BOHULO MONGO OLONGIA 18:1 - KITABI HABARI MOPIOHE

¹ Lapatao̒ dengolo wakutu mola hiheolio, totaunu otoloulio sembo lohengu boito, Eeya lotahuda mai odelei Elia, “Ponao̒lo mola motaalua woli Olongia Ahab, diilalo mohiheo Wau̒ mamo potuhutai didi.”

BOHULO MONGO OLONGIA 18:1 ပူးပေါင်းရင်းမြစ်များ

BOHULO MONGO OLONGIA 17:1

Woluo ngotaalio lonabi tai̒lunte Elia. Asaliilio mai lonto Tisbe, kota tuwau tomadala lo Gilead. Tou̒ dulahee tuwau tio lonao̒ mai odeli Olongia Ahab wau loloi̒ya mao̒, “Domi Eeya tatumu-tumulo, Allahu Taa̒ala tahe tuboo taulo Isirai̒lu wau tahe bayaa lowatia, watia mopoo̒taa mai odeli Tuani deu̒ ngotilonggadu dulo meaalo tolo taunu u wumbutio mola botie diaaluo mai wombulo wau didi penu boli ngoi̒di mao̒, ngopohia wonu watia molele mai.”

BOHULO MONGO OLONGIA 17:15

Lapatao̒ malonao̒ janda boito lopohutu mao̒ wolo uiloi̒ya lei Elia. Yi timongolio toulota maa ilohetua lou̒ aalo u lotuuheta heo̒ dula-dulaheelio mola hiheolio.

BOHULO MONGO OLONGIA 17:7

Lapatao̒ dengolo wakutu mola hiheolio, walao̒ dutulaa boito lohengu olo sababu diaaluo didi.

BOHULO MONGO OLONGIA 18:2

Yi malo monggato tei Elia. Tou̒ boito baala lopolobiti malo laba-labaalo to Samaria.

BOHULO MONGO OLONGIA 8:36

potala monto sologa Eeya modungohe olimongolio. Wau ambungualo mai dusa umati lo Eeya Isirai̒lu wau olongia limongolio. Ambunguolo poo̒olata mai timongolio mohutu wolo u otutu. Lapatao̒ uito, yaa Eeya, potuhutalo mai didi ode lipu lo Eeya botie, lipu uiludu mai lo Eeya ode umati lo Eeya u lowali hakuulio ohiheo-hiheolo mao̒.

YESAYA 5:6

Wau̒ mamo poluli mao̒ pobutua mai lo pilomulo udiila tilaala. Bungo lo anggurulio diila tapopota-U̒, wau diila tapo belesiyo-U̒. Tumbao̒ poluli-U̒ mao̒ otau̒be lodiu̒to oduhi wau huo̒yoto, tumbao̒ hehee-ngowaalo diniyo-U̒ mopodehu mai didi ode yitaatio.”

YEREMIA 10:13

Bo wolo longohi palenta, pobulontungolo mola mooohuu̒ taluhu to ayuntaala. Lonto huhuudu dunia pilopo dungga lo Eeya heengo, wau pilohutu lo Eeya ilato lotinelo todelomo didi, wau yilao mai lo Eeya dupoto lonto tambati pilolahua lo Eeya.

YEREMIA 14:22

Dedeewaalo babaa-ngusawalo diila moo̒ potuhutai didi ode dunia. Penu boli hulungo diila mowali olo moluwatai didi wolo kawasaalio lohihilao. Bo Eeyaalo halapani lamiaatia. Eeya lohutu mai ngoa̒amila boito lotoduo.

YOEL 2:23

Wuu ulipu lo Sion, poti wengahulo mola! Potisanangilo wau pongiibodu lomola meengahu! sababu totoonulalo opopiohu monto Eeya Allahu Taa̒alamu. To sembo lapatao̒ sembo lou̒ mopatu yilohilio mai didi tutuuheta to olemu. To sembo lohuhulo didi bilanggua-Tio mai, wau olo tosembo lapatio mao̒ sembo lohuhulo debo odelo ubohu-bohulio.

IMAAMATI 26:4

Wau̒ mamopo tuhutai didi towakutuulio, tilinggula huta mongohi mai tilapulo wau bubuu-ngowaalo ayu momungo.

AMOS 4:7

Wau̒ tamolanggu laahio lodidi tou̒ pilomulomu momalalu daa̒ taluhu. Wau̒ mopotuhutai didi ode kota u tuwau wau diila ode kota uwewo. Halabolu u tuwau moo̒toduo didi polodu, hiambola halabolu uwewo owowoluwoa mohengu.

LUKASI 4:25

Bo dungohe mai: tojamani lei Elia, tou̒ diila dilidia mai tolo taunu wau ngoputu hiheolio, lotoduo mai polobiti daa̒ to ngoilanggubu madala. Tou̒ boito woluo dadaata mongo janda to Isirai̒lu.

TINGULI 28:12

Eeya mamopo tuhutai didi to sembolio monto tambati polahuwa-Lio ulaba-labaalo daata tohulungo. Tio mamo balakati mai totoonulalo tolopani limongoli, tilinggula timongoli mowali mopo bulotao̒ ode dadaata bangusa, bo timongoli lohihilao sambeloolo mobuloto.

YAKOBUS 5:17

Tei Elia tutuuwauwa wolo manusia debo odelo ito. Tio helodua̒ lou̒ tio̒otutua alihu didi diila modehu mai, yi didi olo diila lodehu ngotilonggadu tolo taunu wau ngoputu hiheolio.

WAHI 11:2

Bo diila mao̒ tuu̒de paangio u toa̒mbahu bulemengo Bele lo Allahu Taa̒ala, sababu tayade boito mailudu ode tau-tauwalo tadiila hitootawa to Eeya. Timongolio mamoduta-dutaa̒a kota u mantali boito ngotilonggadu wopato pulaa dulo hula mola.

WAHI 11:6

Timongolio okawasa u moheu̒ta hulungo alihu diila modehu didi ngotilonggadu timongolio donggo hemo pomalalumu habari lo Allahu Taa̒ala. Timongolio olo okawasa to ngoa̒amila butu lotaluhu, u momolio̒ taluhu mowali duhu. Wau timongolio okawasa olo u molotaa̒a dunia wolo totoonulalo baala u hidala-dalaala, omolua wambai̒o otohilaa pohutuo mao̒ limongolio.