BOHULO MONGO OLONGIA 10:1 - KITABI HABARI MOPIOHE

¹ Ti Olongia Taabua lipu lo Syeba loo̒dungohe pasali omasaahuru lei Salomo. Yi tio lonao̒ mai ode Yerusalemu mai lotesi olei Salomo wolo yiyintu u hitootola.

BOHULO MONGO OLONGIA 10:1 ပူးပေါင်းရင်းမြစ်များ

ILOOWALI 10:28

Obal, Abimael, Syeba,

ILOOWALI 10:7

Wali mai lei Kus yito tuango lipu lo Seba, Hawila, Sabta, Raema wau Sabtekha. Wali lei Raema yito tuango lipu lo Syeba wau Dedan.

ILOOWALI 25:3

Tei Yoksan tiyamo li Syeba wolei Dedan wau wali mai lei Dedan yito taulo Asyur, taulo Letus wau taulo Leum.

BOHULO MONGO OLONGIA 10:24

Ngoa̒amila taa to ngoilanggubu dunia hipo-tolopania u modunggaya wolei Salomo u modungohe pongaa-jaliilio umolinepo uilohi mai lo Allahu Taa̒ala olio.

BOHULO MONGO OLONGIA 4:31

Tio otu-otutuulo mao̒ lebe motota daa̒ wolo ngoa̒amila tau. Tio mongilabota olei Etan taulo Ejrahi, Heman, Kalkol wolei Darda mongo walae̒e Mahol. Tanggulei Salomo lomasaahuru penu boli tou̒toonu to lilii-puwaalo topalito lo yilaidialio.

BOHULO MONGO OLONGIA 4:34

Mongo olongia to ngoilanggubu dunia loo̒dungohe pasali lo pongotota lei Salomo tilinggula timongolio helolao tau ode olio u modungoheo̒ olio.

BOHULO MONGO OLONGIA 5:14

wau lomudua̒a olei Adoniram lowali tamoo-ngimatoa olimongolio. Tei Salomo helo layadeo̒ olimongolio tolo polemboa̒, tinggai tilitangoalio lou̒ mopulu lihu lota. Otolu polemboa̒ boito tinggai tutuuloa̒ ngohula mola motibiluloa̒ to Libanon wau dulo hula mola tobele.

AYUBA 28:28

Allahu Taa̒ala lopirimani mai to manusia, “U moo̒tapu mao̒ hikimati, Allahu Taa̒ala musi hurumatio limongoli. U moo̒toduo mai huhama, u moleeto musi poahalahu limongoli.”

AYUBA 6:19

Kapila lonto Syeba wau lonto Tema mololohe taluhu boito wau heme haalapu moo̒dungga.

JABURU 49:4

Wau̒ mamoloi̒ya mai tataa-heyaalo molinepo, hungo lo pikiilangiu̒ laba-labaalo delomo.

JABURU 72:10

Mongo olongia lo Tarasis wau pupuu-lauwaalo mamodelo dewo ode olio. Mongo olongia lo Arabi wau Etiopia monao̒ mai modelo doi hulawa wau uwewolio uwajibu pomaayali.

JABURU 72:15

Pomali tutuo̒lo mola baginda olongia! Pohileaala dua̒ to olio podewolo hulawa monto Arabi. Pohileaala dua̒ tio dua̒alio timii̒du wakutu wau barakatialo laito.

YESAYA 60:6

Lipumu poyiimooa̒ lo unta dadaata daa̒, uu̒u-ntawaalo boito meidungga monto Midian wau Epa. Monto Syeba tau modelo mai hulawa wau alama, sambela hipomujia huhutu lo Eeya.

YEREMIA 6:20

Pongoola alama u dilelo mai limongolio lonto Syeba ode Olau̒, meaambo ramba-ramba lonto lipu u molamingo? Diila ihilasi Wau̒ dewo limongolio. Wau̒ diila mohuto to babaa-keyaalo yilalango limongolio.

YEHESKIEL 16:14

Ngoa̒amila bangusa hemomuji ogaagamu u wimu-wimumuto ngoa̒amilalo boito, wau Wau̒ulo talohutu mai olemu gaaga. Wau̒ Eeya Taa Laba-labaalo molanggato malo tahuda mai.

YEHESKIEL 38:13

Ulipu lo Syeba wau Dedan boli tahipo daahangia to kokoo-tawaalo lipu lo Spanyol mamohintu mai olemu odie, ‘Wolo yio̒ mongambu mai suludadumu bo u molambata wau moheehu hulawa, talaa̒, bibiahu wau halata upango, wau momintaa̒a ngoa̒amilalo boito?’ ”

MATIUSI 12:42

To Dulahu Kiama, ti olongia taabua monto lipu lo Hulialio mamobongu mai pee̒-pee̒enta wolo tau-tauwalo tojamani botie wau mamopo tuludu olimongolio. Sababu u modungoheo̒ pongaajali lei Salomo tamolinepo, ti olongia taabua boito malo huwato ode u molaminga daa̒ lonto huudu dunia. Bo teea botia woluo talebe udaa̒ mao̒ wolei Salomo!”

MATIUSI 13:11

Ti Isa lolametao̒, “Sababu timongoli mailohia ponu u motota mao̒ hitua-tuawua u sangaja tiluuo̒ alihu diila otaawa pasali lou̒ woloolo mola Allahu Taa̒ala momalenta, hiambola timongolio diila.

MATIUSI 13:35

Lou̒ odito lotoduwolo mola uiloi̒ya lonabi, “Wau̒ momake pohumaya wonu mobisala woli mongolio; Wau̒ mamopo habari susuu-aliyaalo u tuutuo̒ tumulalo mai dunia botie lowali!”

MARKUSI 4:34

Ti Isa laito hemomake pohumaya wonu Tio mongaajali tau-tauwala boito. Bo wonu Tio lohihilao wolo tahidudua̒ o-Lio, Tio mopoo̒ patatao̒ ngoa̒amilalo to olimongolio.

LUKASI 11:31

Todulahu kiama Olongia Tabua monto Huliaalio mamobongu mai pee̒-pee̒enta wolo tau-tauwala tojamani botie, wau mopotuludu olimongolio. Sababu, u modungohe pongaajali lei Salomo tamolinepo, Olongia Tabua boito malo huwato ode u molaminga daa̒ monto huudu dunia. Bo teea botia woluo talebe udaa̒ wolei Salomo!

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.