BOHULO MONGO OLONGIA 10:7 - KITABI HABARI MOPIOHE

⁷ Muloololio mai watia diila palacaya, bo yinta watia lonao̒ mai wau malo sakusi mao̒ ngoa̒amilalo wolo mato lowatia lohihilao, bolo watia yakini. Tutuulio tutu totoonulalo u ilodungohe lowatia boito diipo ngotayadu lou̒ iloontonga lowatia botia. Malo ilaalo tinepo wau okokaya li Tuani lebe udaa̒ mao̒ lou̒ pilo habariilio olaatia.

BOHULO MONGO OLONGIA 10:7 ပူးပေါင်းရင်းမြစ်များ

BOHULO MONGO OLONGIA 10:6

Yi malo loi̒ya tio odeli Olongia Salomo, “Totoonulalo u ilodungohe lowatia tolipu lowatia pasali li Tuani wau tinepo li Tuani, memangi otutu!

BOHULO MONGO OLONGIA 10:8

Donggo boli pae̒daalio mongo dile li Tuani! Wau donggo boli muujurulio mongo pogawee talaito hipo kalajawa toli Tuani tilinggula mowali modungoheo̒ monto li Tuani lohihilao totoonulalo pongaajali u molinepo!

JABURU 48:9

Debo odelo u ilodngohento, botia oontonganto mao̒, to Kota lo Eeya Taa Laba-labaalo kawasa. Kota boito yito Kota lo Allahu Taa̒alanto, Eeya mopoduulua olio u ohiheo-hiheolo mao̒.

YESAYA 64:4

Diipo pee̒enta mao̒ woluo talo dungohe, wau diipo pee̒enta mao̒ woluo taloo̒onto, deu̒ ngopohia Eeya, woluo ila talohutu mao̒, ode taa u hemohalapu to olio.

JAKARIA 9:17

Donggo boli piohio huta lo Eeya halapanilio, donggo boli piohio wau gagaalio! Mota teto angguru wau pale mobutu mola mali-malihuhuo̒, mohutu mongo bohulotau wau mongo dulahu oduhenga lotolo.

MARKUSI 16:11

Bo tou̒ timongolio loo̒dungohe deu̒ ti Isa tumutumulo, wau deu̒ ti Maria maloo̒onto o-Lio timongolio diila palacaya.

1 KORINTUS 2:9

Bolii̒o mao̒ sua̒li boito yito debo odelo utula-tulade todelomo Kitabi, “Wolo udiila pee̒enta iloontonga meaalo ilodungohe lomanusia, wau diila pee̒enta olo tilumoodu todelomo pikilangi lomanusia, ui-uitolo u pilodapato lo Allahu Taa̒ala ode tau-tauwalo tamotolia̒ngo o-Lio.”

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.