BOHULO MONGO OLONGIA 13:2 - KITABI HABARI MOPIOHE

² To palenta lo Eeya malo ngiibodu nabi boito tomesba boito, “Wuu mesba, wuu mesba! Odi-odieelo mola tahuda mai lo Eeya, ‘Ngotaalio lowalao̒ tai̒lunte Yosia mapo tutuolio mai todelomo ngaalaa̒ lei Dauda. Toitaatomu, wuu mesba, tio mamomate-mateelo mao̒ mongo iimamu tahi otuugasi to tata-mbatiyalo ibaadati todewa, wau tamale podewo olo bake toitaatomu. Wau toitaatomu olo tio mamo lumbila tutuu-lalowaalo manusia.’ ”

BOHULO MONGO OLONGIA 13:2 ပူးပေါင်းရင်းမြစ်များ

BOHULO MONGO OLONGIA 13:32

Wolo umai loi̒yaalio to palenta mai lo Eeya ode mesba to Betel boito wau ode ngoa̒amila tambati lo ibaadati to kokoo-tawaalo Samaria tantu mamotodua mai.”

OLUO TAWARI 34:1

Tei Yosia o umulu walu lotaunu tou̒ lowali olongia lo Yehuda, wau tio helo malenta to Yerusalemu tolo pulaa tuwau lotaunu mola hiheolio.

OLUO TAWARI 34:3

Lapatao̒ walu lotaunu mola lowali olongia, to umulu humula daa̒, tei Yosia lolumula loi̒baadati to Allahu Taa̒ala tahe tuboo li Olongia Dauda loluuhurulio. Wopato taunu mola lapatio mao̒ tio helo ngantulu tambati polubowalo balaahala, bubuu-iyaalo Dewi Asyera, wau babaa-laahalaalo wewolio.

YESAYA 1:2

Podungohulo wuu hulungo, poo̒tuotalo wuu dunia! Eeya lotahuda, “Tau̒kekeei̒ tamaa dilaaha-U̒ helo malakala to Olau̒.

YESAYA 42:9

Botia u yilamali-U̒ malowali loi̒laalo; Wau̒ ohilaa mopoo̒otai susuu-aliyaalo u bohu; tou̒ uito diipo lotoduo, mapilolele-U̒ mai olemu.”

YESAYA 46:10

Monto bohulio piloo̒taa-U̒ mai susuu-aliyaalo u momooli, tumulalo muloololio mai yilaamali-U̒ wolo mamotoduo mai. Tahuda-U̒: Putuusani-U̒ mamei ponao̒, kahandaki-U̒ tantuulo mao̒ ponao̒o-U̒!

YESAYA 58:1

Eeya lotahuda mai, “Ponguatio̒lo tio̒otutua lomao̒! Poleleaalo ode umati-U̒ duduu-sawaalo limongolio.

YEREMIA 1:2

Eeya lotahuda mai odelei Yeremia to taunu opulaa tolulio pamalenta lei Yosia walae̒e Amon olongia lo Yehuda.

YEREMIA 22:29

Wei lipuu̒, dungohilo wolo u pilotahuda mai lo Eeya,

YEHESKIEL 36:1

Eeya lotahuda mai, “Wuu manusia panaa, pobisalaalo ode huhuu-ideyaalo Isirai̒lu wau ahuliilo timongolio modungohe tahuli lo Eeya Taa Laba-Labaalo molanggato,

YEHESKIEL 38:4

Wau̒ mamopobale olio, mopohuli mao̒ kaito to walelio, wau momantanga olio ode bulemengio wolo ngoa̒amila pasuukanilio. Dadaata daa̒ pasuukanilio u owadala boito tahipakea ngotumba. Timii̒du pajule hideloa totame wau wamilo.

LUKASI 19:40

Ti Isa lolametao̒, “Pomalacayalo! Wonu timongolio motipoo̒yo, boboo-tuwaalo botie mamonguatio̒.”

TINGULI 32:1

“Dungohilo mai, wuu hulungo, wau̒ ohilaa mobisala; wuu dunia, polaalao̒ bulonga!