BOHULO MONGO OLONGIA 2:24 - KITABI HABARI MOPIOHE

²⁴ Eeya malo poo̒otohetai huhuloa̒a li olongia liyamo lowatia, Dauda. Eeya malo eelai Danti-Lio wau malohudu mai bele biluloa̒ saaha li olongia botie olaatia wau wali mola lowatia. Watia motadia mai domi Eeya tatumu-tumulo deu̒ tei Adonia maamate to dulahulo botie!”

BOHULO MONGO OLONGIA 2:24 ပူးပေါင်းရင်းမြစ်များ

OLUO LO SAMUEL 12:10

Sababu yio̒ diila lodungohe ola-U̒ wau malohama dile lei Uria, yi todelomo timii̒du walimu wawaalia mola woluo tamate pateelio mate-mateelo mao̒.

OLUO LO SAMUEL 7:27

Eeya Taa Laba-labaalo kawasa! Ambunguolo watotia mopobuheli batanga lo watotia momolohone mola moli dua̒ botie ode Eeya, sababu Eeya lohihilao malo poo̒taa mai ode watotia deu̒ walao̒ wombu lo watotia wawaalia mola powalio lo Eeya olongia to bangusa botie.

BOHULO MONGO OLONGIA 1:29

Lapatao̒ uali Baginda mao̒ olio, “Memangi wau̒ malodanti olemu, domi tanggulo Eeya, Allahu Taa̒ala lo Isirai̒lu, deu̒ tei Salomo talolai̒mu mamo buulota wolau̒ mowali olongia. Naa, botia wau̒ modanti mai olemu domi Eeya tatumu-tumulo, tamalo lopatai olau̒ lonto tilolahepalo osuukaliu̒, deu̒ to dulahulo botie wau̒ mamoe̒elao̒ dantiu̒ olemu.”

BOHULO MONGO OLONGIA 1:46

Tei Salomo masaatia malowali olongia.

BOHULO MONGO OLONGIA 1:52

Tei Salomo lolametao̒, “Wonu tio mohutu u mopiohu, yi tio penu boli ngoi̒di mao̒ diila tahukuu-maniyola; bo wonu tio mohutu u moleeto, yi tio musi pateelo mate-mateelo mao̒.”

BOHULO MONGO OLONGIA 10:9

Ilopujialo mola Eeya, Allahu Taa̒ala li Tuani! Wolo lomuduo̒ oli Tuani lowali olongia lo Isirai̒lu, Eeya lopoi̒laalo malo odito sanangilio Eeya toli Tuani. Diila opulitio Eeya helomonu mai bangusa lo Isirai̒lu; uito sababuulio Eeya lomuduo̒ oli Tuani lowali olongia limongolio, alihu ti Tuani mowali mopo tihulao̒ butoo̒ wau u aadili.”

BOHULO TAWARI 17:17

Eeya tumbao̒ lohutu mai lebe lou̒ leeto; Eeya malohutu mai danti tomimbihu wali mola lo watotia tomaasa u madungga-dungga mai. Tumbao̒ Eeya lopohutu mai olo watotia odelo ngotaalio lotaa udaa̒.

BOHULO TAWARI 17:23

Botia, yaa Eeya Allahu Taa̒ala, potala Eeya mopoo̒ toheetai u ohiheo-hiheolo mao̒ danti u pilotahuda lo Eeya tomimbihu batanga lowatotia wau wali mola lo watotia. Potala Eeya moponao̒ wolo u mapilo danti mai lo Eeya boito.

BOHULO TAWARI 22:10

Walau̒mu talolai̒ boitolo tamaa momongu bele ode ola-U̒. Tio mamowali walau̒u-U̒ wau Wau̒ mowali tiyamalio. Tambati huhuloa̒ li olongia lo bele biluloa̒ saaha li olongia Isirai̒lu madebo woluo to waliilio mola u ohiheo-hiheolo mao̒.’ ”

BOHULO TAWARI 29:23

Yi odelo potowoli olei Dauda tiyamolio, tei Salomo lowali mao̒ olongia u matilantu mai lo Eeya. Tio olongia tai̒lo haasili wau hemoomu lo ngoilanggubu bangusa lo Isirai̒lu.

JABURU 127:1

Lahu lei Salomo. Wonu diila Eeya tamomongu bele, diila ohuna mongo panilio mokalaja. Wonu diila Eeya tamo lilunga kota, diila ohuna tahi pokawalia modaha.

POHUMAYA 20:2

Muluka li olongia debo odelo heuwango singa; taa u mopotoodu oyiyingolio boliilio mao̒ mopo topotala batanga lohihilao.

BOHULO SEMUEL 25:28

Maa̒apuwalo mai totala lowatotia. Eeya tantu mamopowali mao̒ oli Tuani lowatotia wau wali mola li Tuani lowatotia olongia lo Isirai̒lu, sababu ti Tuani lowatotia mopaatea duo̒lo Eeya; wau ti Tuani lowatotia diila tamohutu u moleeto ngotupa lo tutumulo.