BOHULO MONGO OLONGIA 10:29 - KITABI HABARI MOPIOHE

²⁹ wau kakaa-letawaalo popaatea pilopo dunggalio mai olo lonto Masiri. Halaga lowadala tuwau ngohetuto limo lopulu doi talaa̒, wau halaga kaleta tuwau lo popaatea wolomo hetuto doi talaa̒. Lapatao̒ lotimbulude totaa u hipo ngusahawa tomimbihu polo daahangi boito olo wawaa-dalaalo wau kakaa-letawalo popaatea boito luli hepotaliilio ode mongo olongia lo Het wau mongo olongia lo Siria.

BOHULO MONGO OLONGIA 10:29 ပူးပေါင်းရင်းမြစ်များ

OLUO TAWARI 1:17

wau kakaa-letaalo popaatea hepilopo tuwotio mai lonto Masiri, lapatao̒ luli pilopoluala mola ode mongo olongia lo Het wau mongo olongia lo Siria wolo halaga ngohetuto limo lopulu doi talaa̒ ode wadala tuwau, wau wolomo hetuto doi talaa̒ ode kaleta lo popaatea tuwau.

HOSEA 12:10

Bo Wau̒, Eeya Allahu Taa̒alaamu, taa lodelo olimongoli yilumualao̒ lonto Masiri, maa mohutu olimongoli muli motibiluloa̒ to kekeemawala debo odelo mulooloalio mai tou̒ Wau̒ leidungga mai ode olemu to auhu padengo.

MALEAKHI 1:1

Uti-utieelo tahuli lo Eeya odelei Maleakhi ode umati lo Isirai̒lu.

YOSUA 1:4

Madalamu mabua̒-bua̒de monto huta datahu u luasi daa̒ udelita to huliaalio demola hihui̒-hui̒dea lo Libanon totilayo wau monto Dutulaa Eperat u leidaa̒ boito to tiimuru tulusi meituwoto lipu bangusa lo Het demola Lau Tenga to otolopa.

BOHULO SEMUEL 26:6

Lapatao̒ tei Dauda lohintu mao̒ olei Ahimelek taulo Het boito, wau olei Abisai wutatei Yoab (Tiilo limongolio yito ti Jeruya), “Tatoonu tabuheeli tumuwotao̒ walau̒ ode delomo kema lei Saul?” Tei Abisai lolametao̒, “Wau̒!”