BOHULO MONGO OLONGIA 14:11 - KITABI HABARI MOPIOHE

¹¹ Pongawaa̒ lo ngaalaa̒mu tamaate tokota maa̒alo lo apula, wau tamaate to bulemengo kota maa̒alo lobulungi. Eelai mao̒, Wau̒lo Eeya tahelo tahuda mai!’ ”

BOHULO MONGO OLONGIA 14:11 ပူးပေါင်းရင်းမြစ်များ

BOHULO MONGO OLONGIA 13:34

Huhutuulio u moleeto boito heloo̒ sababu waliilio mola tilopotala wau loa̒antulu sama-samaata.

BOHULO MONGO OLONGIA 15:29

Lolamemeto lapatio mao̒ tei Baesa lowali olongia, tio helomate yila-yilateelo mao̒ ngoilanggubu ngaalaa̒ lei Yerobeam, Lotuuu̒de lou̒ wolo u mapilo tahuda mai lo Eeya lotimbulude towato-Lio, ti Nabi Ahia lonto Silo, yi ngoilanggubu ngaalaa̒ lei Yerobeam ilopatealio yila-yilateelo mao̒, diaaluo penu boli ngotaa talo aahu.

BOHULO MONGO OLONGIA 16:3

Sababu uito Wau̒ mamopo binasa olemu wau ngaalaa̒mu tutuuwauwa debo odelo u mapilohutu-U̒ to olei Yerobeam.

BOHULO MONGO OLONGIA 16:4

Pongawaa̒ lo ngaalaa̒mu tamaate tokota maa̒alo lo apula, wau timongolio tamaate to bulemengo kota maa̒alo lobulungi.’ ”

BOHULO MONGO OLONGIA 21:19

wau potunggula mao̒ olio, deu̒ Wau̒ Eeya, lotahuda mai odie, ‘Malomate yila-yilateelo mao̒, boli lolambato! Sababu uito duhumu madilata lo apula totambati lo aa̒a-pulawaalo helo dilata duhu lei Nabot.’ ”

OLUO MONGO OLONGIA 9:9

Ngaalaa̒lio mapohutuwo-U̒ debo odelo u hepilo hutu-U̒ to ngaalaa̒ lei Yerobeam wau ngaalaa̒ lei Baesa, mongo olongia lo Isirai̒lu.

YESAYA 40:5

Yi odudaa̒ lo Eeya mapoi̒laalolo; ngoilanggubu umati lomanusia mamosakusi mao̒. Otutu, Eeya lohihilao malodanti mai!”

YESAYA 66:24

Tou̒ momonggato, timongolio mamoo̒onto milate lotau-tauwalo tamalo malakala to Olau̒. Wulodu u mongaa pate limongolio diila taamate, wau tulu u momobu olimongolio diila taamate; tuwaulio lo bibilohu u moo̒tihela hapato ode ngoa̒amila tau.” 3

YEREMIA 15:3

Wau̒, Eeya, malolantu mai deu̒ wopato hukuumani u moo̒tihela hapato mamotoduo mai ode limongolio: timongolio maamate todelomo popaatea, milate limongolio madedeo̒ lo apula, aalo lo bulungi wau poo̒pulito lo binatangi mongantau.

YEREMIA 34:20

Wau̒ mamohudu olimongoli ode musu tao̒hilaa momate olimongoli mate-mateelo mao̒. Milatemu maa̒alo lo bulungi wau binatangi mongantau.

YIA̒APO 23:19

Allahu Taa̒ala diila debo odelo manusia u gambangi molee̒ wau ohilaa mohimbulo. Wonu Allahu Taa̒ala modanti mai tantu eelaa-Lio! Wonu Tio motahuda mai, tantu mamotoduo!