BOHULO MONGO OLONGIA 18:3 - KITABI HABARI MOPIOHE

³ Sababu uito tei Ahab lotianga olei Obaja u mai lotaalua. (Tei Obaja yito tau̒wa lobele lou̒ ngaalaa̒ lo bele biluloa̒ saaha li olongia. Tio ngotaalio lotaa tio̒otutua hemo ibaadati to Eeya.

BOHULO MONGO OLONGIA 18:3 ပူးပေါင်းရင်းမြစ်များ

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

ILOOWALI 24:10

Wato boito malohama unta mopulu wau balangi hidala-dalaala u ohalaga miliki li tuanilio wau lomonggato ode kota tambati pilo tibiluloa̒ lei Nahor tou̒ tio donggo tumu-tumulo; dudutuulio to tilayo lo Mesopotamia.

ILOOWALI 24:2

Tou̒ dulahee tuwau malo loi̒ya tei Abraham ode watolio tamohuhula daa̒, tahe mongulusi totoonulalo halataalio, “Podutua mai uluu̒mu towolota lo bungolopau̒.

ILOOWALI 39:9

Tewe kawasa laatia tutuuwauwa udaa̒alio wolo kawasaalio. Diaaluo penu boli tuwau mao̒ u diila pilo malacayaalio mai to olaatia ngopohia li Nyonya. Diila pongalo aakali watia mohutu huhutu u moleeto boito wau mowali odusa to Allahu Taa̒ala?”

ILOOWALI 41:40

Yio̒ mapuduo̒u̒ mowali Gubolonulu, wau ngoa̒amila ulipuu̒ mamodungohe palentaamu. Bo wau̒-wau̒lo wambao̒ talebe okawasa wolemu.”

ILOOWALI 42:18

Todulahee otolulio tei Yusu malo loi̒ya ode limongolio, “Wau̒ taa u moohe wau taa u modungohe to Allahu Taa̒ala. Timongoli mapo aahuwou̒ mai wolo danti tuwau.

BOHULO MONGO OLONGIA 16:9

Tei Jumri, ngotaalio lo polowila talo titau̒wa to ngotayadu pasuukani okaleta, helo woomboa loluwali olei Ela. Tou̒ dulahee tuwau to Tirja, tei Ela helongilu tunggula hiluwoa̒ tobele lei Arsa, tau̒wa lou̒ ngaalaa̒ lobele biluloa̒ saaha li olongia.

BOHULO MONGO OLONGIA 18:12

Wonu bolo watia monao̒ mota monteea, Rohullah tanu mamodelo oli Paaa̒ ode tambati udiila otaawa lowatia! Wau wonu watia mopoo̒taa mao̒ odelei Ahab deu̒ ti Paaa̒ woluo tewe, lapatao̒ tio diila moo̒dungga oli Paaa̒, tantu tio mamomate olaatia mate-mateelo mao̒. Ototai mao̒, Paaa̒, watia botie tio̒otutua hemo ibaadati ode Eeya anggadu kikiia̒i!

BOHULO MONGO OLONGIA 18:2

Yi malo monggato tei Elia. Tou̒ boito baala lopolobiti malo laba-labaalo to Samaria.

OLUO MONGO OLONGIA 4:1

Tou̒ dulahee tuwau janda lonto ngotaalio lo nabi lonao̒ mota odelei Elisa wau loloi̒ya mao̒, “Paaa̒, dile lowatia mailate! Wau otaawa li Paaa̒ deu̒ tio olo ngotaalio lotaa u modungohe to Allahu Taa̒ala, bo tio o biloli to tahingota-ngotawa. Botia tau boito lonao̒ mai lohama walao̒ watia duduulota wau timongolio he pilopowaliilio wato, odelo pomaayali biloli todile lowatia tamailate.”

NEHEMIA 5:15

Mongo gubolonulu tou̒ dipo-dipolulio mai wau̒, malowali banta lo ulipu sababu timongolio helohile wopato pulu doi talaa̒ ngohui duo̒lo ua̒alo wau angguru. Tumbao̒, mongo pogawee limongolio olo helodeehe ulipu. Bo wau̒ diila mohuto mohutu mao̒ odito sababu wau̒ moohe to Allahu Taa̒ala.

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

AYUBA 28:28

Allahu Taa̒ala lopirimani mai to manusia, “U moo̒tapu mao̒ hikimati, Allahu Taa̒ala musi hurumatio limongoli. U moo̒toduo mai huhama, u moleeto musi poahalahu limongoli.”

JABURU 112:1

Pujiaalo mola Eeya! Potisanangilo tutu taa u saale, tamotohilaa totoonulalo palenta lo Eeya.

POHUMAYA 14:26

Taa u saale to Eeya mowali aamani wau dame, wau ngaalaa̒lio maa o poloduo̒la.

MALEAKHI 3:16

Lapatao̒ tau-tauwalo tahi woohea to Eeya loloi̒ya ngota timongota. Eeya lodungohe wau lopoo̒tuoto wolo uiloi̒ya limongolio. Tau-tauwalo tahipo hulumatia o-Lio wau moohe to Olio, tiluladu mao̒ tanggulio todelomo buku daputali tuwau uwoluo totalu-Lio.

MATIUSI 10:28

Diila mao̒ oohe to limongolio tamomate batanga mate-mateelo mao̒, bo diila okawasa momate nyawa. Ooheelo Allahu Taa̒ala tao̒kawasa mopobinasa mai batanga wau nyawa todelomo nalaka.

MATIUSI 25:17

Odito olo tamoomayawa u lololimo dulo lihu doi hulawa boito luli ilopae̒eda dulo lihu.

WUNGGULI LOMONGO RASULU 10:2

Tio ngotaalio lotaa u moohe to Allahu Taa̒ala wau ngoa̒amila ilaatolio hipo tabiyawa ode Allahu Taa̒ala. Tio mapoo̒-poo̒daata helomantu tau-tauwalo Yahudi tamosikini, wau tio laito hemodua̒ ode Allahu Taa̒ala.

WUNGGULI LOMONGO RASULU 10:35

Taa u moohe to Allahu Taa̒ala wau mohutu u otutu, tau boito tolimoo lo Allahu Taa̒ala, diila paduli tio monto bangusa wolo.