BOHULO MONGO OLONGIA 11:29 - KITABI HABARI MOPIOHE

²⁹ Tou̒ dulahee tuwau tei Yerobeam yilumualao̒ lonto Yerusalemu. To huungo dalalo tohuta datahu u luasi tio nilao̒ mai li Nabi Ahia lonto Silo utou̒ boito pakepake jumba u bohu.

BOHULO MONGO OLONGIA 11:29 ပူးပေါင်းရင်းမြစ်များ

ILOOWALI 4:8

Lapatao̒ tei Kain loloi̒ya mao̒ odelei Habel, tawali-yaliilio, “Dulo ito monao̒ ode halabolu.” Tou̒ timongolio leidungga mota teto, tei Kain loluhu wau lomate yila-yilateelo mao̒ olei Habel tawali-yaliilio.

OLUO LO SAMUEL 14:6

Watotia owalao̒ mongo lolai̒ duulota, wau tou̒ dulahee tuwau timongolio helo hahaamawa to huta datahu wau luasi. Wau sababu diaaluo taa u lomua̒a mao̒, yi ngotaalio to wolotalio ilopatealio yila-yilateelo mao̒.

BOHULO MONGO OLONGIA 11:11

Eeya lotahuda mai, “Sababu wolo lotota lou̒tau yio̒ lolambaga daantiamu wola-U̒ wau diila lodungohe totoonulalo palentaa-U̒, yi Wau̒ mamohama bele biluloa̒ saaha li olongia boito monto olemu, wau mohudu mao̒ ode ngotaalio lo pogaweemu.

BOHULO MONGO OLONGIA 12:15

Hihiile ulipu diila pilandungilio. Bo uito yito memangi kahandaki lo Eeya. Wolo upilo tahuda mai lo Eeya lotimbuludei oli Nabi Ahia lonto Silo tomimbihu olei Yerobeam walae̒e Nebat musi motoduo.

BOHULO MONGO OLONGIA 12:2

Tou̒ boito tei Yerobeam walae̒e Nebat donggo woluo to Masiri sababu lolahi lonto li Olongia Salomo. Tou̒ tio loo̒dungohe pasali lei Rehabeam, yi tio luli lohualinga ode Isirai̒lu.

BOHULO MONGO OLONGIA 14:2

Malo loi̒ya tei Yerobeam ode dilelio, “Potidapa-dapatolo u monao̒ ode Silo ode bele li Nabi Ahia tamuloololio mai loloi̒ya deu̒ wau̒ mamowali olongia lo Isirai̒lu. Bo potihutu mao̒ debo odelo diila otaawa lotau tatoonu yio̒.

BOHULO MONGO OLONGIA 14:4

Yi malonao̒ dile lei Yerobeam ode bele li Nabi Ahia to Silo. Ti Nabi boito diilalo moo̒onto sababu tio mapanggola daa̒.

OLUO TAWARI 10:15

Hihiile ulipu boito diila pilandungilio. Bo uito memangi kahandaki mai lo Eeya Allahu Taa̒ala. Wolo u pilotahuda mai lo Eeya lotimbulude toli Nabi Ahia lonto Silo tomimbihu olei Yerobeam walae̒e Nebat musi motoduo mai.

OLUO TAWARI 9:29

Hikaayati wewo tomimbihu olei Salomo monto bohulio demola pulitio matiluladu todelomo buku Riwaayati li Nabi Natan wau todelomo buku Nubuuati lei Ahia taulo Silo , wau todelomo buku Wahi li Nabi Ido, u loluangao̒ olo hikaayati pamalenta lei Yerobeam olongia lo Isirai̒lu.

YOSUA 18:1

Lapatao̒ lopo taa̒aluku mao̒ madala u pilodanti mai lo Eeya, ngoilanggubu umati lo Isirai̒lu lotia̒mbu to Silo, lapatao̒ timongolio lopohuli Kema Owoluwoa lo Eeya.