BOHULO MONGO OLONGIA 11:24 - KITABI HABARI MOPIOHE

²⁴ Ti Olongia Daud pee̒enta lopoo̒laaheo̒ olei Hadadejer botie wau helomate yila-yilatelo mao̒ mongo sahabati lei Hadadejer lonto Siria. Tou̒ boito tei Rejon lolahi lonto olei Hadadejer wau helo ngambu tau-tauwalo lapatao̒ lowali tau̒wa lo woomboa. Tio wau tahidudua̒ olio lonao̒ ode Damusiki tulusi lotibiluloa̒ tokota boito. Mola teto tahidudua̒ olio lomudua̒a olio lowali olongia lo Siria.

BOHULO MONGO OLONGIA 11:24 ပူးပေါင်းရင်းမြစ်များ

ILOOWALI 14:15

Mota teto tei Abram malo layadeo̒ taulio dengolo polemboa̒a, tulusi heloluhu musu tou̒ hui wau lopo olaaheo̒ olimongolio. Tio lohilapita olimongolio demola Hoba to ambahu tilayo kota lo Damusiki.

OLUO LO SAMUEL 10:18

Bo taulo Isirai̒lu heloluhu tilinggula suludadu lo Siria tilumouli. Tei Dauda wolo pasuukanilio loo̒pate yila-yilateelo mao̒ pitu lohetuto lota tahideloa kaleta lo popaatea, wau wopato pulu lolihu lota suludadu owadala; wewolio mao̒ leeto tei Sobakh eyaanggu suludadu lomusu pilalia daa̒ tilinggula yilate todelomo popaatea.

OLUO LO SAMUEL 10:6

Lapatao̒ taulo Amon malo ngalati deu̒ huhutu limongolio boito heloo̒ sababu olei Dauda lomuusua woli mongolio. Sababu uito timongolio malo seuwa dulo pulu lolihu lota pajule lo Siria tahi biluloa̒wa to Bet-Rehob wau Joba, wau olo mopulaa dulolihu lota pajule lonto Tob, boli olongia lipu lo Maakha wolo ngolihu lota tahidudua̒ olio.

OLUO LO SAMUEL 10:8

Taulo Amon yilumualai̒ wau helo ngaatulu baliisani limongolio totalu huhebu hulubangi lo Raba tiilo lokota limongolio, hiambola taulo Siria, taulo Tob wau Maakha helo ngaatulu baliisani limongolio tohuta datahu wau luasi.

OLUO LO SAMUEL 8:3

Wumbutio mola tei Dauda lopoo̒laaheo̒ olongia Hadadejer walae̒e Rehob tapale-palenta to Joba, deu̒yito-yito bele biluloa̒ saaha li olongia tuwau totili lo Damusiki. Tou̒ boito tei Hadadejer donggo tononao̒lio mamo ponguli okokawasaalio tomadala membideo̒ tau̒wa lo Dutulaa Eperat.

BOHULO MONGO OLONGIA 11:25

Debo odelo tei Hadad, ti Olongia Rejon olo helo muusua wolo Isirai̒lu tomaasa tutumulio lei Salomo, wau hemopo tolonggalo tolipu boito.

BOHULO MONGO OLONGIA 15:18

Sababu uito ti Olongia Asa helohama mao̒ ngoa̒amila hulawa wau talaa̒ udonggo woluo to Bele lo Eeya wau to bele biluloa̒ saaha li olongia lapatao̒ yilaolio ode Damusiki odelei Benhadad olongia lo Siria, walae̒e Tabrimon, deu̒yito-yito wombu lei Hejion. Babaa-langiyalo boito heilaolio loli dengolo lota taduduulaa̒ lobele biluloa̒ saaha li olongia; wau wolo tahuli odie,

BOHULO MONGO OLONGIA 19:15

Eeya lotahuda mai, “Pohualingolo mola ode huta datahu wau luasi udelita totili lo Damusiki! Lapatao̒ ponao̒lo ode kota wau tuwata mao̒ winulo ode yitaato lunggongo lei Hasael odelo tuoto pilomudua̒ olio lowali olongia lo Siria.

BOHULO MONGO OLONGIA 20:34

Lapatao̒ ualei Benhadad olio, “Watia mamopo walingai odeli Tuani kokoo-tawaalo u mahilama liyamo lowatia lonto oliyamo li Tuani. Ti Tuani olo mowali momongu mao̒ wibui̒o lo daahangi tokota Damusiki debo odelo u pilohutu liyamo lowatia to Samaria.” Ualei Ahab, “Dutadutaa̒ todanti li Tuani boito, watia mamo lopata oli Tuani.” Lapatao̒ uito tei Ahab malohutu daantia wolei Benhadad tulusi lolopata olio.

OLUO MONGO OLONGIA 14:28

Hikaayati wewolio tomimbihu oli Olongia Yerobeam Oluolio, tomimbihu opahaa-lawanilio todelomo popaatea wau woloolo mola tio luli lohama Damusiki wau Hamat lonto Yehuda ode Isirai̒lu, ngoa̒amilalo tiluladu todelomo buku Sojara Mongo olongia lo Isirai̒lu.

OLUO MONGO OLONGIA 8:7

Tou̒ wakutu tuwau tei Elisa lonao̒ mola ode Damusiki. Lolaahunga ti Olongia Benhadad donggo mongongoto. Tou̒ ti olongia loo̒dungohe deu̒ tei Elisa woluo to Damusiki,

WUNGGULI LOMONGO RASULU 9:2

wau malohile tulade kawasa u monao̒ ode mongo tau̒wa lo bebee-leyaalo potabiaalo taulo Yahudi to Damusiki, alihu wonu tio moo̒dungga mola teto tau-tauwalo tapalacaya li Isa, tio mamoo̒ wau̒pao̒ olimongolio wau modelo olimongolio ode Yerusalemu.