BOHULO MONGO OLONGIA 10:3 - KITABI HABARI MOPIOHE

³ Ngoa̒amila yiyintu boito ilotameta lei Salomo, diaaluo penu boli tuwau mao̒ u odito totoolio to olio.

BOHULO MONGO OLONGIA 10:3 ပူးပေါင်းရင်းမြစ်များ

OLUO LO SAMUEL 14:17

Watotia yakini deu̒ danti li Tuani lowatotia boito mapo ngakuwalo u mopoa̒ahu olo watotia sababu ti Tuani lowatotia yito debo odelo malii̒ikati lo Allahu Taa̒ala, tamowali mopohiihede wolo u mopiohe wau wolo u moleeto. Pohileaala dua̒ Eeya Allahu Taa̒ala li Tuani lowatotia pee̒-pee̒enta woli Tuani lowatotia!”

OLUO LO SAMUEL 14:20

Bo tio helohutu odito u mopoo̒ lapato palakala boito lou̒ mopiohu. Ti Tuani lowatotia yito molinepo debo odelo malai̒kati lo Allahu Taa̒ala tilinggula motota totoonulalo hitua-tuawua u motoduo.”

BOHULO MONGO OLONGIA 10:1

Ti Olongia Taabua lipu lo Syeba loo̒dungohe pasali omasaahuru lei Salomo. Yi tio lonao̒ mai ode Yerusalemu mai lotesi olei Salomo wolo yiyintu u hitootola.

BOHULO MONGO OLONGIA 10:2

Tio lonao̒ mai wolo ngojumulaa daa̒ tahidudua̒ wau unta usaarati deto-detohe ramba-ramba, botu polioto, wau dadaata daa̒ hulawa. Tou̒ lodunggaya wolei Salomo, ti olongia taabua boito loo̒owolimao̒ yiyintu hidala-dalaala u lowali pilikii-langilio.

BOHULO MONGO OLONGIA 10:4

Ti Olongia taabua boito losakusi mao̒ lohihilao malo odito tinepio lei Salomo,

BOHULO MONGO OLONGIA 3:12

yi polohonemu boito mapoo̒ poluwo-U̒ mai. Wau̒ mamopowali mai olemu lebe molinepo wau lebe o pongotota wolo titaalo tita olo, mopio tou̒ yilalu mao̒ mopio tou̒ madungga-dungga mai.

OLUO TAWARI 9:2

Ngoa̒amila yiyintu boito ilotameta lei Salomo, diaaluo penu boli tuwau mao̒ lo yiyintu boito uboti mototolo olio.

POHUMAYA 13:20

Taa u moa̒awota wolo taa molinepo, mamowali molinepo; taa u moa̒awota wolo taa mohulodu, matopotala.

YESAYA 42:16

Bangusaa-U̒ tapitoo̒ madeloo-U̒ molibaya dalalo u diila otaawa limongolio; timongolio madeloo-U̒ to dadaa-lalaa u diila oonuhe limongolio. U modio̒lomo powaliyo-U̒ mobaango ode limongolio, wau dalalo u hilinggo-linggotua poopayadu-U̒. Uitolo u mapohutuo-U̒ mai olimongolio, wau tantuulo mao̒ maponao̒o-U̒.

MATIUSI 13:11

Ti Isa lolametao̒, “Sababu timongoli mailohia ponu u motota mao̒ hitua-tuawua u sangaja tiluuo̒ alihu diila otaawa pasali lou̒ woloolo mola Allahu Taa̒ala momalenta, hiambola timongolio diila.

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

KOLOSE 2:3

Ti Almasilo talomuo̒ totoonulalo tinepo wau pongotota lo Allahu Taa̒ala u muloololio mai tutuuo̒.