BOHULO MONGO OLONGIA 16:2 - KITABI HABARI MOPIOHE

² ‘Muloololio mai yio̒ diila wolo-wolo, bo yio̒ mapiluduu̒-U̒ lowali tau̒wa to umati-U̒ Isirai̒lu. Botia yio̒ ilodusa debo odelo tei Yerobeam wau heloo̒ sababu umati-U̒ Isirai̒lu ilodusa olo, tilinggula lopotoodei omulukaa-U̒.

BOHULO MONGO OLONGIA 16:2 ပူးပေါင်းရင်းမြစ်များ

BOHULO MONGO OLONGIA 14:16

Eeya mamololaa mao̒ Isirai̒lu sababu tei Yerobeam mailodusa wau heloo̒ sababu olo taulo Isirai̒lu ilodusa.”

BOHULO MONGO OLONGIA 14:7

Pohualingolo wau polelea mao̒ odelei Yerobeam deu̒ odie mola u pilotahuda mai lo Eeya Allahu Taa̒ala lo Isirai̒lu, ‘Yio̒ matilulaotu-U̒ towolota ulipu wau pilowali-U̒ tao̒kawasa to umati-U̒ Isirai̒lu.

BOHULO MONGO OLONGIA 15:26

Debo odelo tiyamolio tahe lomalenta tou̒ dipo-dipolulio mai, tio olo helohutu u moleeto to bibilohu Eeya tilinggula loo̒sababu taulo Isirai̒lu helohutu dusa.

BOHULO MONGO OLONGIA 15:34

Tutuuwauwa debo odelo ti Olongia Yerobeam tahelo malenta tou̒ dipo-dipolulio mai, ti Olongia Baesa olo ilodusa to Eeya wau heloo̒ sababu taulo Isirai̒lu olo lohutu dusa.

PILOTIMUA̒TA 32:21

Tio loloi̒ya mao̒ odelei Haruna, “Wolo u mapilohutu limongolio olemu tilinggula pilolulimu mao̒ timongolio ilodusa daa̒?”

YEREMIA 7:18

Tau̒kekeei̒ helo himoa̒a ayu podiio̒, mongo lolai̒ helo polei̒ita tulu, wau mongobua helongulau boli helongaahe u pohutu kuukisi ode dewi u hetanggula limongolio Olongia Taabua lo Sologa. Wau u lopoo̒ ngongota hilaa-U̒, timongolio olo helo podewo taluhu lo angguru ode ila-ila wewo.

MATIUSI 5:19

Masababu uito, titaalo tita tamo lambanga tala tuwau lo papaa-lentaalo boito, penu boli pulito ukikiio̒ wau mongaajali mao̒ taawewo mohutu olo u odito, mamowali tapulito ukikiio̒ towolota umati lo Allahu Taa̒ala. Bolii̒o mao̒, titaalo tita tamoponao̒ papaa-lentaalo boito wau mongaajali taawewo mohutu u odito olo, mamowali udaa̒ towolota umati lo Allahu Taa̒ala.

LUKASI 1:52

Mongo olongia yilaa-Hio lonto tambati huhuloa̒ li olongia wau taahina pilopolaio̒.

BOHULO SEMUEL 2:24

Diilalo mao̒ pohutu odito, walau̒uu̒. Otutu moleeta daa̒ wolo u hebisalaa umati lo Eeya tomimbihu olimongoli!

BOHULO SEMUEL 2:8

Monto dutolo bilinta-I̒o taa diila ohalata, monto polodutolo bilebasia-Lio taa u hina. Timongolio pilopowali sahaabati lo lotahi bangusawa, wau yilohiyalio huhuloa̒ u huru-hurumati. Wapidu huta Eeyaalo tao̒ huu̒wo, toitaatio bilongu-Lio dunia.

BOHULO SEMUEL 26:19

Baginda, dungohilo mai tuboo lowatotia botie. Wonu humaya Eeya talo poa̒hu mai oli Baginda alihu u moluwali olo watotia, yi tuwaulio lou̒ mopodewo bake mamowali moo̒oleo̒ omuluka lo Eeya olo watotia. Bo wonu humaya talo poa̒hu mai oli Baginda boito yito manusia, pohileaala dua̒ timongolio laa̒anatia mai lo Eeya! Sababu akiibati lohuhutu limongolio boitolo, watotia mapilo lontulio lonto huta miliki lo Eeya wau bolo pakusa musi monao̒ ode lipu wewo tou̒toonu watotia musi moi̒baadati to dedee-waalo deli.