BOHULO MONGO OLONGIA 13:6 - KITABI HABARI MOPIOHE

⁶ Lapatao̒ malo loi̒ya ti Olongia Yerobeam odeli nabi boito, “Tulungia mao̒ modua̒ mola ode Eeya Allahu Taa̒alaamu ode olau̒. Pohilea mola ponu-Lio u mopoo̒luli mai polotodu lo uluu̒uu̒!” Ti Nabi boito olo lodua̒ mola ode Eeya, lapatao̒ maloluli polotodu lo uluu̒ li olongia.

BOHULO MONGO OLONGIA 13:6 ပူးပေါင်းရင်းမြစ်များ

BOHULO MONGO OLONGIA 13:5

Mesba boito debolo lolohubu lomola wau wahu toitaatio lotuwata mola ode huta, debo odelo u mailoi̒ya li nabi boito to palenta mai lo Eeya.

JABURU 119:58

Wolo lealeaatu lohilao watia momolohone ponu lo Eeya, ponualo mai watia motuuu̒de wolo danti lo Eeya.

PILOTIMUA̒TA 10:17

Ambungua mai dusaau̒ u pee̒enta botie, wau podua̒alo mola ode Eeya Allahu Taa̒ala limongoli, alihu Tio momintaa̒ao̒ monto olau̒ hukuumani umoo̒pate botie.”

PILOTIMUA̒TA 12:32

Delowalo mota ngoa̒amila sapi, himba, wau batademu, wau ponao̒lo! Pohilea mola olo balakati ode olau̒!”

PILOTIMUA̒TA 8:28

Uali olongia, “Mopiohulo, maluasiya-U̒ mai timongoli monao̒ ode huta udatahu wau luasi udelita mopodewo bake ode Eeya, Allahu Taa̒ala limongoli, asali timongoli diila monao̒ molamingo. Eelai dua̒ailo mai wau̒!”

PILOTIMUA̒TA 8:4

Tutuu-mbiheyalo boito matumayango wau momia̒to olemu, ngoa̒amila tahidihuma pantungo lipu wau ulipu.’ ”

PILOTIMUA̒TA 8:8

Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

PILOTIMUA̒TA 9:28

Podua̒alo mola ode Eeya; malo eenggade dudutolo lami kalana bulonggodu wau didi esi botie. Wau̒ mamo poluli mao̒ olimongoli monao̒. Timongoli diilalo potibiluloa̒ tewe.”

YEREMIA 37:3

Ti Olongia Jedekia lolao olei Yukhal walae̒e Selemya, wau ti Iimamu Jepanya walae̒e Maa̒seya mai lohile alihu watia modua̒ mola ode Eeya Allahu Taa̒ala duo̒lo polohuna daa̒ ode bangusa.

JAKARIA 7:2

Ulipu lo Betel malolao olei Sarejer wau Regem-Melekh boli tau limongolio ode Bele lo Eeya Taa Laba-labaalo kawasa u momolohone balakati-Lio.

YIA̒APO 12:13

Yi malo ngiibode mola tei Musa ode Eeya, “Yaa Eeya, watotia momolohone, ambunguolo poo̒lulia mai tio!”

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

MATIUSI 5:44

Bo botia potahuda-U̒ mai olimongoli: tolia̒nga mao̒ mongo satulumu, wau dua̒i mola tau-tauwalo tahipo ngalinayawa olimongoli,

LUKASI 23:34

Tulusi ti Isa malodua̒, “Paapa, ambunguwalo mai timongolio! Diila otaawa limongolio wolo upilohutu limongolio.”

WUNGGULI LOMONGO RASULU 7:60

Tulusi tio loti bonggohuu̒lo mola wau lomotaalo tingalahu, “Eeya, diila mao̒ pobantawa mai dusa botie olimongolio!” Tou̒ yilapato loloi̒ya mao̒ odito tio yilate.

WUNGGULI LOMONGO RASULU 8:24

Lapatao̒ tei Simon loloi̒ya mao̒ odelei Petrus wolei Yahya, “Tulungia mai u mohile mola ode Eeya alihu diaaluo penu boli tuwau mao̒ u heloi̒ya lomongo wutato boito motoduo mai olaatia.”

ROMA 12:14

Pohilea mola to Allahu Taa̒ala alihu Allahu Taa̒ala mobalakati mai tau-tauwalo tahi palangia to olemu. Ooo̒, pohilea mola to Allahu Taa̒ala mobalakati mai olimongolio, diila mao̒ polaa̒nati.

ROMA 12:21

Diila mao̒ polulia batangamu olaahe lou̒ moleeto, bo Wutato mamusi mopo olaaheo̒ u moleeto wolo umopiohe.

WAHI 3:9

Poo̒toloma mao̒ utie: Tau-tauwalo talowali umati lo Ibilisi boito, mohimbuloa, tahi pongakua batangalio Yahudi lebe-lebe pomao̒ diila, mapo hutuwo-U̒ tilinggula timongolio mai mosujudu totalumu. Wau mao̒taawa mao̒ limongolio deu̒ Wau̒ momonu olemu.

BOHULO SEMUEL 12:19

Lapatao̒ malo loi̒ya timongolio odelei Semuel, “Tulungia mai, Paaa̒, podua̒alo mola duo̒lo olamiaatia botie ode Eeya Allahu Taa̒ala li Paaa̒, alihu amiaatia diila tamate. Botia amiaatia malongalati deu̒ ngopohia dusa lamiaatia omoo̒omolu, amiaatia maluli ilodusa sababu helohile olongia ngota.”

BOHULO SEMUEL 12:23

Tomimbihu batangau̒, pohileaala dua̒ wau̒ diila bolo odusa to Eeya sababu diila helodua̒ mao̒ olimongoli. Bolii̒o mao̒ wau̒ olo madebo mopoo̒latao̒ olimongoli susuu-aliyaalo u mopiohe wau u otutu.