BOHULO MONGO OLONGIA 17:12 - KITABI HABARI MOPIOHE

¹² Ti janda boito lolametao̒, “Domi Eeya tatumu-tumulo, Allahu Taa̒ala tahe tuboo li Paaa̒, watia motadia mai deu̒ watia diila oroti. Watia bo olabu lopale ngoonggomo todelomo manggo, wau ngoi̒di winulo jaitun todelomo buutulu. Watia donggo hemo himoa̒ ayu podiio̒ u potubuwalo balangi ungoi̒di boito, alihu watia wau walao̒ lowatia mowali molamela. Ui-uitolo ua̒alo lamiaatia u pulitio; lapatao̒ uito amiaatia mamohima mao̒ mate wambai̒o.”

BOHULO MONGO OLONGIA 17:12 ပူးပေါင်းရင်းမြစ်များ

ILOOWALI 21:15

Tou̒ taluhu potomeu̒lio lopulito, ti Hagar malo pohuloo̒ walai̒o to walungo lo diu̒to,

ILOOWALI 21:16

lapatao̒ lotihuloa̒ otanu ngohetuto meeteri lonto tambati boito. Ualio mao̒ todelomo hilao, “Wau̒ diila moo̒ tahangi moo̒onto mao̒ walau̒uu̒ mate.” Tulusi hilu-moyongoolo mola tio.

OLUO LO SAMUEL 15:21

Bo tei Itai lolametao̒, “Taa Molamahu, domi Eeya tatumu-tumulo wau domi nyawa li Tuani lowatotia, penu boli deu̒toonu ponao̒wa li Tunai lowatotia, watotia mamodudua̒ olo, eleponu motaalua lo opopate.”

BOHULO MONGO OLONGIA 17:1

Woluo ngotaalio lonabi tai̒lunte Elia. Asaliilio mai lonto Tisbe, kota tuwau tomadala lo Gilead. Tou̒ dulahee tuwau tio lonao̒ mai odeli Olongia Ahab wau loloi̒ya mao̒, “Domi Eeya tatumu-tumulo, Allahu Taa̒ala tahe tuboo taulo Isirai̒lu wau tahe bayaa lowatia, watia mopoo̒taa mai odeli Tuani deu̒ ngotilonggadu dulo meaalo tolo taunu u wumbutio mola botie diaaluo mai wombulo wau didi penu boli ngoi̒di mao̒, ngopohia wonu watia molele mai.”

BOHULO MONGO OLONGIA 17:11

Tou̒ ti janda boito donggo nao̒nao̒ mota mohama mai taluhee boito, tei Elia longuatia̒ mota, “Ibu, deloa mai olo roti ngoi̒di.”

BOHULO MONGO OLONGIA 17:13

“Diila mao̒ polawalo, Ibu!” ualei Elia olio, “Toduolo ti Ibu mohutu mao̒ ua̒alo odeli Ibu wau walai̒ Ibu. Bo tou̒ dipo dipolulio mai uito pohutuwapo meimulo roti mooyoto ngobotu monto labu wau winulo boito, wau deloa mai odia.

YEREMIA 14:18

Wonu bolo ode huta datahu u luasi daa̒, oontonga lowatia mimii-lateyaalo bake lo popaatea. To delomo kota oontonga lowatia polodutolo, tau-tauwalo ngopee̒ yilate pilolaango. Nabi wau iimamu hemoponao̒ uwaajibu olimongolio lou̒ diila mongalati wolo u hepohutuo limongolio.”

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

YEREMIA 5:2

Timongoli hemoloi̒ya deu̒ timongoli hemolubo to Eeya, lebe-lebe pomao̒ timongoli diila opatuju odito.

HIYONGO MOPOILAALO SUUSA 4:9

Timongolio silikisa wau yilate to tambati lo popaatea, sababu sama-samaata diila o ua̒alo; tailate totambati lo popaatea, lebe iluuuntungi wolo tailate lo polaango.

MATIUSI 26:7

taabua ngota lonao̒ mai odeli Isa. Tio lodelo buutulu lo puwalamu moputio̒, tuatuanga yinulo moonu u mahale. Tou̒ ti Isa donggo hulo-huloa̒a hemo lamela, taabua boito malo luwatao̒ yinulo moonu boito to lunggongi Isa.

BOHULO SEMUEL 14:39

Wau̒ modanti mai domi Eeya tatumu tumulo, tamalo poo̒haama to Isirai̒lu, deu̒ taa u ototala mahukuu-maniyola mate, eleponu tio yito tei Yonatan talolai̒iu̒.” Bo diaaluo penu boli ngotaa mao̒ tabuheli lolametao̒.

BOHULO SEMUEL 14:45

Bo ulipu loloi̒ya odelei Saul, “Wolo mamusi hukuu-maniyola mate tei Yonatan? Lebe-lebe pomao̒ tiolo talo potoduo mai ohohaama daa̒ botie? Diila! Ami modanti mai domi Eeya tatumu-tumulo, deu̒ tei Yonatan diila mowali oolia lohuwoo̒ polo tulungi boli ngopata mao̒ monto lunggongio. Sababu wolo ponu lo Eeyaalo tio maloo̒ haama todulahee botie.” Odie-odieelo mola tei Yonatan piloa̒ahu lo ulipu lonto hukuumani mate.

BOHULO SEMUEL 20:21

Lapatao̒ maa ahulau̒ mota watou̒ mohimoa̒i papaa-nawaalo boito, wau wonu wau̒ moloi̒ya mao̒ olio, ‘Ai, pana boito lebe membideo̒ poli odia mai; hamaawa mao̒,’ uito boliilio deu̒ yio̒ aamani wau mowali lumualao̒. Wau̒ motadia mai domi Eeya tatumu tumulo deu̒ yio̒ diila todelomo marapo penu boli loolo.

BOHULO SEMUEL 20:3

Tei Dauda lolametao̒, “Otaawa tutu li Paapamu deu̒ yio̒ motolia̒nga olau̒. Oditolio tantulo mao̒ tio diila mohuto mopoo̒taa mao̒ sua̒li boito olemu alihu yio̒ diila mao̒ suukali. Penu boli woloolo mola olo, domi Eeya tatumu tumulo, tutuulio tutu tutumuluu̒ debo odelo putito tohuudio lotunge!”

BOHULO SEMUEL 25:26

Allahu Taa̒ala malo ngabuto oli Tuani lowatotia motuli wau momate-mateelo mao̒ mumuu-suwaalo li Tuani. Wau botia Tuani lowatotia, domi Eeya tatumu-tumulo, watotia motadia mai, bolo potala paladu lo ngoa̒amila musu li Tuani lowatotia wau timii̒du taa ohilaa mopo topotala oli Tuani lowatotia tutuuwauwa debo odelo paladu lei Nabal.

BOHULO SEMUEL 26:10

Domi Eeya tatumu-tumulo, otaawau̒ deu̒ de Eeya lohihilao tamaa momate olei Saul mate-mateelo mao̒, wonu opopatelio malei dungga, meaambo wonu tio mate mao̒ todelomo popaatea.