BOHULO MONGO OLONGIA 13:3 - KITABI HABARI MOPIOHE

³ Uali nabi boito wumbutio mola, “Mesba botie mamo lohubu, wau wahu u toitaatio mamo bangguwata mola. Ui-uitolo bukutiilio deu̒ watia ilahula mai lo Eeya.”

BOHULO MONGO OLONGIA 13:3 ပူးပေါင်းရင်းမြစ်များ

BOHULO MONGO OLONGIA 13:4

Tou̒ tei Yerobeam loo̒dungohe tataa-heyaalo boito, yi tio lolunu toli nabi boito lapatao̒ malo nguatio̒, “Wau̒pa tau boito!” Bo polotodu lei Yerobeam hua̒a lowali lobualodu tilinggula tio diilalo loo̒ bantanga uluu̒lio poli.

OLUO MONGO OLONGIA 20:8

Ti Olongia Hiskia lohintu mao̒, “Wolo tuotio deu̒ Eeya mamo poo̒luli mai olau̒ wau deu̒ ngoonu mola wau̒ mamowali monao̒ mota ode Bele lo Eeya poli?”

PILOTIMUA̒TA 4:1

Lapatao̒ tei Musa lolametao̒ ode Eeya, “Bo woloolo mola wonu humaya tau-tauwalo Isirai̒lu diila mohuto palacaya wau diila mohuto momandungi loi̒ya lo watotia? Wolo u musi pohutuo lo watotia wonu humaya timongolio moloi̒ya mai deu̒ Eeya diila lopo bilohei lobatanga ode watotia?”

PILOTIMUA̒TA 7:10

Yi malonao̒lo tei Musa wolei Haruna mola lotaalua woli olongia wau timongolio helohutu mao̒ wolo upilo malenta lo Allahu Taa̒ala. Tei Haruna lopo mahula mola tunggudio ode huta totalu li olongia wau mongo poweelio, lapatao̒ tunggudu boito lobolio̒ lowali tulidu.

YEREMIA 44:29

Wau̒ mamopo dungga mai topotala ode yitaati mongoli to tambati botie u mopobiloheo̒ olimongoli deu̒ hukuumani u pilatuju-U̒ ode limongoli, tio̒otutua mamotoduo mai.

YAHYA 2:18

Tahidihima kawasa lo Yahudi helo tehengi li Isa, uali mongolio, “Nte pohutua mai u moo̒linggolabe odelo tuoto olami deu̒ yio̒ ohaku mohutu mao̒ debo odelo utie.”

1 KORINTUS 1:22

Taulo Yahudi hipohilea lou̒ moo̒ohuu̒ u moo̒linggolabu odelo bukuti, wau taulo Yunani hemo pou̒daa̒ tinepo lodunia botie.

MONGO HAKIMU 6:17

Tametao̒ lei Gideon, “Wonu watotia otu-otutuulo mao̒ aahudu lo Eeya, ambunguolo ntali wohia mai tuota tuwau deu̒ memangi Eeyaalo talongohi mai palenta boito ode watotia.

BOHULO SEMUEL 2:34

Odelo bukuti deu̒ ngoa̒amila u pilotahuda-U̒ mai boito otutu mamotoduo, yi walau̒mu duulota boito, tei Hopni wolei Pinehas maamate todelomo u ngohui mola.