BOHULO MONGO OLONGIA 17:13 - KITABI HABARI MOPIOHE

¹³ “Diila mao̒ polawalo, Ibu!” ualei Elia olio, “Toduolo ti Ibu mohutu mao̒ ua̒alo odeli Ibu wau walai̒ Ibu. Bo tou̒ dipo dipolulio mai uito pohutuwapo meimulo roti mooyoto ngobotu monto labu wau winulo boito, wau deloa mai odia.

BOHULO MONGO OLONGIA 17:13 ပူးပေါင်းရင်းမြစ်များ

ILOOWALI 26:24

Tou̒ hui boito Eeya lopobilohei batanga to olio wau lotahuda, “Wau̒-wau̒lo Allahu Taa̒ala li paapamu Abraham. Diila mao̒ oohe; Wau̒ moduo̒lai olemu. Wau̒ mamo balakati mai olemu wau mongohi mai to olemu wali u dadaata sababu danti-U̒ to wato-U̒ Abraham.”

BOHULO MONGO OLONGIA 17:12

Ti janda boito lolametao̒, “Domi Eeya tatumu-tumulo, Allahu Taa̒ala tahe tuboo li Paaa̒, watia motadia mai deu̒ watia diila oroti. Watia bo olabu lopale ngoonggomo todelomo manggo, wau ngoi̒di winulo jaitun todelomo buutulu. Watia donggo hemo himoa̒ ayu podiio̒ u potubuwalo balangi ungoi̒di boito, alihu watia wau walao̒ lowatia mowali molamela. Ui-uitolo ua̒alo lamiaatia u pulitio; lapatao̒ uito amiaatia mamohima mao̒ mate wambai̒o.”

BOHULO MONGO OLONGIA 17:14

Sababu Eeya, Allahu Taa̒ala tahe tuboo taulo Isirai̒lu, lotahuda mai deu̒ manggo boito malaito tuatuanga labu, wau buutulu boito malaito tuatuanga winulo tunggula tosaaa̒ti Eeya mopo tuhutai didi ode dunia.”

OLUO MONGO OLONGIA 6:16

“Diila mao̒ oohe,” tametao̒ lei Elisa. “Tawoluo towimbihu olanto lebe dadaata mao̒ u towimbihu olimongolio.”

OLUO TAWARI 20:17

Timongoli diila palalu motuuhua todelomo popaatea botie. Ponao̒lo ode tambati u matilantu ode limongoli wau yimailo mota teto. Timongoli mamoo̒onto deu̒ Eeya mamongohi mai olimongoli u moo̒haama!”

PILOTIMUA̒TA 14:13

Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

POHUMAYA 3:9

Hurumatia mola Eeya wolo mopodewo to Eeya ulaba-labaalo mopiohe monto totoonulalo halata miliki wau tilapulo hutamu,

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

YESAYA 41:13

Sababu Wau̒ Eeya, Allahu Taa̒alamu, modihu uluu̒umu olowala; pirimani-U̒ mai, ‘Diila mao̒ oohe, Wau̒ mamotulungi mai olemu.’ ”

MALEAKHI 3:10

Delowaalo ngotayade mopulu limongoli ngoa̒amilalo ode Belee-U̒ alihu woluo ua̒alo laba-labaalo daata mola teto. Tesiyaalo Wau̒, yi timongoli mamoo̒onto deu̒ Wau̒ momuo̒ huhuu-hebuwaalo sologa wau mopoo̒daata mai daa̒ olimongoli wolo totoonulalo u mopiohu.

MATIUSI 10:37

Taa u motolia̒ngo oliyamolio meaanto oliilolio lebe mao̒ wola-U̒ diila patuti mowali muri-U̒. Odito olo taa u motolia̒ngo walai̒o talolai meaalo taabua lebe mao̒ wola-U̒.

MATIUSI 28:5

Malai̒kati boito loloi̒ya mao̒ ode mongobua boito, “Diila oohe! Otaawau̒ timongoli hemo lolohe li Isa tamaa silalipulio boito.

MATIUSI 6:33

Oditolio, potolo anipo meimulo alihu Allahu Taa̒ala momalenta mai tutumulumu wau pohutua mao̒ kahandaki-Lio. Yi, ngoa̒amila u wewolio mawohi mai lo Allahu Taa̒ala olo olemu.

WUNGGULI LOMONGO RASULU 27:24

Malai̒kati boito lotahuda, ‘Diila mao̒ oohe, Paulus! Sababu yio̒ mamotaalua woli Kaisari. Wau sababu opiohu hilaa lo Allahu Taa̒ala olemu, ngoa̒amila tahibitea wolemu mamoa̒ahu sababu yio̒.’

IBRANI 11:17

Sababu o iimani olo, yi tei Abraham lopodewo olei Isihaka odelo bake tou̒ tio tilesi lo Allahu Taa̒ala. To olei Abrahamulo Allahu Taa̒ala longohi danti-Lio, penu odito tei Abraham iloheela lohilao lohudu walai̒o tatuwa-tuwaulo boito.

1 PETRUS 1:7

Patujulio yito u mopo bukuti mao̒ wolo timongoli tio̒otutua palacaya to Eeya meaalo diila. Hulawa u mowali moluusa olo, tesiyola wolo tulu. Naa, iimani limongoli yito lebe mao̒ ohalaga wolo hulawa, oditolio musi tesiyola olo alihu mowali motoheeto. Wau lou̒ odito timongoli mapujio wau hulumatiolo boli polaio̒olo todulahe podudungga mai li Isa Almasi.