BOHULO MONGO OLONGIA 10:20 - KITABI HABARI MOPIOHE

²⁰ To hudu oloihi wau hudu olowala timii̒du lilintonga lotua̒de boito obui̒ singa – ngoa̒amilalo mopulaa duluo. Diila pee̒enta mao̒ woluo kadera lo bele biluloa̒ saaha li olongia debo odelo uito penu boli to bele biluloa̒ saaha li olongia toonu olo.

BOHULO MONGO OLONGIA 10:20 ပူးပေါင်းရင်းမြစ်များ

ILOOWALI 49:9

Tei Yehuda debo odelo singa buboto; tio momate mateelo mao̒ mangusaalio, lapatao̒ muli mohualinga ode beelealio; tio mopotoi̒toi̒ tulusi motibalata, wau diaaluo penu ngotaa mao̒ tabuheeli momuyu olio.

BOHULO MONGO OLONGIA 10:19

Kadera boito opolotodu lo uluu̒, wau mohu-mohualia obui̒ singa. To wulea lokadera boito obui̒ lunggongo sapi. Kadera boito olo o lilintonga lotua̒du mohelu wolomo.

BOHULO MONGO OLONGIA 10:21

Ngoa̒amila pakaakasi u pongiluma lei Salomo pilohutu lonto hulawa, wau ngoa̒amila pakaakasi to Balai Oa̒ayua Libanon olo pilohutu lonto hulawa tutu. Diaaluo u pilohutu lonto talaa̒, sababu to jamani lei Salomo tau hemo lantobu talaa̒ diila ohalaga.

YIA̒APO 23:24

Bangusa boito mobongu mai debo odelo singa bilango, wau timihula mola motulidu debo odelo singa ulai̒. Tio diila motiluu̒to tou̒ diipo molamuto mangusaalio wau mongilu duhu lobake u dilangapio.”

YIA̒APO 24:9

Bangusa boito debo odelo singa ulai̒ wau singa bilango, u hidambaa̒ wau hiluu̒ta. Tatoonu tabuheeli mopobongu mao̒ olio? Pohileaala dua̒ taa mobalakati olemu balakatialio, wau taa molaa̒nati olemu laa̒natialio.”

WAHI 5:5

Lapatao̒ tala ngota towolota lomongo tau̒wa boito malo loi̒ya mai olaatia, “Diila hiyongo! Bilohi! Singa lonto suku bangusa lo Yahudi, wali mai lei Dauda tau̒daa̒, maloo̒haama. Tio mambo momoo̒ pitu seeheli wau momuo̒ buku boito.”