BOHULO MONGO OLONGIA 15:20 - KITABI HABARI MOPIOHE

²⁰ Tei Benhadad akolo wolo hihiile boito lapatao̒ helo poa̒hu mongo polowilalio wolo pasuukani limongolio u loluhu kokoo-tawaalo Isirai̒lu. Timongolio lopoo̒laaheo̒ Iyon, Dan, Abel-Bet-Maakha wau Kinerot membideo̒ bulalo Galilea wau ngoilanggubu madala Naputali.

BOHULO MONGO OLONGIA 15:20 ပူးပေါင်းရင်းမြစ်များ

OLUO MONGO OLONGIA 15:29

To maasa pamalenta lei Pekah, tei Tiglat-Pileser olongia lo Asyur helohama kota Iyon, Abel-Bet-Maakha, Yanoah, Kedes, Hajor, madala Gilead, Galilea wau Naputali. Ulipulio hebilintai̒o olo odelo tawalo ode Asyur.

MONGO HAKIMU 18:29

Tanggulo kota boito bilolio̒ limongolio lowali Dan, lodudua̒ao̒ tanggulo tiyamo loluuhuru limongolio, deu̒yito-yito tei Dan walae̒e Yako.

YOSUA 11:2

ode mongo olongia to hihui̒-hui̒dea ambahu tilayo, to Lumbaya Yordan ambahu huliaalio lo Galilea, tomadala lobungo hihui̒-hui̒dea, wau tomadala biihio lopentadu membideo̒ lo Dor.

BOHULO MONGO OLONGIA 12:29

Lapatao̒ tei Yerobeam lopo tambati mao̒ tuwau lonto sapi hulawa boito to Betel wau uwewolio to Dan.

YOSUA 12:3

wau olo hamahama madala lo Lumbaya Yordan to ambahu tiimuru, lonto Bulalo Galilea ode mantahu huliaalio demola Bet-Yesimot (to ambahu tiimuru Lau Mati), tulusi ode bungo lo Hui̒dee Pisga.

ILOOWALI 14:14

Tou̒ tei Abram loo̒dungohe deu̒ pou̒walaa̒lio tilawaalio, mailimoi̒o ngoa̒amila taa todelomo kemalio, deu̒yito-yito tamotota mopaatea ngodaata tolo hetuto mopulaa walulota, tulusi lohilapita olongia wopatota boito demola kota Dan.

BOHULO MONGO OLONGIA 20:1

Tou̒ dulahee tuwau tei Benhadad, olongia lo Siria, helo ngaambu ngoa̒amila suludadulio, wau wolo tolo pulaa duulota olongia wewo wolo kaleta lo popaatea, wau wadala limongolio, tio helomala wau loluhu kota Samaria.

BOHULO MONGO OLONGIA 20:34

Lapatao̒ ualei Benhadad olio, “Watia mamopo walingai odeli Tuani kokoo-tawaalo u mahilama liyamo lowatia lonto oliyamo li Tuani. Ti Tuani olo mowali momongu mao̒ wibui̒o lo daahangi tokota Damusiki debo odelo u pilohutu liyamo lowatia to Samaria.” Ualei Ahab, “Dutadutaa̒ todanti li Tuani boito, watia mamo lopata oli Tuani.” Lapatao̒ uito tei Ahab malohutu daantia wolei Benhadad tulusi lolopata olio.

YOSUA 19:39

Kokoo-tawaalo wolo kakaa-mbungulio boito woluo todelomo madala uilohi ode ngangaa-laa̒awaalo todelomo suku Naputali u lowali huta miliki limongolio.