BOHULO MONGO OLONGIA 11:5 - KITABI HABARI MOPIOHE

⁵ Tei Salomo helolubo Asytoret, dewi bangusa lo Sidon, wau olo Molokh dewa umoo̒ toitupo u hetuboo bangusa lo Amon.

BOHULO MONGO OLONGIA 11:5 ပူးပေါင်းရင်းမြစ်များ

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 11:6

Odi-odieelo mola tei Salomo ilodusa to Eeya. Tei Dauda, tiyamo lei Salomo malo dudua̒ to Eeya wolo lealeaatu lohilao, bo tei Salomo diila debo odelo uito.

BOHULO MONGO OLONGIA 11:7

Toitaato hui̒dee ambahu tiimuru lo Yerusalemu, tio lopo tihulao̒ tambati polubowalo Kamos, dewa taulo Moab, wau ode Molokh, dewa taulo Amon – duduuluwolo dewa umoo̒ toitupo.

OLUO MONGO OLONGIA 23:13

Wau olo memees-bawaalo to wimbihu tiimuru lo Yerusalemu, to ambahu huliaalio lo Huludu Ololeeto hepilo najisilio. Memees-bawaalo boito hepilo tihuli Olongia Salomo u polubowalo dedeewaalo u moo̒jijio̒ – deu̒yito-yito Asytoret dewi bangusa lo Sidon, Kamos dewa bangusa lo Moab, wau Milkom dewa bangusa Amon.

YESAYA 44:19

Tamoohutua bui̒ boito malo diila lomikiilangi mola, “Ayu boito ngotayade tilumbilau̒, wau dui̒tio pilomakeu̒ u lolapo roti wau lomanggangi tapu duo̒lo ua̒alou̒. Lapatao̒ labito ayu boito pilowaliu̒ bui̒. Oditolio botia wau̒ molubo ayu ngoputu!”

IMAAMATI 18:21

Diila mao̒ tala ngota lowalau̒mu u pobakeelo todelomo pomujaalo Molokh, sababu huhutu boito mohina tanggulo Allahu Taa̒ala Eeyaamu.

JEPANYA 1:5

Wau̒ mamo poo̒pulito penu boli totoonu wambai̒o tamo botulaa mola ode watopo u molubo mato lodulahu, hulalo wau popoo-liyamaalo. Mapoo̒ pulito-U̒ olo timongolio tahe molubo ola-U̒, wau hemotadia u tatapu wolo molotolo hilao to Olau̒, bo motadia olo domi tanggulo Dewa Milkom.

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 2:11

Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’