIA 2:26 - KITABI HABARI MOPIOHE

²⁶ Lapatao̒ malo loi̒ya ti Olongia Salomo odeli Iimamu Abyatar, “Ponao̒lo ode kambungu pilohuluta loduhumu to Anatot. Yio̒ patuti hukuu-maniyola mate, bo todulahee botie wau̒ diila tamomate olemu mate-mateelo mao̒, sababu tou̒ yio̒ donggo pee̒-pee̒enta woliyamau̒, yio̒ lodudua̒ heloo̒ laasa mao̒ ngoa̒amila polodutolio. Wau yio̒ olo tahe longurusi Bulua Daantia lo Eeya.”

BOHULO MONGO OLONGIA 2:26 ပူးပေါင်းရင်းမြစ်များ

OLUO LO SAMUEL 12:5

Loo̒dungohe uito tei Dauda loingo daa̒ sababu huhutu lo taakaya boito wau malo loi̒ya, “Malo diilalo omanusia taakaya boito! Domi Eeya tatumu-tumulo, tau boito musi moluloa̒ao̒ walao̒ himba boito poo̒opato piu̒wa wau tio musi hukuu-maniyola mate!”

BOHULO MONGO OLONGIA 1:25

To dulahulo botie tio malo podewo dadaata himba, sapi ulai̒ wau walao̒ sapi u hiliingohe. Ngoa̒amila walao̒ talolai̒ li Baginda matiloduolio. Wau olo mongo eyaanggu diti lo popaatea li Baginda, wau ti Iimamu Abyatar. Timongolio masaatia donggo hemohutu potihunggu wolio wau hitingalaa̒ meengahu, ‘Pomali-tutuo̒lo mola Olongia Adonia!’

BOHULO MONGO OLONGIA 1:7

Lapatao̒ tio mota lodulohupa wolei Yoab woli Iimamu Abyatar. Tiilo lei Yoab tai̒lunte Jeruya. Tei Yoab woli Iimamu Abyatar akolo u lomantu tolopani lei Adonia.

BOHULO MONGO OLONGIA 2:35

Lapatao̒ ti olongia lomudua̒a olei Benaya lowali eyaanggu diti lo popaatea lobuulota wolei olei Yoab, wau tei Jadok piludui̒o lowali iimamu lobuulota wolei Abyatar.

YESAYA 10:30

Ponguatio̒lo, wuu ulipu lo Galim! Podungohulo, ulipu lo Laisya! Tametilo, ulipu lo Anatot!

YEREMIA 1:1

Buku botie tuatuanga tataa-heyaalo lei Yeremia walae̒e Hilkia, tala ngota iimamu lonto kota Anatot to madala lei Benyamin.

MATIUSI 10:42

Titaalo tita tamongohi uilumolo, penu bo taluhu mohuhulo ode tala ngota lotaa hehiinawa daa̒ botie, sababu tio muri-U̒, pomalacayalo, deu̒ tio maatantu mololimo wuupalio!”

LUKASI 22:28

Todelomo totoonulalo polodutolo-U̒, timongoli laito pee̒-pee̒enta wola-U̒.

GALATIA 3:4

Wolo diila ohuna wambai̒o ngoa̒amila umaa ilolaasawa limongoli boito? Diila pongalo aakali diila ohuna!

BOHULO SEMUEL 2:32

Yio̒ masuukali mai wau molaasa mohiihia moo̒onto mao̒ totoonulalo balakati u mawohi-U̒ ode tau-tauwalo wewo to Isirai̒lu, hiambola todelomo ngaalaa̒mu lohihilao maamate donggo muda.

BOHULO SEMUEL 26:16

Yio̒ diila mambo moponao̒ lo tuugasimu, Abner! Domi Eeya tatumu tumulo, timongoli ngoa̒amila patutilio mate, sababu diila helodaha oli tuanimu, olongia tatilulaoto Eeya. Nte bilohilo! Tou̒toonu totobui̒ olongia? Tou̒toonu ginti uwoluo to ambahu lunggongio engonti?”