BOHULO MONGO OLONGIA 11:18 - KITABI HABARI MOPIOHE

¹⁸ Timongolio lomonggato lonto Midian, lapatao̒ lonao̒ ode Paran. Mola teto dengolo lota tawewolio helo panggala woli mongolio, lapatao̒ pee̒-pee̒enta lonao̒ ode Masiri mola lodunggaya woli olongia lo Masiri. Ti Olongia boito longohi mao̒ odelei Hadad bele wau huta u tambati poti biluloa̒lio wau pohumbuto tutumulo.

BOHULO MONGO OLONGIA 11:18 ပူးပေါင်းရင်းမြစ်များ

ILOOWALI 14:6

wau taulo Hor to hihui̒-hui̒dee lo Edom, tulusi lohilapita olimongolio ngoilaminga El-Paran totili lohuta datahu wau luasi udelita.

ILOOWALI 21:21

Tiilolio loponika mao̒ olio wolo taabua ngota lo Masiri.

ILOOWALI 25:2

Dilelio boito lopotutu mai mongo walao̒ tai̒lunte; Jimran, Yoksan, Medan, Midian, Isybak wau Suah.

ILOOWALI 25:4

Mongo walao̒ Midian yito: ti Epa, tei Eper, Heno, Abida wolei Eldaa. Timongolio ngoa̒amila wali mai lei Ketura.

BOHULO MONGO OLONGIA 11:17

Bo, tei Hadad utou̒ boito donggo muda, matilumetea̒ ode Masiri wolo dengolo lota taulo Edom, tahi pomayawa liyamolio.

BOHULO MONGO OLONGIA 11:19

Yi tei Hadad olo lowali tamani mopiohu li olongia, tilinggula ti olongia longohi mao̒ wipahio lohihilao, deu̒yito-yito tawaliyali tobele biluloa̒ saaha li olongia Tahpenes, odelei Hadad u lowali dilelio.

PILOTIMUA̒TA 2:15

Tou̒ ti olongia loo̒dungohe sua̒li u lotoduo boito, tio malo lolohe aakali u momate olei Musa mate-mateelo mao̒. Bo tei Musa malolahi lapatao̒ mola lotibiluloa̒ tolipu lo Midian. Ti Iimamu lonto Midian, tai̒lunte Yitro, owalao̒ mongobua pitu lota. Todulahee tuwau, tou̒ tei Musa donggo hulo-huloa̒a totili lo ali tuwau, malonao̒ mai walae̒e Yitro mongo dulahu pitu lota mai mohama taluhu wau moluanga tambati u hipongiluma himbala lo batade wau himba liyamo limongolio.

HABAKU 3:3

Eeya Allahu Taa̒ala Taa Laba-labaalo mantali dungga-dungga mai lonto Teman, Eeya dungga-dungga mai lonto hihui̒-hui̒dea lo Paran. Hulungo yilanggube lo odudaa̒a lo Eeya; dunia polupolu lo poloilaalo momuji duo̒lo Eeya.

YIA̒APO 10:12

Lapatao̒ taulo Isirai̒lu totooyunuta mola lomonggato lololaa mao̒ huta datahu wau luasi udelita lo Sinai, wau heenga boito lohuheli tou̒ timongolio malei dungga mola tohuta datahu wau luasi udelita lo Paran.

YIA̒APO 22:4

Lapatao̒ taulo Moab loloi̒ya mao̒ ode mongo tau̒wa taulo Midian, “Diilalo mohiheo polemboa̒ boito molamuto totoonulalo u hitua-tuawua to palitonto debo odelo sapi molamuto huo̒yoto tohuta u luasi daa̒.” Yi tei Balak

YIA̒APO 25:14

Taulo Isirai̒lu tapilatelio yila-yilateelo mao̒ pee̒-pee̒enta wolo taabua lo Midian boito iluntee Jimri, walae̒e Salu, tau̒wa lou̒ ngaalaa̒ tuwau lonto suku Simeon.

YIA̒APO 25:18

sababu ololeeto u mailanjana limongolio ode limongoli to Peor, wau sababu ti Kojbi walao̒ ngotaalio lotau̒wa to Midian. Ti Kojbi boito taabua tapilatelio yila-yilateelo mao̒ tou̒ lotoduo mai baala sababu u yilowali to Peor.”

YIA̒APO 25:6

Tou̒ tei Musa wau ngoilanggubu umati donggo hili-hilimuta tohuhebu Kema lo Eeya, timongolio loo̒onto ngotaalio lo Isirai̒lu lodelo mai taabua ngota lo Midian tilumuwotao̒ ode delomo kemalio.

TINGULI 1:1

Buku botie tuatuanga tataa-heyaalo upilopo tunggulao̒ lei Musa ode bangusa lo Isirai̒lu tou̒ timongolio tohuta datahu wau luasi udelita to Lumbaya Yordan. Lumbaya boito to ambahu tiimuru lo Dutulaa Yordan, totili lokota Sup, towolota lokota Paran towimbihio tuwau, wau kokoo-tawaalo Topel, Laban, Hejerot wau Di-Jahab towimbihio wewo. (

TINGULI 33:2

“Eeya dungga-dungga mai lonto Hui̒dee Sinai; Tio lobutu toitaato Edom debo odelo mato lodulahu wau lonto Hui̒dee Paran Tio lolinelai umati-Lio. Tio tilunuhe lo mopuulo lihulota malai̒kati; tulu lei̒-lei̒ita to ambahu olowala-Lio.