BOHULO MONGO OLONGIA 12:18 - KITABI HABARI MOPIOHE

¹⁸ Eleponu odito ti Olongia Rehabeam debo donggo lopoa̒hu olei Adoniram, ngotaalio lo tau̒wa tamoo-kalajawa pakusa, helo poduo̒to ulipu. Bo timongolio helomai̒ olio wolo botu tunggula yilate. Loo̒onto sua̒li boito tei Rehabeam hua̒a lotitae̒ mola ode kaletaalio, lapatao̒ lolahi ode Yerusalemu.

BOHULO MONGO OLONGIA 12:18 ပူးပေါင်းရင်းမြစ်များ

OLUO LO SAMUEL 20:24

Tau̒wa lo tahipo kalajawa lou̒ pakusa: tei Adoram. Tamoo-dihumawa doi lolipu: tei Yosapat walae̒e Ahilud.

BOHULO MONGO OLONGIA 5:14

wau lomudua̒a olei Adoniram lowali tamoo-ngimatoa olimongolio. Tei Salomo helo layadeo̒ olimongolio tolo polemboa̒, tinggai tilitangoalio lou̒ mopulu lihu lota. Otolu polemboa̒ boito tinggai tutuuloa̒ ngohula mola motibiluloa̒ to Libanon wau dulo hula mola tobele.

OLUO TAWARI 10:18

Eleponu odito ti Olongia Rehabeam debo donggo lopa̒hu olei Adoniram, ngotaalio tau̒wa lotahi pokalajawa pakusa, u lopo duo̒tao̒ ulipu. Bo timongolio helomai̒ olio wolo botu tunggula yilate. Tei Rehabeam lohihilao loo̒lahi wau hua̒a lotitae̒ mola to kaletaalio, wau tilumeteo̒ ode Yerusalemu.

OLUO TAWARI 24:21

Bo ulipu lowoomboa helo teehengi olei Jakaria, wau ti Olongia Yoas leituwoto olo todelomo woomboa boito. Tio diilalo loe̒ela mola totoonulalo huhutu u mopiohu wau otatapu wau olootolo hilao lei Yoyada, tiyamo lei Jakaria. To palentaa li olongia, tei Jakaria hepilai̒lio wolo botu tilinggula yilate to palepelo Bele lo Eeya. Tou̒ tio maamate mao̒, tio donggo loo̒ iibode mola, “Pohileaalo dua̒ Eeya moo̒onto huhutuumu botie wau molontuli mai!”

PILOTIMUA̒TA 17:4

Yi malo ngiibodulo mola tei Musa ode Eeya, ualio mao̒, “Wolo u musi pohutuo mao̒ lo watotia ode tau-tauwalo botie? Bilohilo timongolio ohilaa momai̒ lobotu olo watotia.”

AMOS 2:16

To dulahee boito pajule talaba-labaalo buheli olo mamololaa tingololio, lapatao̒ tumeteo̒. Wau̒ Eeya malo tahuda mai.”

YIA̒APO 14:10

Ngoilanggubu ulipu monganjamu mamomai̒ olimongolio wolo botu tunggula mate. Bo debolo tau-tauwala boito loo̒onto mao̒ tinelo umilato lo Eeya yilumenetai lonto yitaato Kema-Lio.

WUNGGULI LOMONGO RASULU 5:26

Yi polowila tamoo-kawalia Bele lo Eeya boito wolo tahi pokawalia olio malonao̒ mota luli lohama mai tomongo rasulu boito. Bo timongolio diila lomakusai sababu timongolio moohe totaa dadaata; tolongao̒ taa dadaata boito de momai̒ olimongolio wolo botu.