BOHULO MONGO OLONGIA 10:21 - KITABI HABARI MOPIOHE

²¹ Ngoa̒amila pakaakasi u pongiluma lei Salomo pilohutu lonto hulawa, wau ngoa̒amila pakaakasi to Balai Oa̒ayua Libanon olo pilohutu lonto hulawa tutu. Diaaluo u pilohutu lonto talaa̒, sababu to jamani lei Salomo tau hemo lantobu talaa̒ diila ohalaga.

BOHULO MONGO OLONGIA 10:21 ပူးပေါင်းရင်းမြစ်များ

BOHULO MONGO OLONGIA 10:17

Tio olo helohutu tolo hetuto porisai hulawa ulebe mooyoto. Hulawa u pilomake ode timii̒du porisai u mooyoto boito otanu dulo kilo, ngoa̒amila hulawa dilupa. Ngoa̒amila porisai boito dilutulio tobalai u ilunte Balai Oa̒ayua Libanon.

BOHULO MONGO OLONGIA 10:20

To hudu oloihi wau hudu olowala timii̒du lilintonga lotua̒de boito obui̒ singa – ngoa̒amilalo mopulaa duluo. Diila pee̒enta mao̒ woluo kadera lo bele biluloa̒ saaha li olongia debo odelo uito penu boli to bele biluloa̒ saaha li olongia toonu olo.

BOHULO MONGO OLONGIA 10:22

Tei Salomo o kaapali dadaata u hemobite pee̒-pee̒enta wolo kaapali li Olongia Hiram. Tolo taunu pee̒enta kakaa-paliyaalo boito hipo hualinga mai hemodelo hulawa, talaa̒, tua̒langa, dihe wau bulungi meraki.

BOHULO MONGO OLONGIA 7:2

Tobele biluloa̒ li olongia boito tei Salomo helohutu huwali leidaa̒ u ilunte “Balai Oa̒ayua Libanon”. Tuu̒udio: hayai̒o wopato pulaa pato meeteri, tanggalio dulo pulaa dulo meeteri, wau langgatio mopulaa totolu wau ngoputu meeteri. Balai boito otolo jeejeri wolihi lonto ayu woohu Libanon; timii̒du jeejeri tilitangoa lou̒ wolihi mopulaa limo wau toitaatio pilopohulia ayu meaalo wawohu bula-bulawahu debo odelo tulalo datala towatopo bele lonto ayu woohu Libanon. Papaahulio pilohutu lonto ayu u tutuuwauwa wau helolau̒be ayu meaalo wawohu bula-bulawahu debo odelo tulalo datala towatopo bele boito.

ESTERI 1:7

Ti olongia lopohetu mao̒ angguru laba-labaalo daatalio u pilohinta todelomo pipii-yalaalo hulawa hidala-dalaala.

AYUBA 28:1

Woluo pongau̒delo tou̒toonu talaa̒ mowali odungga; woluo tambati tou̒toonu hulawa mowali osopua.

JAKARIA 9:3

Tirus malomongu bibii-ntengiyalo duo̒lo batangalio wau lomuntu dadaata daa̒ hulawa wau talaa̒ tilinggula lowali debo odelo balangi biasa debo odelo hungayo wau latao̒ todalalo.

TINGULI 17:17

Olongia diila mowali odile dadaata, alihu tio diila mao̒ momulemengo to Eeya. Tio olo diila mowali mopokaya batanga wolo talaa̒ wau hulawa.