BOHULO MONGO OLONGIA 18:32 - KITABI HABARI MOPIOHE

³² Wolo boboo-tuwaalo boito tei Elia luli lomongu mao̒ mesba tambati poi̒baadatiala ode Eeya. To palito mesba boito tio longau̒de tanggi u totoonggade udaa̒ tilinggula mowali molanggomo taluhu tanu mopulaa limo loliiteri.

BOHULO MONGO OLONGIA 18:32 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

BOHULO MONGO OLONGIA 18:33

Tio lohuludeo̒ ayu podiio̒ toitaato mesba, lapatao̒ sapi u tuwau boito hei̒lo-iloloongio wau pilodutulio toitaato ayu boito. Lapatao̒ tio loloi̒ya, “Tuangilo totoo-mbeyaalo mohelu wopato wolo taluhu tunggula mopolu, lapatao̒ huwata mola taluhu boito toitaato dewo lobake wau ayulio.” Lapatao̒ timongolio helo pohutu mao̒ sua̒li boito,

BOHULO MONGO OLONGIA 18:35

Yi matilu molohei taluhu topalito mesba boito tilinggula tanggilio olo lopolu mai lotaluhu.

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

MONGO HAKIMU 21:4

Loloombulio mola, didimodupo daa̒, umati lo Isirai̒lu lopo tihulao̒ mesba tuwau mota teto, lapatao̒ helo podewo ode Eeya bake yilalango wau bake lo polodame.

MONGO HAKIMU 6:24

Lapatao̒ tei Gideon malomongu mesba tuwau mola teto wau longunte mao̒ “Eeya Bungo lo Moa̒ahu”. Mesba boito donggo woluo to Opra, deu̒yito-yito kota taulo Abiejer.

MONGO HAKIMU 6:26

Potihulaalo toitaato huuntua boito mesba tuwau u mairanjana lou̒ mopiohu. Lapatao̒ sapi ulai̒ boito ngoa̒amilalo, musi tumbilamu lealeaatulo mao̒ odelo bake ode Eeya. Pomakea mao̒ wolihi polobayahu li Dewi Asyera u mailoloo-hubumu boito odelo ayu podiii̒o.”

BOHULO SEMUEL 7:17

Laito lapatio mao̒ uito tio hemo hualinga mola ode belelio to Rama. Mola teto tio lowali hakimu taulo Isirai̒lu wau helo potihulao̒ mesba tuwau ode Eeya.

BOHULO SEMUEL 7:9

Sababu uito tei Semueli longolotao̒ tuwau himba buboto, turusi lopodewo odelo bake yilalango ode Eeya. Lapatao̒ uito tio lodua̒ mola alihu Eeya motulungi mai taulo Isirai̒lu, wau dua̒lio boito dilungohe-Lio.