BOHULO MONGO OLONGIA 18:12 - KITABI HABARI MOPIOHE

¹² Wonu bolo watia monao̒ mota monteea, Rohullah tanu mamodelo oli Paaa̒ ode tambati udiila otaawa lowatia! Wau wonu watia mopoo̒taa mao̒ odelei Ahab deu̒ ti Paaa̒ woluo tewe, lapatao̒ tio diila moo̒dungga oli Paaa̒, tantu tio mamomate olaatia mate-mateelo mao̒. Ototai mao̒, Paaa̒, watia botie tio̒otutua hemo ibaadati ode Eeya anggadu kikiia̒i!

BOHULO MONGO OLONGIA 18:12 ပူးပေါင်းရင်းမြစ်များ

BOHULO MONGO OLONGIA 18:11

Wau botia ti Paaa̒ motohilaa alihu watia monao̒ mota ode olio wau moloi̒ya mao̒ deu̒ ti paaa̒ woluo tewe?

OLUO MONGO OLONGIA 2:11

Sambela hinao̒wa, timongolio duulota tulusi hibisalawa. Debolo kaleta tuwau otulu udede-dedeea̒ towadala otulu mai lopobua̒ olimongolio duulota lapatao̒ tei Elia bilintaa̒a mola lodupoto huloyongo ode sologa.

OLUO MONGO OLONGIA 2:16

wau loloi̒ya mao̒, “Amiaatia woluo limo lopulu lota, ngoa̒amila hilootola. Sababu uito, duloolo ito mololohe olei Elia oli tuanimu. Tanu Rohu lo Eeya malodelo mola olio ode hui̒dee meaalo ode lumbaya, lapatao̒ lololaa mao̒ olio teto.” “Sambelolo!” tametao̒ lei Elisa.

OLUO TAWARI 34:3

Lapatao̒ walu lotaunu mola lowali olongia, to umulu humula daa̒, tei Yosia lolumula loi̒baadati to Allahu Taa̒ala tahe tuboo li Olongia Dauda loluuhurulio. Wopato taunu mola lapatio mao̒ tio helo ngantulu tambati polubowalo balaahala, bubuu-iyaalo Dewi Asyera, wau babaa-laahalaalo wewolio.

JABURU 71:5

Sababu Eeyaalo halaapani lowatotia, yaa Eeya, yaa Eeya, watotia yakini to Eeya tumulalo mai watotia donggo humula.

POHUMAYA 8:13

Mohurumati to Eeya boliilio molonuo̒ u moleeto; wau̒ diila motohilaa osombongi wau obatingga. Wau̒ molonua̒ to pii̒li u moleeto wau tataa-heyaalo udiila juujulu.

TAMOO-HUTUBAWA 7:18

Pelehia mao̒ duduuluolo engonti. Wonu ito moohe to Allahu Taa̒ala, tantuulo mao̒ ito otilapulo mopiohu.

YESAYA 50:10

Wuu timongoli tamomasisi to Eeya, wau modungohe loi̒ya lo wato-Lio, dalalo u ponao̒wa limongoli otanu modio̒lomo, wau diaaluo tinelo u motinelai de olemu; bo poyakinilo to Eeya; potiwunelolo to Allahu Taa̒alamu.

YEHESKIEL 11:24

To delomo bibilohe boito, Rohullah lomintao̒ mota olaatia ode tau-tauwalo tahe pilolayahu to Babel. Lapatao̒ yilooli lomola bibilohe boito.

YEHESKIEL 37:1

Watia loo̒laasa kawasa lo Eeya, wau Rohu-Lio lodelo olaatia lotuhutaa mola lumbaya u polupolu wolo tutuu-lalowaalo.

YEHESKIEL 8:3

Tio lohudu mai hitua-tuawua udebo odelo uluu̒, tulusi lopo tataambangao̒ huwoo̒ lowatia. Lapatao̒ todelomo bibilohu boito, watia bilintai̒o mola molanggato ode dulente lo Rohullah wau dilelolio ode Bele lo Eeya to Yerusalemu, ode huhebu potuwotalo ode palepelo delomio u to ambahu tilayo. Mota teto woluo bui̒ balaahala umalo potoodei muluka lo Allahu Taa̒ala.

MATIUSI 2:16

Tou̒ ilotaawa lei Herodes tahi ahalia lopoliama lonto tiimulu boito longaakali olio, maloingo daa̒ tio. Tulusi tio malei̒ pate yila-yilateelo mao̒ ngoa̒amila mongo lolai̒ kekeei̒ taa umululio totibawa dulo taunu to Betelehemu wau topalitio. Uito lotuuu̒de wolo katalangani u lotapulio lonto tahi ahalia lo poliyama boito tomimbihu saaa̒tilio poliyama boito iloontonga.

MATIUSI 4:1

Lapatao̒ ti Isa dilelo lo Rohullah ode huta datahu u luasi daa̒ wau delita alihu mola yimontala lo Ibilisi.

LUKASI 1:15

Tio mamowali tau daa̒ moduduo̒ bibilohu lo Eeya, wau tio diila tamongilu angguru meaalo minumani u mototoheto. Anggadu potutuolio mai tio makawasaa lo Rohullah.

WUNGGULI LOMONGO RASULU 12:19

Tulusi tei Herodes lopoa̒hu tau mota mololohei olei Petrus, bo timongolio diila loo̒dungga olio. Oditolio tei Herodes lomalentao̒ alihu tamoo-kawalia boito pohintuwalo lapatao̒ pateelo mate-mateelo mao̒. Lapatao̒ uito tei Herodes malonao̒ lonto Yudea wau mola lotibiluloa̒ ngoolo mola hiheolio to Kaisarea.

WUNGGULI LOMONGO RASULU 8:39

Tou̒ timongolio lobotulai lonto taluhu, Rohullah lohama olei Pilipus lonteeto. Pogawee talailaio̒ lonto Etiopia boito diilalo loo̒onto olio. Wolo wenga-wengahe pogawee talailaio̒ boito lopo tolonga mola lononao̒lio.

2 TIMOTIUS 3:15

Musi eelamu mola deu̒ tumulalo mai yio̒ donggo kikiia̒i malotota lo Kitabi. Kitabi boito mowali mongohi olemu pongotota umoo̒ toduo oa̒ahu motimbulude to iimani odeli Isa Almasi.

BOHULO SEMUEL 16:2

Bo tei Semuel lolametao̒, “Woloolo mola watotia musi mohutu mao̒ uito? Wonu sua̒li boito odungohe lei Saul, tantulo mao̒ watotia pateelio mate-mateelo mao̒!” Eeya lotahuda mai, “Delowalo sapi buboto tuwau, wau poo̒taa mao̒ ode ulipu deu̒ yio̒ monao̒ mola odito u mopodewo bake ode Eeya.

BOHULO SEMUEL 2:18

Tou̒ boito, tei Semuel tadonggo ukikiia̒ boito tulusi hemomaya to Eeya. Tio helomake boo̒ tolomodu lonto kaingi lineni, debo odelo boo̒ ibaadati lomongo iimamu.

BOHULO SEMUEL 2:26

Bolii̒o mao̒ tei Semuel, walao̒ boito, mahe udaa̒ mola wau lebe aahudulio, mopio duo̒lo Eeya, boli duo̒lo ngoa̒amila tau.