BOHULO MONGO OLONGIA 11:34 - KITABI HABARI MOPIOHE

³⁴ Eleponu odito Wau̒ diila tamohama ngoilanggubu bele biluloa̒ saaha li olongia boito monto olio. Tio mapoluli-U̒ mao̒ okawasa ngotupa lo tutumulio. Sua̒li boito pohutuwo-U̒ domi wato-U̒ tei Dauda, tamaa tilulaotu-U̒ wau talo dungohe totoonulalo butoo̒o-U̒ wau palentaa-U̒.

BOHULO MONGO OLONGIA 11:34 ပူးပေါင်းရင်းမြစ်များ

OLUO LO SAMUEL 7:14

Wau̒ mamowali ti paapalio, wau tio mamowali walau̒u-U̒ talolai̒. Wonu bolo tio mohutu totala, tio mahukuu-maniyo-U̒ debo odelo ngotaalio lotiyamo mohukuumani walai̒o.

BOHULO MONGO OLONGIA 11:31

Lapatao̒ malo loi̒ya tio odelei Yerobeam, “Hamaawa mao̒ mopuulo pita ode batangamu, sababu Eeya, Allahu Taa̒ala lo Isirai̒lu malo tahuda mai odie olemu, ‘Wau̒ mamohama bele biluloa̒ saaha li olongia botie monto olei Salomo, wau mongohi mai mopuulo suku to olemu.

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 11:35

Yilaidia botie mahamaa-U̒ monto walao̒ talolai̒ lei Salomo wau mopuulo suku mawohi-U̒ mai olemu.

BOHULO MONGO OLONGIA 3:14

Wau wonu yio̒, debo odelo tiyamaamu Dauda, modungohe ola-U̒ wau modudua̒a butoo̒o-U̒, Wau̒ mamongohi mai olemu umulu u hayahaya.”

AYUBA 11:6

Wau pohileaala dua̒ yio̒ poo̒taa mai lo Eeya, deu̒ hikimati boito dadaata pitualio, diila opaahamua lomanusia. Yi pongalatilo yio̒ deu̒ dutolumu diila botie woloolo, wonu pandingio mola wolo hukuumani u patuti tolimoomu.

JABURU 103:10

Eeya diila mohukuumani olanto motuuu̒de wolo dusaanto, meaambo molontuli olanto motuuu̒de wolo totalanto.

JABURU 89:19

Sababu tamoo-duo̒lawa olamiaatia yito taa tilulaoto Eeya, yaa Eeya; olongia lamiaatia yito miliki lo Allahu Taa̒ala Mantali lo Isirai̒lu.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

HABAKU 3:2

Yaa Eeya, ilodungohe lowatotia pasali huhutu lo Eeya, yi laasa hikimati lopolu mai todelomo hilaa lowatotia. Hileaala dua̒ huhutu leidaa̒ boito wulia mai lo Eeya wau poilaalo mai lo Eeya tojamani lo mongowatotia botie. Wajibulio mongowatotia ponua lo Eeya eleponu Eeya hilaa mopatu.