BOHULO MONGO OLONGIA 11:23 - KITABI HABARI MOPIOHE

²³ Allahu Taa̒la helohutu mao̒ olo olei Rejon, walae̒e Elyada, helo muusua wolei Salomo. Tei Rejon yito wato talolahi lonto oli tuanilio yito ti Olongia Hadadejer lonto Joba.

BOHULO MONGO OLONGIA 11:23 ပူးပေါင်းရင်းမြစ်များ

OLUO LO SAMUEL 10:8

Taulo Amon yilumualai̒ wau helo ngaatulu baliisani limongolio totalu huhebu hulubangi lo Raba tiilo lokota limongolio, hiambola taulo Siria, taulo Tob wau Maakha helo ngaatulu baliisani limongolio tohuta datahu wau luasi.

OLUO LO SAMUEL 16:11

Lapatao̒ tei Dauda luli loloi̒ya mao̒ odelei Abisai wau ode ngoa̒amila watolio, “Walau̒uu̒ pulua lohihilao hemo tolopani ohilaa momate olau̒ mate-mateelo mao̒; yilongola timongoli molinggolabu moo̒onto pii̒li lotau lei Benyamin botie? Eeyaalo talo poa̒hu mai olio lolaa̒anati olau̒; sababu uito diila mao̒ pongolawa tio wau huliilo mao̒ tio molaa̒anati olau̒.

OLUO LO SAMUEL 8:3

Wumbutio mola tei Dauda lopoo̒laaheo̒ olongia Hadadejer walae̒e Rehob tapale-palenta to Joba, deu̒yito-yito bele biluloa̒ saaha li olongia tuwau totili lo Damusiki. Tou̒ boito tei Hadadejer donggo tononao̒lio mamo ponguli okokawasaalio tomadala membideo̒ tau̒wa lo Dutulaa Eperat.

OLUO LO SAMUEL 8:5

Taulo Siria lonto Damusiki malolao suludadulio helo tulungi oli Olongia Hadadejer. Bo tei Dauda helopo olaaheo̒ olimongolio wau loo̒pate yila-yilateelo mao̒ dulo pulaa dulo lihu lota towolota limongolio.

OLUO LO SAMUEL 8:8

Wewolio leeto tei Dauda olo helohama polunggu dadaata daa̒ lonto Betah wau Berotai, kokoo-tawaalo u muloololio mai tokawasa lei Hadadejer.

BOHULO MONGO OLONGIA 11:14

Yi Eeya malohutu mao̒ olei Hadad, ngotaalio lo wali mai li Olongia Edom, helomuusua woli Olongia Salomo.

BOHULO MONGO OLONGIA 11:22

“Yilongola?” yilintu mao̒ li olongia, “Wolo yio̒ ii̒ilangi tewe, tilinggula yio̒ ohilaa mohualinga ode lipu pilohuluta loduhumu?” “Watia diila ii̒ilangi wolo-wolo,” loi̒ya mao̒ lei Hadad, “bo polulia mai watia mohualingo.” Yi malo hualingo tio ode lipu pilohuluta loduhulio.

BOHULO MONGO OLONGIA 15:18

Sababu uito ti Olongia Asa helohama mao̒ ngoa̒amila hulawa wau talaa̒ udonggo woluo to Bele lo Eeya wau to bele biluloa̒ saaha li olongia lapatao̒ yilaolio ode Damusiki odelei Benhadad olongia lo Siria, walae̒e Tabrimon, deu̒yito-yito wombu lei Hejion. Babaa-langiyalo boito heilaolio loli dengolo lota taduduulaa̒ lobele biluloa̒ saaha li olongia; wau wolo tahuli odie,

BOHULO TAWARI 19:6

Lapatao̒ ti Olongia Hanun wau tau-tauwalo Amon longalati mao̒ deu̒ huhutu limongolio boito maloo̒ sababu olei Dauda lomuusua woli mongolio. Sababu uito timongolio lolao mola tolo pulaa pato lihu lokilo talaa̒ ode madala Mesopotamia Yitaato, wau ode Maakha wau Joba to Siria mola loseuwa tolo pulaa dulo lihu kaleta lo popaatea wau suludadu owadala. Yi malonao̒ mai suludadu li olongia Maakha wolo kaleta lo popaatea hesileuwa boito wau lotikema totili lo Medeba. Taulo Amon olo lonao̒ mai lonto ngoa̒amila kota limongolio mai lopaatea.

ESRA 1:1

To bohulo taunu pamalenta lei Kores, olongia lo Persia, Eeya heloponao̒ wolo u mapilo tahuda-Lio mai lotimbulude oli Nabi Yeremia. Eeya lohuntula hilaa lei Kores u lopolualao̒ palenta tuwau u hepilobaca to ngoilanggubu yilaidialio. Tingohio odie mola:

JABURU 60:1

Duo̒lo diriheni lopolemboa̒ tamoolahua. Lodudua̒a lahu: Bunga baakungi ososakusi. Jaburu lonto olei Dauda,

YESAYA 13:17

Eeya lotahuda, “Wau̒ mamopo oliyoo̒ bangusa lo Madai u moluhu Babel. Timongolio diila mowali soloi̒yolo wolo talaa̒ wau hulawa.

YESAYA 37:26

Wolo diipo pee̒enta yio̒ loo̒dungohe deu̒ ngoa̒amilalo boito mailanjana-U̒, anggadu muloololio mai? Wau botia Wau̒ loponao̒ mao̒. Wau̒ulo talongohi mai olemu kawasa u longantulu kokoo-tawaalo obiintengi lowali tutuuodeelo.

YESAYA 45:5

Wau̒ulo Eeya, diaaluo wewolio, Wau̒ Allahu Taa̒ala Taa Laba-labaalo tuwau. Yio̒ mailohiya-U̒ tingolo, eleponu yio̒ diila moo̒onuhe ola-U̒.

YEHESKIEL 38:16

Lapatao̒ tiluhumu umati-U̒ Isirai̒lu debo odelo dutaalo lolemba mai dunia. Wonu wakutuulio meidungga, yio̒ malaolo-U̒ u motibiluloa̒ hutaa-U̒. Wolo huhutuu-U̒ motimbuludei olemu, wuu Gog, babaa-ngusawalo mamotota mao̒ totoonu Wau̒, deu̒yito-yito Allahu Taa̒ala tamantali.