BOHULO MONGO OLONGIA 19:3 - KITABI HABARI MOPIOHE

³ Tei Elia mailoohe, lapatao̒ tio lolahi alihu diila pateelio mate-matelo mao̒. Tio lonao̒ wolo tamoo-mayawa olio ode Bersyeba to Yehuda. Mola teto tio malo lolaa mao̒ tamoo-mayawa olio boito,

BOHULO MONGO OLONGIA 19:3 ပူးပေါင်းရင်းမြစ်များ

ILOOWALI 21:14

Loloombulio mola didimodupo, tei Abraham longohi mao̒ odeli Hagar ua̒alo wau bututu lowalito tuwau tua-tuanga taluhu u potomeu̒ to dalalo. Tio lopohuloo̒ walao̒ boito to bingungo li Hagar, wau lei̒ nao̒ taabua boito. Tulusi malo monggato ti Hagar wau lonao̒ ode utoonulalo mao̒ tohuta datahu wau luasi udelita lo Bersyeba.

ILOOWALI 21:31

Odi-odieelo mola tambati boito ilunteelio Bersyeba, sababu teteetolo taduulota boito helo hulita tadia.

PILOTIMUA̒TA 2:15

Tou̒ ti olongia loo̒dungohe sua̒li u lotoduo boito, tio malo lolohe aakali u momate olei Musa mate-mateelo mao̒. Bo tei Musa malolahi lapatao̒ mola lotibiluloa̒ tolipu lo Midian. Ti Iimamu lonto Midian, tai̒lunte Yitro, owalao̒ mongobua pitu lota. Todulahee tuwau, tou̒ tei Musa donggo hulo-huloa̒a totili lo ali tuwau, malonao̒ mai walae̒e Yitro mongo dulahu pitu lota mai mohama taluhu wau moluanga tambati u hipongiluma himbala lo batade wau himba liyamo limongolio.

YEREMIA 20:9

Bo wonu todelomo hilaa lowatotia, watotia moloi̒ya, “Huliaalo mao̒ Eeya lipato lowatotia wambai̒o, diilalo mohuto watotia mobisala to tanggu-Lio,” yi tahuli lo Eeya debo odelo tulu u wali-walihuhu todelomo putu lohilao. Watotia malo himontala lowatotia longotongao̒, bo loi̒laalo watotia diila okawaasa.

MATIUSI 26:56

Bo memangi mapatutilio odito alihu mamotoduo wolo u tiluladei lomongo nabi todelomo Kitabi.” Lapatao̒ uito, ngoa̒amila tahidudua̒ o-Lio tilumeteo̒ lololaa mao̒ li Isa.

2 KORINTUS 12:7

Bo alihu watia diila botie sombongi sababu totoonulalo bibilohu upolu-polutuo̒ boito, watia yilohia-Lio mai odelo tuwaulio longongoto tobatanga lowatia udebo odelo pakaakasi lo Ibilisi. Ngongoto boito yilohi-Lio mai momate olaatia alihu watia diila mowali sombongi.

BOHULO SEMUEL 27:1

Tei Dauda helo mikiilangi mola todelomo hilaalio, “Penu boli woloolo mola olo tou̒ dulahee tuwau tei Saul mamomate olau̒ mate-mateelo mao̒. Oditolio, diduu̒ dalala wewo olau̒, ngopohia mopolahi lobatanga ode lipu lo Pilistin. Lou̒ odito tei Saul diilalo molololohe olau̒ to Isirai̒lu, wau wau̒ olo maa̒amani.”

BOHULO SEMUEL 8:2

Walai̒o tamohuhula daa̒ tai̒lunte Yoel wau tao̒luolio Abia. Timongolio lowali hakimu to Bersyeba.