BOHULO MONGO OLONGIA 10:4 - KITABI HABARI MOPIOHE

⁴ Ti Olongia taabua boito losakusi mao̒ lohihilao malo odito tinepio lei Salomo,

BOHULO MONGO OLONGIA 10:4 ပူးပေါင်းရင်းမြစ်များ

BOHULO MONGO OLONGIA 10:3

Ngoa̒amila yiyintu boito ilotameta lei Salomo, diaaluo penu boli tuwau mao̒ u odito totoolio to olio.

BOHULO MONGO OLONGIA 10:5

dudelo lokalaja mongo pogawee lobele biluloa̒ li olongialio, wau pakeyangi ngotumbao̒ wau bebee-leyaalo limongolio. Tio loo̒onto mao̒ ua̒alo wau uilumolo u hepo hintalio, wau dudelo lomongo wato hipo hintaawa potihunggu, wau babaa-keyaalo u hepilodewo lei Salomo to Bele lo Eeya. Ngoa̒amilalo boito heloo̒ linggalabe oli olongia taabua lo Syeba boito wau bolo leitontongo.

BOHULO MONGO OLONGIA 3:28

Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

TAMOO-HUTUBAWA 12:9

Taa Momikiilia boito aaripu wau molinepo. Sababu uito ilaajalilio to umati wolo totoonulalo pongototaalio. Dadaata pohumaya u piloo̒laatio lapatao̒ tilesiilio u otutuulio.

MATIUSI 12:42

To Dulahu Kiama, ti olongia taabua monto lipu lo Hulialio mamobongu mai pee̒-pee̒enta wolo tau-tauwalo tojamani botie wau mamopo tuludu olimongolio. Sababu u modungoheo̒ pongaajali lei Salomo tamolinepo, ti olongia taabua boito malo huwato ode u molaminga daa̒ lonto huudu dunia. Bo teea botia woluo talebe udaa̒ mao̒ wolei Salomo!”

MATIUSI 6:29

Boti Olongia Salomo penu boli odito kayalio, diila helomake boo̒ debo odelo piohio lo bubuu-ngawaalo boito!

LUKASI 12:27

Poo̒tuota mao̒ woloolo mola bubuu-ngawaalo patihu boito mobutu; bubuu-ngawaalo boito diila hipo kalajawa, diila olo hipo hewola; Bo Olongia Salomo tao̒dito kayalio olo diila helomake boo̒ u odito piohio odelo bubuu-ngawaalo boito!