BOHULO MONGO OLONGIA 11:31 - KITABI HABARI MOPIOHE

³¹ Lapatao̒ malo loi̒ya tio odelei Yerobeam, “Hamaawa mao̒ mopuulo pita ode batangamu, sababu Eeya, Allahu Taa̒ala lo Isirai̒lu malo tahuda mai odie olemu, ‘Wau̒ mamohama bele biluloa̒ saaha li olongia botie monto olei Salomo, wau mongohi mai mopuulo suku to olemu.

BOHULO MONGO OLONGIA 11:31 ပူးပေါင်းရင်းမြစ်များ

OLUO LO SAMUEL 19:43

Taulo Isirai̒lu lolametao̒, “Haku lami toli olongia ngotayade mopulu lebe udaa̒ mao̒ wolo haku limongoli, eleponu ti olongia yito ilaato limongoli. Yilongola bilohe limongoli gambangi ami? Diila mao̒ lipata deu̒ amilo tabohu-bohulio daa̒ helo podudulao̒ u modelo oli olongia muli mohualingo!” Bo taulo Yahudi lebe baaa̒ngiyolo wolo taulo Isirai̒lu wau diila mohuto olaahe.

BOHULO MONGO OLONGIA 12:15

Hihiile ulipu diila pilandungilio. Bo uito yito memangi kahandaki lo Eeya. Wolo upilo tahuda mai lo Eeya lotimbuludei oli Nabi Ahia lonto Silo tomimbihu olei Yerobeam walae̒e Nebat musi motoduo.

BOHULO MONGO OLONGIA 14:2

Malo loi̒ya tei Yerobeam ode dilelio, “Potidapa-dapatolo u monao̒ ode Silo ode bele li Nabi Ahia tamuloololio mai loloi̒ya deu̒ wau̒ mamowali olongia lo Isirai̒lu. Bo potihutu mao̒ debo odelo diila otaawa lotau tatoonu yio̒.

BOHULO MONGO OLONGIA 14:8

Yio̒ mailohiyaa-U̒ bele biluloa̒ saaha li olongia u hilama-U̒ lonto wali lei Dauda. Bo yio̒ diila debo odelo wato-U̒ tei Dauda. Tio tatapu wau molotolo hilao tio̒otutua to Olau̒ wau modungohe palentaa-U̒. Tio helohutu bo wolo u ilakolowa-U̒.

OLUO MONGO OLONGIA 17:21

Lapatao̒ Eeya lopobua̒ mao̒ Isirai̒lu lonto Yehuda, taulo Isirai̒lu, lomudua̒a olei Yerobeam walae̒e Nebat lowali olongia limongolio. Lapatao̒ tei Yerobeam lohutu olimongolio lololaa mao̒ to Eeya wau helohutu duduu-sawaalo u udaa̒.

OLUO TAWARI 10:15

Hihiile ulipu boito diila pilandungilio. Bo uito memangi kahandaki mai lo Eeya Allahu Taa̒ala. Wolo u pilotahuda mai lo Eeya lotimbulude toli Nabi Ahia lonto Silo tomimbihu olei Yerobeam walae̒e Nebat musi motoduo mai.

BOHULO SEMUEL 15:27

Lapatao̒ tei Semuel lopalingao̒ mamonao̒, bo tei Saul longotonga olio wau lodihu jumbalio, tilinggula jumba boito lokaidingo.

BOHULO SEMUEL 15:28

Lapatao̒ malo loi̒ya tei Semuel olio, “Todulahee botie Eeya malo ngaidinga bele biluloa̒ saaha li olongia lo Isirai̒lu lonto oli Baginda, wau lohuhudu mao̒ ode taa wewo talebe mopioheo̒ woli Baginda.