BOHULO MONGO OLONGIA 1:5 - KITABI HABARI MOPIOHE

^5-6 Sababu tei Absalom mailate, yi tei Adonia, walao̒ talolai̒ lei Dauda oluolio lowali tamohuhula daa̒. Tiilolio ilunte Hagit. Tei Adonia yito taa u gaaga. Tiyamolio diila pee̒enta mao̒ heloingo olio wonu tio mohutu totala. Tei Adonia botie ohilaa daa̒ mowali olongia, yi tio helo podapato ode batangalio ngojumula kaleta lo popaatea wau suludadu owadala wau limo lopulu lota tamoo-kawalia batanga lohihilao.

BOHULO MONGO OLONGIA 1:5 ပူးပေါင်းရင်းမြစ်များ

OLUO LO SAMUEL 15:1

Lapatao̒ uito tei Absalom lopodapato ode batangalio kaleta tuwau lo popaatea wolo wadala wau limo lopulu lota talo duduo̒.

OLUO LO SAMUEL 3:4

Tei Adonia. Tiilolio yito ti Hagit. Tei Sapaca. Tiilolio yito ti Abital.

BOHULO MONGO OLONGIA 1:11

Yi ti Nabi Natan mota lodunggaya woli Batsyeba, tiilo lei Salomo, lapatao̒ loloi̒ya mao̒ olio, “Wolo ti Olongia taabua diipo loo̒dungohe deu̒ tei Adonia, walao̒ talolai̒ li Hagit, malo mudua̒ao̒ batangalio lowali olongia, hiambola ti Olongia Dauda diila motota lolo-loolo sua̒li boito?

BOHULO MONGO OLONGIA 2:13

Tou̒ dulahee tuwau, tei Adonia lonao̒ odeli Batsyeba. Lapatao̒ ti Batsyeba malohintu olei Adonia, “Wolo nonao̒omu mai botie omakusudu u mopiohe?” “Saaya,” tametao̒ lei Adonia.

BOHULO MONGO OLONGIA 2:15

Tei Adonia lolametao̒, “Otaawa li Ibu deu̒ wawatiaalo patutilio mowali olongia; uito u hehaarapuo lo ngoilanggubu Isirai̒lu. Bo ulotoduo mai yito u bolii̒o mao̒; deu̒ tawali-yali lowatia talowali olongia, sababu makilahandaki lo Eeya odito.

BOHULO MONGO OLONGIA 2:24

Eeya malo poo̒otohetai huhuloa̒a li olongia liyamo lowatia, Dauda. Eeya malo eelai Danti-Lio wau malohudu mai bele biluloa̒ saaha li olongia botie olaatia wau wali mola lowatia. Watia motadia mai domi Eeya tatumu-tumulo deu̒ tei Adonia maamate to dulahulo botie!”

BOHULO TAWARI 28:5

Eeya longohi mai walao̒ dadaata olau̒ wau lonto ngoa̒amila walau̒uu̒ boito Eeya lolulaotao̒ olei Salomo u momalenta to Isirai̒lu, bele biluloa̒ saaha li olongia lo Eeya.

BOHULO TAWARI 29:1

Lapatao̒ malo loi̒ya ti Olongia Dauda ode ngoa̒amila taa u hia̒mbua teto, “Monto ngoa̒amila mongo walau̒uu̒ talolai̒, tei Salomoolo tatilulaoto Allahu Taa̒ala. Bo tio donggo humula daa̒ wau diipo botie o pongalaamani, hiambola kalaja botie kalaja u hulinta daa̒. Donggo poli umaa bonguloolo boito diila bele biluloa̒ saaha li olongia duo̒lo manusia, bo bele ode Allahu Taa̒ala.

PILOTIMUA̒TA 9:17

Eleponu odito, yio̒ debo donggo ohilao molanggato olo wau diila mohuto mongohi umati-U̒ monao̒.

POHUMAYA 16:18

Osombongi mopotoduo mai umoo̒ aantulu; ololanggato hilao mopotoduo mai obobinasa.

POHUMAYA 18:12

Taa u sombongi mamodehu, taa udupa-dupaapa lohilao mahurumatiolo.

YESAYA 2:7

Lipulio hipolua lotalaa̒ wau hulawa, halata upangolio diilalo o eenggadelio. Wadalalio dadaata daa̒, wau kaletaalio diilalo o yia̒apa jumulaalio.

LUKASI 14:11

Sababu timii̒du tamopolaio̒ lobatanga mapo dupapaalio, bo tamoti dupapa lobatanga mapolaio̒lio.”

LUKASI 18:14

“Pomalacayalo,” tahuda mao̒ li Isa, “tou̒ malo hualinga ode bele, tamootagia beya boitolo tatilolimo lo Allahu Taa̒ala wau diila taulo Parisi boito. Sababu timii̒du tamopolaio̒ batangalio mapo dupapaalio; wau timii̒du tamopo dupapa batangalio mapolaio̒lio.”

MONGO HAKIMU 9:2

“Ntali yintua mao̒ ode ngoilanggubu ulipu lo Sikhem, toonu ulebe mopiohu: Palenta lo tapitu lopulu lota walae̒e Gideon, meeambo lo tangota wambao̒? Poe̒elai mao̒ olimongolio olo deu̒ watia donggo ngoduhu woli mongolio.”