BOHULO MONGO OLONGIA 2:2 - KITABI HABARI MOPIOHE

² “Mawakutuulio wau̒ maa mate. Patutilio yio̒ yakini wau buheli.

BOHULO MONGO OLONGIA 2:2 ပူးပေါင်းရင်းမြစ်များ

OLUO LO SAMUEL 10:12

Poo̒lotolalo mola hilaamu! Dulo ito mohipate wolo buheli ode bangusanto wau ode kokoo-tawaalo Allahu Taa̒alanto. Pohileaala dua̒ Eeya mohutu mai wolo u kahandakio-Lio.”

OLUO LO SAMUEL 12:23

Bo botia, tou̒ tio mailate, wolo hunalio wau̒ debo mopuasa? Tingga mowali wau̒ muli mopo tumulai olio? De wau̒ mamonao̒ olo ode tambati ilowoluwoalio, bo botia tio diila tamo hualingai ode olau̒.”

BOHULO MONGO OLONGIA 3:7

Yaa Eeya, Allahu Taa̒ala lo watotia, Eeya lomudua̒a olo watotia lowali olongia lobuulota woliyamo lo watotia, eleponu watotia donggo muda daa̒ wau diila motota woloolo mola dudelolio momalenta.

BOHULO TAWARI 22:13

Wonu yio̒ modungohe ngoa̒amila butoo̒ uilohi mai lo Eeya odelei Musa duo̒lo bangusa lo Isirai̒lu, yi yio̒ moo̒toduo tilapulo. Yio̒ musi yakini wau buheli. Diila mao̒ oohe penu boli motaalua loolo wambai̒o.

BOHULO TAWARI 22:16

hulawa, talaa̒, polunggu wau wate. Naa, hua̒a tumulalo mao̒! Pohileaala dua̒ Eeya motulungi mai olemu.”

BOHULO TAWARI 28:10

Eelailo mao̒ tio̒otutua deu̒ Eeya malo lulaotai olemu u mopo tihulao̒ bele u tolomodu ode Eeya. Naa, botia kalajailo uito wolo hilaa u tio̒otutua.”

BOHULO TAWARI 28:20

Lapatao̒ ti Olongia Dauda luli loloi̒ya mao̒ odelei Salomo walai̒o talolai̒, “Yio̒ musi yakini wau buheli. Tumulilo mao̒ kalaja boito wau diila mao̒ oohe penu boli loolo wambai̒o. Eeya Allahu Taa̒ala tahe tuboomu mamo tulungi mai olemu. Eeya mapee̒-pee̒enta wolemu tunggula ngoilanggubu kalaja boito lapato.

AYUBA 16:22

Tataa-wunuu̒ u ilolabita diialo dadaata; bolo ngopee̒ mola wau̒ monao̒ wau diilalo mohualingai.

AYUBA 30:23

Otaawa lo watotia, dilelo lo Eeya watotia ode aalamu lo mautu, tambati lo ngoa̒amila tahitumula ilaambu.

JABURU 89:48

Eelalio mai watotia deu̒ malo odito limbui̒o tutumulo watotia botie, pilopowali mai lo Eeya manusia odelo mahaluku u panaa.

TAMOO-HUTUBAWA 12:13

Lapatao̒ ngoa̒amilalo pilikiiliu̒ mola lopio-lopiohulo mao̒ u lolantu, uti-utieelo pulito lohuhaama u lotapuu̒. Poohelo mola to Allahu Taa̒ala wau dungohilo totoonulalo palentaa-Lio, sababu bo u woleeto boitolo manusia pilowali mai lo Eeya.

1 KORINTUS 16:13

Mamusi timongoli mopoo̒daha wau sabali todelomo tutumuli mongoli odelo taulo Nasara. Pokalajalo wolo buheli wau powalilo molotolo.

EPESUS 6:10

Pulitio mao̒, mamusi timongoli mowali molotolo wolo olootolo u lotapu limongoli lonto kawasa lo Eeya, sababu timongoli lotituwau wo-Lio.

TINGULI 31:23

Lapatao̒ Eeya lotahuda odelei Yosua, walae̒e Nun, tahudaa-Lio, “Mamusi yio̒ molotolo hilao wau buheli, Yosua! Yio̒ mamodelo bangusa lo Isirai̒lu tumuwoto ode lipu u pilodanti-U̒ mai olimongolio, wau Wau̒ mamo tulungi olimongolio.”

1 TIMOTIUS 4:12

Diila mao̒ polulia penu boli ngota monganggapu olemu dupadupapa sababu yio̒ donggo muda. Bolii̒o mao̒, mamusi yio̒ mowali obaayawa lotau-tauwalo palacaya todelomo loi̒yamu wau pii̒limu, todelomo dudelomu motolia̒nga ngota timongota wau palacaya li Isa Almasi, wau wolo tutumulumu ubelesi.

2 TIMOTIUS 2:1

Timotius, walau̒uu̒! Mamusi yio̒ mowali molotolo wolo odehu hilao uilohi mai de olanto, sababu ito lotituwau woli Isa Almasi.

IBRANI 9:27

Allahu Taa̒ala malo potatapu mai deu̒ manusia mate bo pee̒enta wambai̒o wau lapatao̒ uito aadilio lo Allahu Taa̒ala.

YOSUA 23:14

Botia mawakutuulio watia mate. Timongoli ngoa̒amila ngota-ngota motota otutu deu̒ Eeya Allahu Taa̒ala limongoli malongohi mai ode limongoli totoonulalo u mopiohu u dilanti-Lio mai. Timii̒du danti-Lio mai̒lelaa-Lio mai, diaaluo penu boli tuwau mao̒ u diila.