BOHULO MONGO OLONGIA 11:1 - KITABI HABARI MOPIOHE

¹ Ti Olongia Salomo heilohilao to mongobua deli dadaata. Ngopohia tipuusili li olongia lo Masiri, tei Salomo helonika olo wolo mongobua lo Het, Moab, Amon, Edom wau Sidon.

BOHULO MONGO OLONGIA 11:1 ပူးပေါင်းရင်းမြစ်များ

BOHULO MONGO OLONGIA 11:8

Tei Salomo helo potihulao̒ olo tataa-mbatiyaalo tou̒toonu mongo dilelio tabangusa deli loo̒tapo mao̒ dupa wau helo podewo bake ode dedeewaalo limongolio lohihilao.

BOHULO MONGO OLONGIA 14:21

Tou̒ tei Rehabeam, walae̒e Salomo, lowali olongia lo Yehuda, tutumulio wopato pulaa tuwau lotaunu. Tio helo malenta mopulaa pitu lotaunu mola hiheolio to Yerusalemu. Monto ngoilanggubu lo Isirai̒lu kota boito mapilo tolomodu lo Eeya odelo tambati poi̒baadatiala ode Olio. Tiilo lei Rehabeam yito ti Naa̒ma lonto bangusa lo Amon.

BOHULO MONGO OLONGIA 14:31

Lapatao̒ tei Rehabeam yilate wau yilobungio totambati lomongo olongia to Kota lei Dauda. Tei Abiam, walai̒o talolai̒ lobuulota wolio odelo olongia.

BOHULO MONGO OLONGIA 16:31

Diipo lotuuheta to olio olo tilumumula ilodusa debo odelo ti Olongia Yerobeam, tio tumbao̒ lonika woli Isebel walai̒ Olongia Etbaal lonto Sidon, wau tio helo ibaadati to Baal.

BOHULO MONGO OLONGIA 3:1

Tei Salomo lopowali mao̒ Masiri waitio wolo lonika oli puusili li olongia lo Masiri. Ti Puusili boito dilelo lei Salomo ode kota lei Dauda u lotibiluloa̒ teto dilumutu bele biluloa̒ saaha li olongia li olongia wau Bele lo Eeya wau biintengi topalito Yerusalemu yilapato bilongulio.

ESRA 10:44

Ngoa̒amila tau boito malonika wolo mongobua lonto bangusa deli. Yi mongo dilebua boito hebilua̒aya limongolio wau pilolontulo pee̒-pee̒enta wolo mongo walai̒ mongolio.

ESRA 9:1

Lapatao̒ ngoa̒amila boito piloponao̒ dengolo lota tahimuloa ulipu bangusa lo Isirai̒lu lonao̒ mai ode olau̒. Timongolio lopoo̒taao̒ deu̒ ulipu lo Isirai̒lu, leituoto mongo iimamu, wau tau-tauwalo Lewi tadiila helo halahu lonto babaa-ngusawalo tahi biluloa̒wa totili mao̒ leeto, deu̒yito-yito bangusa lo Amon, Moab, Masiri, Kanaa̒n, Het, Peris, Yebus wau Amori. Tumbao̒ mongo iimamu wau tau-tauwalo Lewi helohutu odito olo. Timongolio ngoa̒amila helohutu toonula huhutu kootoro u hepilohutu lo babaa-ngusawalo boito.

ESRA 9:2

Mongo lolai̒ lo Yahudi helonika wolo mongobua bangusa deli, tilinggula umati tolomodu miliki lo Eeya diilalo pulua. Tumbao̒ taleimulo daa̒ helohutu uito yito tahimuloa lo ulipu wau tahidihuma pantungo lo Isirai̒lu.

PILOTIMUA̒TA 34:16

Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

POHUMAYA 2:16

Yio̒, walau̒uu̒, mamowali mopotouli mao̒ paaluto lotaabua diila mopiohu tahemo tolopani moheinga hilaamu wolo loi̒ya u mopiohu.

POHUMAYA 22:14

Pipio lotaabua suuntali debo odelo hentobu; taa u miluluka lo Eeya meilotoo̒ ode delomio.

POHUMAYA 23:33

Matomu mohulimayango, pikiilangimu mopuuyoto wau tunggilumu moloi̒ya udiila otutu.

POHUMAYA 31:3

Diila mao̒ polooyalia lotolumu meaambo mopolooyali lotolumu to mongobua. Madilaata olongia talo aantulu sababu mongobua.

POHUMAYA 6:24

Lou̒ odito yio̒ pohalahulo monto mongobua tadiila boti mopiohu, wau monto papaa-lutowaalo obisa lodile taabua lotaa wewo.

POHUMAYA 7:5

Hikimati mamopo halaheo̒ olemu monto taabua diila boti mopiohu, monto taabua tamoheinga wolo tataa-heyaalo u mopiohu.

IMAAMATI 18:18

Diila podiilea wolo wutato dilemu ngotilonggadu dilemu lohihilao donggo tumu-tumulo.

TINGULI 17:17

Olongia diila mowali odile dadaata, alihu tio diila mao̒ momulemengo to Eeya. Tio olo diila mowali mopokaya batanga wolo talaa̒ wau hulawa.