BOHULO MONGO OLONGIA 1:42 - KITABI HABARI MOPIOHE

⁴² Tei Yoab diipo yilapata poli lobisala mao̒, debolo malonao̒ mai tei Yonatan, walai̒ Iimamu Abyatar, “Dulo tuwotai,” ualei Adonia. “Yio̒ taa mopiohe, tantu u dilelomu mai, habari u mopiohe olo.”

BOHULO MONGO OLONGIA 1:42 ပူးပေါင်းရင်းမြစ်များ

OLUO LO SAMUEL 15:27

Wumbutio mola ti olongia luli loloi̒ya mao̒ odelei Jadok, “Heinga mao̒ tei Ahimaas walau̒mu wolei Yonatan walae̒e Abyatar; pohualingolo timongoli ode kota wolo duo̒duo̒oto.

OLUO LO SAMUEL 15:36

Tei Ahimaas walae̒e Jadok wolei Yonatan walae̒e Abyatar olo loduduo̒ oliyamo limongolio, oditolio timongolio olo woluo teto. Mongo walao̒ boitolo ilahulamu lonao̒ mai ode olau̒ ulopo tunggulai totoonulalo habari umowali dungohemu.”

OLUO LO SAMUEL 17:17

Tou̒ boito tei Yonatan walae̒e Abyatar wolei Ahimaas walae̒e Jadok donggo hiyimaawa totili butu lotaluhu En-Rogel, tobiihu kota lo Yerusalemu. Timongolio diila buheli tumuota ode kota sababu moohe oontonga lotau. Debo odelo biasaalio, ngotaalio lowato bua hemopo tunggulao̒ ode limongolio habari u musi podulohulo odeli Olongia Dauda.

OLUO LO SAMUEL 18:27

Ualo tamoo-dahawa boito, “Taa u bohulio boito tei Ahimaas. Otaawa lo watotia monto dudelolio tete-teteeo̒.” “Tio taa mopiohu,” uali olongia, “tantu tio lodelo mai habari u mopiohu.”

BOHULO MONGO OLONGIA 1:41

Tei Adonia wau ngoa̒amila tamulio boheli yilapatao̒ helohutu pohunggu, tou̒ timongolio loo̒dungohe rameyangi boito. Tou̒ tei Yoab loo̒dungohe tingohu torompeti boito tio malohintu, “Wolo u malo toduo tokota tilinggula rame daa̒?”

BOHULO MONGO OLONGIA 1:43

“Maa̒apu, diila habari u mopiohe,” tametao̒ lei Yonatan. “Ti Olongia Dauda malo mudua̒a olei Salomo lowali olongia!

BOHULO MONGO OLONGIA 22:18

Lapatao̒ ualei Ahab odelei Yosapat, “Otutu loi̒yaau̒, diila odito? Diila pee̒enta mao̒ tio helo laamali mai u mopiohe olau̒! Laito wambao̒ u moleeto!”

OLUO MONGO OLONGIA 9:22

“Wolo nonao̒mu mai botie motaamania?” yilintu mao̒ lei Yoram odelei Yehu. Tei Yehu lolametao̒, “Diila pongalo aakali motaamania, wonu tewe donggo dadaata taa ogunaguna, wau donggo woluo tamoolubowa balaahala u hetilumula mao̒ li Ijebel tiilamu boito?”

YESAYA 57:21

Diaaluo odamee ode taa odusa,” tahuda mai lo Eeya.