BOHULO MONGO OLONGIA 16:9 - KITABI HABARI MOPIOHE

⁹ Tei Jumri, ngotaalio lo polowila talo titau̒wa to ngotayadu pasuukani okaleta, helo woomboa loluwali olei Ela. Tou̒ dulahee tuwau to Tirja, tei Ela helongilu tunggula hiluwoa̒ tobele lei Arsa, tau̒wa lou̒ ngaalaa̒ lobele biluloa̒ saaha li olongia.

BOHULO MONGO OLONGIA 16:9 ပူးပေါင်းရင်းမြစ်များ

ILOOWALI 15:2

Bo tei Abram malo loi̒ya, “Eeya Taa Laba-labaalo molanggato, Eeya diila longohi mai walao̒ ode watotia. Taa umaa mowalisi mao̒ halata lo watotia bo tei Elieser wambao̒, wato lo watotia lonto Damusiki. Oditolio wolo hunalio Eeya mongohi mai wuupa ode watotia?”

ILOOWALI 24:10

Wato boito malohama unta mopulu wau balangi hidala-dalaala u ohalaga miliki li tuanilio wau lomonggato ode kota tambati pilo tibiluloa̒ lei Nahor tou̒ tio donggo tumu-tumulo; dudutuulio to tilayo lo Mesopotamia.

ILOOWALI 24:2

Tou̒ dulahee tuwau malo loi̒ya tei Abraham ode watolio tamohuhula daa̒, tahe mongulusi totoonulalo halataalio, “Podutua mai uluu̒mu towolota lo bungolopau̒.

ILOOWALI 39:4

Tei Potipar sanangi olei Yusu wau lomintaa̒a olio lowali tamoomayawa duo̒lo batangalio; lapatao̒ yilohialio tuugasi tei Yusu helo ngulusi ngaalaa̒lio wau ngoa̒amila hakuulio.

ILOOWALI 39:9

Tewe kawasa laatia tutuuwauwa udaa̒alio wolo kawasaalio. Diaaluo penu boli tuwau mao̒ u diila pilo malacayaalio mai to olaatia ngopohia li Nyonya. Diila pongalo aakali watia mohutu huhutu u moleeto boito wau mowali odusa to Allahu Taa̒ala?”

BOHULO MONGO OLONGIA 15:27

Tei Baesa, walae̒e Ahia, lonto suku Isakhar helo woombowa loluwali olei Nadab, lapatao̒ lomate olio yila-yilateelo mao̒. Tou̒ boito tei Nadab wolo pasuukanilio donggo hemomala kota Gibeon tomadala Pilistin.

BOHULO MONGO OLONGIA 16:10

Lapatao̒ tei Jimri tilumuwotao̒ wau malomate olei Ela, yila-yilateelo mao̒ lapatao̒ lowali olongia lobuulota wolei Ela. Uito lotoduo totaunu odulo pulaa pitu pamalenta lo Olongia Asa to Yehuda.

BOHULO MONGO OLONGIA 16:8

To taunu odulo pulaa wolomo pamalenta li Olongia Asa to Yehuda, tei Ela walae̒e Baesa lowali olongia to Isirai̒lu. Tio helo malenta to Tirja dulo taunu mola hiheolio.

BOHULO MONGO OLONGIA 18:3

Sababu uito tei Ahab lotianga olei Obaja u mai lotaalua. (Tei Obaja yito tau̒wa lobele lou̒ ngaalaa̒ lo bele biluloa̒ saaha li olongia. Tio ngotaalio lotaa tio̒otutua hemo ibaadati to Eeya.

BOHULO MONGO OLONGIA 20:12

Totameto lei Ahab boito pilopo tunggulio odelei Benhadad tou̒ tio pee̒-pee̒enta wolo mongo olongia wewo tamalowali waitio tou̒ donggo hipongiluma to kema limongolio. Loo̒dungohe uito tei Benhadad malo malentao̒ mongo polowilalio u motidapa-dapato molohu kota Samaria. Yi timongolio olo malo tidapa-dapato.

BOHULO MONGO OLONGIA 20:16

Polotuuhua boito tilumulalio dulahu tou̒ tei Benhadad wau otolo pulaa duulota olongia talowali waitio boito donggo hipongiluma tunggula hiluwoa̒ todelomo kema limongolio.

OLUO MONGO OLONGIA 15:10

Tei Salum walae̒e Yabesh helo woomboa loluwali oli Olongia Jakaria, wau lomate yila-yilateelo mao̒ olio to Yibleam, lapatao̒ lowali olongia lobuulota wolio.

OLUO MONGO OLONGIA 15:25

Tala ngota lomongo polowilalio, deu̒yito-yito tei Pekah walae̒e Remalya, helo woomboa wolo talimo lopulu lota lonto Gilead. Lapatao̒ todelomo biintengi tuwau tobele biluloa̒ saaha li olongia to Samaria timongolio helomate olei Pekahya yila-yilateelo mao̒ wolo taduulota wewolio tai̒lunte Argob wau Arye. Lapatao̒ tei Pekah lowali olongia lobuulota wolei Pekahya.

OLUO MONGO OLONGIA 15:30

To taunu odulo pulu pamalenta li Olongia Yotam walae̒e Ujia to Yehuda, tei Hosea walae̒e Ela helo woomboa loluwali oli Olongia Pekah wau lomate yila-yilateelo mao̒ olio, lapatao̒ lowali olongia lobuulota wolio.

OLUO MONGO OLONGIA 9:14

Odi-odieelo mola tei Yehu helo woomboa loluwali oli Olongia Yoram tatou̒ boito woluo to Yijreel. Tei Yoram odito mola lei̒raawati palilio u lotapulio todelomo popaatea to Ramot helo luwali olei Hajael olongia lo Siria. Tei Yehu loloi̒ya mao̒ ode mongo tamaniilio mongo eyaanggu, “Wonu timongoli akolo watia mowali olongia, dahailo alihu diaaluo penu boli ngotaa mao̒ talumuala monto Ramot mola mopoo̒taa totau-tauwala to Yijreel.”

POHUMAYA 31:4

Eelai mao̒, Lemuel! Mongilu angguru wau otaagia lo minumani motoheto, diila paatuti duo̒lo tamoo-ngawasa.

YEREMIA 51:57

Wau̒ maa mopohuwoa̒ao̒ tahidihuma pantungo pamalenta lo Babel – tahi tootawa, tau̒wa wau suludadu. Timongolio diilalo mopobongu bongu mai, meituluhu u ohiheo-hiheolo mao̒. Wau̒ malo tahuda mai; Wau̒ olongia, Wau̒ Eeya Taa Laba-labaalo kawasa.

DANIALI 5:30

Tou̒ hui boi-boitolo tei Belsaasar olongia lo Babel boito ilopatealio yila-yilateelo mao̒.

NAHUM 1:10

Yio̒ matumbilalo debo odelo laato u mohengu debo odelo diu̒to oduhi kakaaita.

LUKASI 21:34

“Poo̒dahawa batangamu, diila bolo timongoli mopusingi daa̒ wolo popoo-tihungguwalo wau mimii-numaniyalo u moo̒huwoo̒, meaalo mailaba momikiilangi susuu-aliyaala lo tutumulumu, tilinggula timongoli diila dapadapato tou̒ dulahee boito tumahuo̒lo mola lumenetai.