BOHULO MONGO OLONGIA 15:22 - KITABI HABARI MOPIOHE

²² Lapatao̒ uito, ngoa̒amila tau to ngoilanggubu Yehuda diaaluo penu boli ngotaa mao̒ tadiila pilalenta li Olongia Asa u lomintaa̒ botu wau ayu u pilomake lei Baesa to Rama helopoo̒ toheetao̒ kota boito. Babaa-langiyala boito hepilomake lei Asa ulopoo̒ toheetao̒ kota Mispa wau Geba, kota tuwau tomadala Benyamin.

BOHULO MONGO OLONGIA 15:22 ပူးပေါင်းရင်းမြစ်များ

BOHULO MONGO OLONGIA 15:17

Tei Baesa heloluhu Yehuda wau lopo toheetao̒ kota Rama u loheu̒tao̒ dalalo u potuwotalo wau poluwalalo ode Yehuda.

OLUO MONGO OLONGIA 23:8

Ngoa̒amila iimamu tahi biluloa̒wa to kokoo-tawaalo Yehuda hepilei̒ nao̒wa mai lei Yosia ode Yerusalemu, tulusi penu boli to utoonulalo mao̒ to ngoilanggubu lipu lo Yehuda tio helo ponajisi memees-bawaalo dewa tou̒toonu mongo iimamu boito malo podewo bake. Mongo iimamu boito diila yilohilio helohutu ibaadati todelomo Bele lo Eeya. Bo, timongolio mowali molamelao̒ roti diila oragi upilopo dapato ode mongo tamani limongolio. Memees-bawaalo upilopo tolomudu ode polubowalo todewa totili lo Hulubangi Yosua, uhuuhuhu lokota boito, heiloohubio. Hulubangi boito dudutuulio to ambahu oloihi lo Hulubangi Tau̒wa todalalo tumuwota ode kota.

OLUO TAWARI 16:6

Lapatao̒ ti Olongia Asa helo tiangai lotia̒mbu totau-tauwala lonto ngoilanggubu Yehuda helo mintaa̒a botu wau ayu u pilomake lei Baesa to Rama u lopoo̒toheta kota boito. Babaa-langiyalo boito pilomake lei Asa helo poo̒toheto̒ kota Geba wau Mispa.

YEREMIA 40:10

Potitolaalo to kokoo-tawaalo u kahandakio limongoli, wau toduwolo mohimoo̒olo boli molahuulo angguru, huhuu-ngowaalo wau winulo jaitun. Watia lohihilao mamotitola to Mispa wau motolo waakili ulipu wonubolo tau-tauwalo Babel monao̒ mai odia.”

YEREMIA 40:6

Watia lonao̒ mola odelei Gedalya to Mispa, wau lotibiluloa̒ wolio to huungo ulipu tatilolaa mao̒ tolipu lo Yehuda.

YEREMIA 41:9

Ali boito yito ali damango u pilohutu li Olongia Asa tou̒ tio tiluhu lei Baesa olongia lo Isirai̒lu.

JAKARIA 14:10

Ngoilanggubu lipu monto Geba totilayo demola Rimon to huliaalio, mamowali datahu. Bo Yerusalemu mabihe-biheela molanggato, lebe molanggato wolo huta topalitio; kota boito mamolauasi monto Huhebu Hulubangi Benyamin tunggula ode Huhebu Hulubangi Tutulio, deu̒yito-yito tambati hulubangi Bohulio wau monto Monala Hananel tunggula ode tambati pomitodelo angguru miliki li olongia.

BOHULO SEMUEL 7:5

Lapatao̒ uito malo loi̒ya tei Semuel, “Ambuwa mao̒ ngoa̒amila bangusa lo Isirai̒lu to Mispa, yi wau̒ mamodua̒ mola to Eeya odeli mongoli.”