BOHULO MONGO OLONGIA 11:2 - KITABI HABARI MOPIOHE

² Eeya malo malentai deu̒ taulo Isirai̒lu diila mowali monika mou̒ulaua wolo babaa-ngusawalo boito, sababu timongolio de mamoo̒ sababu taulo Isirai̒lu molubo ila-ila wewo. Eleponu odito, tei Salomo helonika olo wolo mongobua deli.

BOHULO MONGO OLONGIA 11:2 ပူးပေါင်းရင်းမြစ်များ

ILOOWALI 2:24

Uitolo sababulio talolai̒ mololaa mao̒ tiyamo wau tiilolio, wau motituwau wolo dilelio, tulusi duduulota mowali tuwau.

ILOOWALI 34:3

Bo tio ohilaa daa̒ toli Dina, tilinggula lodehu hilaalio to olio, wau helo tolopani mao̒ alihu tadulahu boito motohilaa olio olo.

BOHULO MONGO OLONGIA 11:9

Mapoo̒oluo Eeya, Allahu Taa̒ala lo Isirai̒lu, lopo bilohei batanga odelei Salomo wau helo poe̒elao̒ olio deu̒ tio diila mowali molubo ila-ila wewo, bo tei Salomo diila lodungohe to Eeya. Tio tumbao̒ lololaa to Eeya, tilinggula Eeya malo muluka to olio.

OLUO TAWARI 19:2

ngotaalio lo nabi tai̒lunte Yehu walae̒e Hanan mai lotaalua woli olongia. Uali nabi boito olio, “Tingga paatuti ti Baginda momantu taa moleeto wau motiwambao̒ totaa u molonuo̒ to Eeya? Huhutu li Baginda boito moo̒sababu to Eeya momuluka mai toli Baginda.

OLUO TAWARI 21:6

Tio heloo̒ dudua̒ dudelo tutumuli Olongia Ahab wau mongo olongia lo Isirai̒lu wewolio, sababu tio lonika wolo ngotaalio lowalao̒ taabua lei Ahab. Tio ilodusa to Eeya,

ESRA 9:12

Mongo nabi boito helodini to mongowatotia monika uu̒ulauwa wolo tau-tauwala boito, meaambo momantu olimongolio mowali maa̒amulu wau moa̒ahu. Wonu mongowatotia modungohe, mongowatotia molotola mola wau moo̒ lamitao̒ tilapulo huta boito wau mopowaarisi mola towali mai lo mongowatotia dilumutu ohiheo-hiheolo mao̒.

JABURU 139:21

Yaa Eeya, yilonuo̒ watotia taa u hemolonuo̒ to Eeya, hilaa lowatotia lolee̒ totaa u hemoluwali to Eeya!

PILOTIMUA̒TA 23:31

Sisii-patiyala lo lipumu tantuwo-U̒ mao̒ monto Wulungo lo Akaba demola dutulaa Eperat, wau monto Lau Tenga demola huta udatahu wau luasi udelita. Timongoli wohiya-U̒ mai kawasa to tuango lipu boito, tilinggula timongolio mowali polontulo limongoli tou̒ timongoli momaju mohama huta boito.

PILOTIMUA̒TA 34:12

Diila mao̒ podaantia wolo tau-tauwala tolipu unao̒o mola limongoli, sababu sua̒li boito bo mowali hentobu umoo̒ sababu mautu olemu.

PILOTIMUA̒TA 34:16

Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

MALEAKHI 2:11

Umati lo Yehuda malo lambanga daantia lo Allahu Taa̒ala woli mongolio wau helohutu susuu-aliyaalo u moo̒tihela hapato to Yerusalemu wau to ngoilanggubu lipu. Timongolio malo pokootolo Bele lo Eeya u otolia̒ngio wau lonika wolo mongobua tahi polubowa dedeewaalo bangusa wewo.

ROMA 1:32

Otaawa limongolio, deu̒ modudua̒ butoo̒ lo Allahu Taa̒ala, taa mohutu mao̒ ngoa̒amilalo boito paatuti hukuu-maniyola mate. Penu boli odito timongolio helohutu olo susuu-aliyaalo boito; wau tumbao̒ akoro olo taa wewo hipohutua u odito.

ROMA 12:9

Potolia̒ngao̒ wolo ihilasi. Lonui̒ mao̒ u moleeto, wau potidihulo tou̒ wolo u mopiohe.

1 KORINTUS 15:33

Diila bolo o wimbuloalio! Oa̒awota u mobulilo mopolusa pii̒li u mopiohe.

WAHI 2:4

Bo utie kabalatani-U̒ to olemu; Timongoli diilalo motolia̒nga ola-U̒ debo odelo u bohulio mai.